Lewitikɔso 14:19 - AHYERƐLƐ KRONGRON

¹⁹ Ɔsɛ kyɛ ɔsɔfo ne bɔ bɔne nwo afɔleɛ fa yɛ mbata ma sona bɔ ye nwo agua fiɛ ne, ná ye nwo te. Na ɛhe asi ne, odi kyɛ oku naen yeralɛ afɔleɛ kaka ne,

Lewitikɔso 14:19 Iomraidhean Croise

Lewitikɔso 14:12

Odi kyɛ ɔsɔfo ne fa mmoaen akrɔngrɔma nyii nemɔ anu ko ɔboka ngoo towaa ko so, ná ɔfa bɔ bɔne nwo afɔleɛ. Odi kyɛ ɔpagya so fa bɔ ɛnwahanɛ afɔleɛ wɔ AWURADE nyunu.

Lewitikɔso 14:14

Ɔsɛ kyɛ ɔsɔfo ne ɔfa foɛlilɛ afɔleɛ mogya ne bie, ná ɔfa kekã sona bɔ bɛbaate ye nwo ne ye so famaa tɛndiaa ne, ye sa kokotire famaa ɔne ye gya kokotire famaa.

Lewitikɔso 15:15

Na afei odi kyɛ ɔsɔfo ne fa nnomaa nemɔ ko bɔ bɔne nwo afɔleɛ ná ɔ́fa ko koso ɔbɔ naen yeralɛ afɔleɛ. Ɔsɔfo ne kogyina sona ne gya nu kɔpata kɔma ye wɔ Nyameɛ nyunu, ɔnate ye bienzua bɔ né ofiti ne ati.

Lewitikɔso 5:1

“Sɛ ebie nye tua edwirɛ bie, anaakyɛ ɔte edwirɛ bie, ná bɛfrɛ ye kyɛ ooli ye nwo adanzeɛ, ná wangɔ maa ɔnate so ɔyɔ bɔne a, ye musue kɔbɔ ye ti so.

Lewitikɔso 5:6

ná ɔ́fa ye foɛlilɛ afɔleɛ ɔbrɛ AWURADE, ɔnate bɔne bɔ wayɔ ne ati. Odi kyɛ ɔfa boaen beleɛ anaa abɔngye beleɛ ɔbɔ foɛlilɛ afɔleɛ, na ɔsɔfo ne kɔsrɛ mbata kɔma ye, ɔnate ye bɔne ti.

Romanfoɛ 8:3

Na bɔ mmeraa ne wangora wanyɔ, bɔ ɔnate kyɛ anwoɔnaen ne maa ɔyɛle mmerɛ ne ati, Nyameɛ ayɔ. Ɔsomane Ɔwa komapɛ ne maa ɔyɛle ye nwo kyɛ kuro sona, bɔ ole bɔne nwonaen ɔ, na ɔfa buale bɔne foɛ wɔ anwoɔnaen nu,

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.