Lewitikɔso 14:15 - AHYERƐLƐ KRONGRON

¹⁵ Odi kyɛ ɔsɔfo ne fa ngoo towaa ne, ná ohwie ngoo ne bie gua ye bɔbɔ ye sa bɛen nu,

Lewitikɔso 14:15 Iomraidhean Croise

Edwein 45:7

Ekuro tenenee, na ekyi amumuyɛɛ. Ɛhe ati yeɛ Nyameɛ, wɔ Nyameɛ ne, wafa anika ngoo wapopa wɔ maa wabo wɔ mmango mɔ deɛ so ɔ.

Lewitikɔso 14:10

Ye ɛlɛbɔtwɛ ne aso, odi kyɛ ɔfa mmoaen nyii akrɔngrɔma nyɔ bɔ bellili nnɛen biala, boaen beleɛ akrɔngrɔma ko bɔ wali afoɛ ko bɔ ollili nnɛen biala ɔ, esam paa olonka nza bɔ bafa ngoo bafra bɔ bɛ́fa bɛ́bɔ aburoo afɔleɛ ɔ, ɔne ngoo towaa ko.

Lewitikɔso 14:16

ná ɔ́fa ye sa mmɛseka famaa ne bɔ ngoo bɔ ɔwɔ ye sa bɛen nu ne anu, ná ɔfa ye sa mmɛseka pete ngoo ne bie pɛen nzoo, AWURADE nyunu.

Yohane 3:34

Na bɔ Nyameɛ asoma ye ne, ɔkã Nyameɛ dwirɛ, ofikyɛ Nyameɛ fa Sunzum ne ɔma mmorosoɛ.

1 Yohane 2:20

Nakoso ɛmɔ de, Krongronniɛ ne wapopa ɛmɔ ngoo, yiti ɛmɔse nikyee biala.