Lewitikɔso 13:57 - AHYERƐLƐ KRONGRON

⁵⁷ Nakoso sɛ ngekalewa ne sa ba ataadeɛ ne anu de a, kyɛ kundu anaa nikyee biala bɔ bafa gyese banwo ɔ, anaa nikyee biala bɔ bafa nwomaa bapa ɔ, ye de né anwonyerɛ ne ɔtrɛ; odi kyɛ ɛfa see yera nikyee bɔ ngekalewa ne wɔ nu ne.

Lewitikɔso 13:57 Iomraidhean Croise

Yesaya 33:14

Ɛserɛ ahã bɔnefoɛ bɔ bɛwɔ Sion ɔ, ahunundetelɛ atɔ bɛ bɔ benzuro Nyameɛ ɔ so. (Bɛnwa:) “Yɛ nu nwa yeɛ ɔkɔhora ɔne see bɔ ogye wuronyiwuronyi ne bɛkɔtena ɔ? Yɛ nu nwa yeɛ ɔkɔhora ɔne see wuronyiwuronyi bɔ ogye afebɔɔ ne bɛkɔtena ɔ?”

Lewitikɔso 13:48

kundu anaa nikyee biala bɔ bafa gyese banwo nu oo, anaa bɔ bafa boaen nwiaa banwo nu oo, anaa nwomaa, anaa ataadeɛ biala bɔ bafa nwomaa bapa nu oo,

Lewitikɔso 13:56

Nakoso sɛ bɛpo ataadeɛ ne beyie, ná ɔsɔfo ne nea ataadeɛ ne, ná anwonyerɛ ne abrɛ ase a, ye de odi kyɛ ɔte berɛ ne fi ataadeɛ ne anu, kyɛ kundu ahɔ oo anaa nikyee biala bɔ bafa gyese banwo ɔ ahɔ oo, anaa nwomaa ahɔ oo.

Lewitikɔso 13:58

Nakoso sɛ bɛpo ataadeɛ ne, kyɛ kundu anaa nikyee biala bɔ bafa gyese banwo ɔ, anaa nikyee biala bɔ bafa nwomaa bapa ɔ, ná sɛ ngekalewa ne fi nu tu a, odi kyɛ bɛpo ye bieku, na ataadeɛ ne nwo kɔte.”

Mateo 22:7

Na ɛhene ne tele ne, ye ahone huli, na ɔsomane ye asraafoɛ maa beehuhuni sɔ awudifoɛ nemɔ, na bɛyerale bɛ kuro.

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Mateo 3:12

Otira ye huhuamoa nu; ɔkɔprapra ye nekaa bɔ ɔboro aburoo ne monomono. Ɔkɔboaboa ye aburoo ne noa kogua pata so, nakoso afafu ne de, ɔkɔfa see bɔ onnua le ɔ yeɛ ɔkɔyera ye ɔ.”

Deuteronomi 24:8

“Sɛ kwata anwonyerɛ yɛ wɔ a, nikyee biala bɔ Lewifoɛ bɔ bɛte asɔfo ne kohyire wɔ kyɛ ɛyɔ ne, nea kyɛ ɛkɔyɔ ye pɛpɛɛpɛ ɔ; na kyɛbɔ mahyɛ bɛ nen, sɔ ala yeɛ yɔ ɔ.

Nyekyire 21:27

Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”