Lewitikɔso 14:14 - AHYERƐLƐ KRONGRON

¹⁴ Ɔsɛ kyɛ ɔsɔfo ne ɔfa foɛlilɛ afɔleɛ mogya ne bie, ná ɔfa kekã sona bɔ bɛbaate ye nwo ne ye so famaa tɛndiaa ne, ye sa kokotire famaa ɔne ye gya kokotire famaa.

Lewitikɔso 14:14 Iomraidhean Croise

Ɛksadɔso 29:20

Ku boaen nyii ne, ná fa ye mogya ne bie kekã Aarɔn so famaa tɛndiaa ne, ye mma mmienzua nemɔ so famaa tɛndiaa ne, bɛ sa kokotire famaa ne, ɔne bɛ gya kokotire famaa ne. Na mogya bɔ ɔkɔha ne de, hwie gua afɔleɛ bokyea ne anwo bra yia.

Yesaya 1:5

Nzu ati yeɛ ɛmɔkuro kyɛ mekɔ so mebo ɛmɔ ɔ? Nzu ati yeɛ ɛmɔtɛyɛ lɔen ye? Tire ne amukoraa nde apɔ, yeɛ ahone ne amukoraa ayɛ hodwoo.

Lewitikɔso 14:19

Ɔsɛ kyɛ ɔsɔfo ne bɔ bɔne nwo afɔleɛ fa yɛ mbata ma sona bɔ ye nwo agua fiɛ ne, ná ye nwo te. Na ɛhe asi ne, odi kyɛ oku naen yeralɛ afɔleɛ kaka ne,

Lewitikɔso 14:25

Ɔsɛ kyɛ ɔsɔfo ne oku foɛlilɛ afɔleɛ boaen ne, ná ɔfa foɛlilɛ afɔleɛ mogya ne bie fa kekã sona bɔ bɛwɔ so bɛte ye nwo ne ye so famaa tɛndiaa ne, ye sa kokotire famaa ne ɔne ye gya kokotire famaa.

Romanfoɛ 12:1

Yiti aliɛmaa mɔ, ngyi Nyameɛ anwumvoinnwunɛ so mesrɛ ɛmɔ, kyɛ ɛ́mɔtu ɛmɔ nipadua bésie berɛ kyɛ afɔleɛ bɔ ɔte ase ɔ, bɔ ɔte krongron ná ɔsɔ Nyameɛ nye ɔ, na ɛhe yeɛ ɔte ɛmɔ nyamesom bɔ ɔfata ɔ.

Romanfoɛ 6:13

Afei, nnɛma ɛmɔfa ɛmɔ nipadua akwaa biala bɛma bɔne ná wamva wanyɔ amumuyɛɛ, na mmom ɛ́mɔfa ɛmɔ nwo bɛ́ma Nyameɛ kyɛ bɛ bɔ befi ewue nu bahɔ ngoa nu ɔ. Ɛ́mɔfa ɛmɔ nwo amukoraa bɛ́ma ye, ná ɔfa yɔ tenenee nnwumaa.

Romanfoɛ 6:19

Ɔnate ɛmɔ anwoɔnaen mmerɛyɛlɛ ti yeɛ mafa kuro sona atee so madwudwo mahyire ɛmɔ ɔ. Na kyɛbɔ mmerɛ bie ɛmɔfale ɛmɔ nwonaen akwaa bɛyɛle ngoaa bɛmane efiɛ ne amumuyɛɛ mbiri mbiri ne, sɔ ala yeɛ odi kyɛ afei ɛmɔfa ɛmɔ nwonaen akwaa besie berɛ bɛma tenenee bɛkɔ krongronyɛlɛ nu ɔ.

1 Korintofoɛ 6:20

Bɛtɔle ɛmɔ nyɔboɛ serɛ. Yiti ɛ́mɔfa ɛmɔ nipadua bɛhyɛ Nyameɛ animnyam.

2 Korintofoɛ 7:1

Aliɛmaa mɔ, ɔnate kyɛ yanya bɔhyɛ hemɔ ne ati, ɛ́mɔma yɛte yɛ nwo yɛfi nikyee biala bɔ ogua anwoɔnaen ne sunzum nwo fiɛ nwo, ná yɛfa Nyameɛ surolɛ nu yɛma yɛ bra yɛ krongron.

Deuteronomi 24:8

“Sɛ kwata anwonyerɛ yɛ wɔ a, nikyee biala bɔ Lewifoɛ bɔ bɛte asɔfo ne kohyire wɔ kyɛ ɛyɔ ne, nea kyɛ ɛkɔyɔ ye pɛpɛɛpɛ ɔ; na kyɛbɔ mahyɛ bɛ nen, sɔ ala yeɛ yɔ ɔ.

Filipifoɛ 1:20

kyɛbɔ m’anyelasoɛ paa ne nikyee bɔ menea ye ate ne ɔte ne, kyɛ me nyunu ngogua ase wɔ nikyee biala nu, na mmom ngonya ahoneserɛ, kyɛbɔ daa ɔte ne, kekesaala ye koso, na sɛ nde ase oo, sɛ mewu oo, bɛkɔkamvo Kristo wɔ me nipadua nu.

1 Petro 2:5

na ɛmɔ koso, ɛmɔte kyɛ ngoa nyɔboɛ mɔ, na ɛ́mɔma bɛ́fa ɛmɔ bési sunzum nu sua ma ɛmɔyɛ asɔfokure krongron, amaa ɛmɔafa Yesu Kristo so babɔ sunzum nu afɔleɛ bɔ ɔsɔ Nyameɛ nye ɔ.