Lewitikɔso 14:21 - AHYERƐLƐ KRONGRON

²¹ “Nakoso sɛ sona ne te ehianiɛ ná ye nwo ngɔso so a, ye de odi kyɛ ɔfa boaen nyii akrɔngrɔma ko bayɛ foɛlilɛ afɔleɛ bɔ bɛkɔnwanha ye bɛkɔyɛ mbata bɛkɔma ye ɔ. Nningyein hemɔ koso boka so: esam paa bɔ bafa ngoo bafra ɔ olonka ko bɔ bɛfa bɛbɔ aburoo afɔleɛ ɔ, ngoo towaa ko;

Lewitikɔso 14:21 Iomraidhean Croise

YOB NWOMAA NE 34:19

ye bɔ ɔnnea atitirefoɛ bɛ dibea, ná ommu sikafoɛ ndra ehiafoɛ ne, ofikyɛ bɛ mukoraa bɛte ye sa noa adwuma.

Anyandera 17:5

Ɛgoro sona bɔ ɔyɛ anwumvo nwo a, né agua ye Nyameɛ bɔ ɔbɔle ye ne nyunu ase, yeɛ sona bɔ edwirɛ to obiɛngo a ɔyɛ ye fɛ ne, ɔngɔfa ye nwo ngoli tɔtorɔtɔɔ.

Anyandera 22:2

Nikyee ko he ma sikaniɛ ne ehianiɛ bɛte pɛ: AWURADE yeɛ ɔbɔle bɛ mu ɔ.

Hesekiel 46:7

Odi kyɛ ɔbɔ nandwie nyii ne nwo aleɛ afɔleɛ graa ko, boaen ne nwo aleɛ afɔleɛ graa ko, yeɛ mmoaen akrɔngrɔma nemɔ de, kyɛbɔ ye sa kɔsõ so ɔ, ɔne graa ko biala ye nwo ngoo galɔn ko.

Lewitikɔso 1:14

“Sɛ nnomaa yeɛ ɔfa bɔ naen yeralɛ afɔleɛ ma AWURADE a, ye de odi kyɛ ɔma ye afɔleɛ ne yɛ mmorɔma anaa aborɔnoma buruwa.

Lewitikɔso 12:8

Na sɛ braa ne nwo ngɔso boaen so a, ye de ɔ́fa mmubure nyɔ anaa mmorɔnoma buruwa nyɔ ɔ́bra; ko te naen yeralɛ afɔleɛ, yeɛ ko wora te bɔne nwo afɔleɛ; odi kyɛ ɔsɔfo ne fa yɛ mbata ma braa ne ma ye nwo fi.”

Lewitikɔso 14:10

Ye ɛlɛbɔtwɛ ne aso, odi kyɛ ɔfa mmoaen nyii akrɔngrɔma nyɔ bɔ bellili nnɛen biala, boaen beleɛ akrɔngrɔma ko bɔ wali afoɛ ko bɔ ollili nnɛen biala ɔ, esam paa olonka nza bɔ bafa ngoo bafra bɔ bɛ́fa bɛ́bɔ aburoo afɔleɛ ɔ, ɔne ngoo towaa ko.

Lewitikɔso 14:22

mmorɔma nyɔ anaa mmorɔnoma buruwa nyɔ bɔ ye nwo kɔsõ so ɔ: ko te bɔne nwo afɔleɛ yeɛ ko ne koso te naen yeralɛ afɔleɛ.

Lewitikɔso 27:8

Sɛ ɔnate ehiaa ti sona bɔ wabɔ anohoba ne ɔngɔhora ye ti nyɔboɛ ne tua a, odi kyɛ ɔfa sona bɔ wafa ye wabɔ anohoba ne ɔba ɔsɔfo ne nyunu maa ɔsɔfo ne pɛ ye ti nyɔboɛ. Ɔsɔfo ne kɔsesẽ nyɔboɛ ne, kyɛbɔ sona bɔ wahyɛ bɔ ne ye nwo kɔsõ so ɔ.

Lewitikɔso 5:11

“Nakoso sɛ ye nwo ngɔso mmorɔma nyɔ anaakyɛ mmorɔnoma buruwa nyɔ so a, ye de ɔnate bɔne bɔ wayɔ ne ati, ɔ́fa aburoo esam paa olonka ko ɔɔbɔ bɔne nwo afɔleɛ. Nnɛmaa ɔfa ngoo anaa ɛyɛɛ gua so, ofikyɛ ɔte bɔne nwo afɔleɛ.

Lewitikɔso 5:7

“Na sɛ ye nwo ngɔso boaen so a, ye de maa ɔfa mmorɔma nyɔ anaakyɛ mmorɔnoma buruwa nyɔ ɔɔbɔ foɛlilɛ afɔleɛ ɔma AWURADE, ɔnate bɔne bɔ wayɔ ne ati; odi kyɛ ɔfa ko ɔbɔ bɔne nwo afɔleɛ ná ɔfa ko koso ɔbɔ naen yeralɛ afɔleɛ.

Luka 6:20

Na Yesu mane ye nye so neane ye asuafoɛ nemɔ, na osele kyɛ, “Ɛmɔ, ehiafoɛ, ɛmɔanya saleɛ, ofikyɛ ɛmɔ yeɛ Nyameɛ ahennie ne ɔte ɛmɔ deɛ ɔ!

2 Korintofoɛ 8:12

Na sɛ ɛmɔaye bɛ kunu kyɛ ɛmɔkɔboka a, nikyee bɔ sona le ye fa ma ne yeɛ ɔsɔ anyeɛ ɔ, na nna nikyee bɔ olle bie ne ɔ.

2 Korintofoɛ 8:9

Ɛmɔse kyɛbɔ y’Awurade Yesu Kristo adom ne si te ɔ: né wanya ye nwo, nakoso ɔnate ɛmɔ ti ɔyɛle hianiɛ, amaa ɛmɔafa ye hiaa ne aso banya bɛ nwo.

1 Samuel 2:8

Ɔma ehianiɛ so fi asefuo nu, na ɔma sona bɔ ɔyɛ anwumvo ɔ so fi fofoɛ so, maa ɔtena atitirefoɛ nu, na ɔmaa onya animnyam bia tena so. Ofikyɛ aseɛ nyinasoɛ nemɔ, AWURADE deɛ ɔ, na nyinasoɛ nemɔ so yeɛ wafa ewiase wasie ɔ.