Lewitikɔso 13:6 - AHYERƐLƐ KRONGRON

⁶ Ɛlɛsoo ne aso, odi kyɛ ɔsɔfo ne osa neanea ye nwo, ná sɛ anwonyerɛ ne noa abrɛ ase bɔ wannidi wangɔ ye wereɛ nu a, ye de odi kyɛ ɔsɔfo ne fa to dwaa kyɛ sɔ sona ne ye nwo te; edoee mbaen ɔ; odi kyɛ sɔ sona ne, ɔpo ye nwo nningyein, ná ye nwo ɔte.

Lewitikɔso 13:6 Iomraidhean Croise

1 Ahemvo 8:38

angorangora biala, anaa wɔ maen Yisrael amukoraa, sɛ b’amaneɛ ne b’aworabɔlɛ ma bɛ nye ba bɛ nwo so, maa ɔnate so bɛtengyɛ bɛ sa bɛfa bekyire sua ye aso a, kyɛ bɛ sufrɛ biala oo, kyɛ bɛ mbaeɛ biala oo,

1 Ahemvo 8:45

ye de tie bɛ mbaeɛ ne bɛ sufrɛ wɔ nyameɛso, ná ko bɛ koɛ ma bɛ.

Edwein 19:12

Nwa yeɛ ye nye kora ba ye nwo so wɔ ye bɔbɔ ye mvomsoɛ nwo ɔ? Me mvomsoɛ bɔ wafea me ne, fa kyɛ me.

Anyandera 20:9

Nwa yeɛ ɔkɔhora kɔhã kyɛ, “Mate m’ahone nu sannwuu, me nwo ate afi me bɔne nwo” ɔ?

Nworɛ Dwirɛhanɛniɛ 7:20

Nahorɛ nu, sona biala nne aseɛ ye aso bɔ ye de ɔtengyɛ, ɔyɔ paa ngome, bɔ ɔnyɔ bɔne ɔ.

Yesaya 42:3

elemmire bɔ ɔte fɛngyɛfɛngyɛ ne, ongobu nu, yeɛ kanea nyamaa bɔ ogye monɛɛmonɛɛ ne, ongonua ye, na okobua ndɛen turoloo.

Lewitikɔso 11:25

na ebiala bɔ ɔkɔsoa bɛ nu biala fuin nen, odi kyɛ ɔpo ye nwo nningyein, na ye nwo kogua fiɛ maa okodwu nɔsoa.

Lewitikɔso 11:28

Ebiala bɔ ɔkɔsoa bɛ fuin ne, odi kyɛ ɔpo ye nwo nningyein, na ye nwo kogua fiɛ maa okoodwu nɔsoa; bɛ nwo nde mma ɛmɔ.

Lewitikɔso 11:40

Sona biala bɔ okoli ye naenmvuin ne bie ne, odi kyɛ ɔpo ye nwo nningyein, na ye nwo kogua fiɛ maa okodwu nɔsoa; sona bɔ ɔkɔsoa kaka fuin ne koso, odi kyɛ ɔpo ye nwo nningyein na ye nwo kogua fiɛ maa okoodwu nɔsoa.

Lewitikɔso 13:2

“Sɛ asee gua ebie anwo, anaa edoee yɛ ye, anaa yira bobɔ ye ná ɔkakyi kwata wɔ ye nwo a, odi kyɛ bɛfa ye bɛbrɛ ɔsɔfo Aarɔn anaa Aarɔn mma mmienzua bɔ bɛte asɔfo nemɔ anu ko.

Lewitikɔso 13:5

Ye ɛlɛsoo ne aso, odi kyɛ ɔsɔfo ne neanea ye nwo, ná sɛ onwu kyɛ anwonyerɛ ne ɔtɛte kyɛbɔ ɔte ne ala, ná wannidi wangɔ ye wereɛ nu a, ye de odi kyɛ ɔsɔfo ne ma ye ngome ɔte ye nwo kɔtena nekaa bie ɛlɛsoo bieku.

Lewitikɔso 13:7

Nakoso, sɛ ɔfa ye nwo kokyire ɔsɔfo maa ɔsɔfo ne fa to dwaa kyɛ ye nwo afi, ná ye si ye sɛ edoee ne sa didi kɔ ye wereɛ nu a, ye de odi kyɛ osa ba ɔsɔfo ne berɛ.

Lewitikɔso 14:8

Sona bɔ bate ye nwo ne, odi kyɛ ɔpo ye nningyein, ɔpoa ye nwo nwiaa amu, ɔfa nzue bia, na ye nwo kɔte. Ye si ye, odi kyɛ osa ba asikyeleɛ nu berɛ, nakoso ɔkɔtena ye ɛtena sua asi ɛlɛsoo.

Romanfoɛ 14:1

Sona bɔ ɔyɛ mmerɛ wɔ gyidie nu ne, ɛ́mɔle ye bɛto nu, na nnɛma ɛmɔ ne ye su aporowaa fa nikyee bɔ ɛmɔ ne ye nyɛ adwene nwo.

2 Korintofoɛ 7:1

Aliɛmaa mɔ, ɔnate kyɛ yanya bɔhyɛ hemɔ ne ati, ɛ́mɔma yɛte yɛ nwo yɛfi nikyee biala bɔ ogua anwoɔnaen ne sunzum nwo fiɛ nwo, ná yɛfa Nyameɛ surolɛ nu yɛma yɛ bra yɛ krongron.

Deuteronomi 32:5

Nakoso ye mma ayɔ bɔne batia ye, na ɔnate bɛ nwo ngekalewa ne ati, nna ye mma ole bɛ ko, bɛte amumuyɛɛ ne nnakannaka aworɛ ndoatoasoɛ.

Hebrifoɛ 10:22

yiti ɛ́mɔma yɛfa nahorɛ ahone ne gyidie bɔ osi pi, ɔne ahone bɔ bate ye nwo bafi bɔne tiboa nu, ɔne nipadua bɔ bafa nzue gyengɔgyengɔ babia ye ɔ yɛhwe yɛpingye Nyameɛ.

Hebrifoɛ 9:10

Ofikyɛ ɔfa aleɛ, anonneɛ, ɔne bɛ nwo petenɛ ahoroɔ ngome nwo; na ɛhemɔ te anwoɔnaen nu nziesie bɔ ɔwɔ berɛ kodwu mmerɛ bɔ Nyameɛ kɔhyehyɛ nikyee biala foforɛ ɔ.

Yakobo 3:2

Ofikyɛ yɛ mukoraa yɛfõ wɔ atee pee so. Na sɛ ebie nyɔ mvomsoɛ wɔ bɔ ɔkã nu a, né ɔte sona bɔ odi mu, bɔ ɔkora hyɛ ye nipadua amukoraa so ɔ.