Lewitikɔso 14:12 - AHYERƐLƐ KRONGRON

¹² Odi kyɛ ɔsɔfo ne fa mmoaen akrɔngrɔma nyii nemɔ anu ko ɔboka ngoo towaa ko so, ná ɔfa bɔ bɔne nwo afɔleɛ. Odi kyɛ ɔpagya so fa bɔ ɛnwahanɛ afɔleɛ wɔ AWURADE nyunu.

Lewitikɔso 14:12 Iomraidhean Croise

Ɛksadɔso 29:22

“Boaen nyii ne, fa ye loe ne, ye dua pue ne, ɛloe bɔ wato wafa ye kunu nningyein nwo ne, bɔ osinzesinze ye boɛ nwo ne, ye saa nyɔ nemɔ ɔne bɛ nwo loe ne, ɔne ye sɔ famaa ne, (ofikyɛ ɔte ɔsɔfohyɛlɛ boaen nyii).

Ɛksadɔso 29:24

ná fa ye mukoraati gua Aarɔn sa nu, ɔne ye mma nemɔ koso bɛ sa nu, ná pagya so kɔ anwuro ma ɔyɛ ɛnwahanɛ afɔleɛ wɔ AWURADE nyunu.

Ɛksadɔso 29:26

“Aarɔn sɔfohyɛlɛ boaen nyii ne, fa ye sa ne, ná pagya so kɔ anwuro ma ɔyɛ ɛnwahanɛ afɔleɛ wɔ AWURADE nyunu, na ɔkɔyɛ wɔ deɛ.

Yesaya 53:10

Nakoso né AWURADE kuro kyɛ odwiridwiri ye nwo ɔ, na ɔfale ye fale yealɛ nu. Na ɔnate kyɛ ɔfale ye kra bɔle bɔne nwo afɔleɛ ne ati, okonwu ye bosofoɛ, okonya ngoa tendenn, na ɔnate ye so yeɛ bɔ AWURADE kuro ne, ɔkɔwa nu ɔ.

Lewitikɔso 14:10

Ye ɛlɛbɔtwɛ ne aso, odi kyɛ ɔfa mmoaen nyii akrɔngrɔma nyɔ bɔ bellili nnɛen biala, boaen beleɛ akrɔngrɔma ko bɔ wali afoɛ ko bɔ ollili nnɛen biala ɔ, esam paa olonka nza bɔ bafa ngoo bafra bɔ bɛ́fa bɛ́bɔ aburoo afɔleɛ ɔ, ɔne ngoo towaa ko.

Lewitikɔso 14:11

Na ɔsɔfo bɔ ɔte sɔ sona ne anwo ne, ɔkɔfa sɔ sona ne ɔne sɔ nningyein nemɔ kɔhɔ AWURADE nyunu wɔ ɛtena sua atenaleɛ ne anoa nu berɛ.

Lewitikɔso 14:19

Ɔsɛ kyɛ ɔsɔfo ne bɔ bɔne nwo afɔleɛ fa yɛ mbata ma sona bɔ ye nwo agua fiɛ ne, ná ye nwo te. Na ɛhe asi ne, odi kyɛ oku naen yeralɛ afɔleɛ kaka ne,

Lewitikɔso 5:15

“Sɛ ɛmɔ nu bie yɔ bɔne, bɔ ɔyɔ bɔne fa AWURADE nningyein krongron ne anu biala nwo, ná sɛ sɔ sona ne ɔnze kyɛ wayɔ bɔne a, odi kyɛ ɔfa mmoaen kure ne anu boaen nyii ko bɔ ollili nnɛen biala ɔ ɔbɔ foɛlilɛ afɔleɛ ma AWURADE. Pɛ ye nyɔboɛ ne wɔ sikaa nu, kyɛbɔ nekaa krongron berɛ sekel te ɔ; ɔte foɛlilɛ afɔleɛ.