Lewitikɔso 13:5 - AHYERƐLƐ KRONGRON

⁵ Ye ɛlɛsoo ne aso, odi kyɛ ɔsɔfo ne neanea ye nwo, ná sɛ onwu kyɛ anwonyerɛ ne ɔtɛte kyɛbɔ ɔte ne ala, ná wannidi wangɔ ye wereɛ nu a, ye de odi kyɛ ɔsɔfo ne ma ye ngome ɔte ye nwo kɔtena nekaa bie ɛlɛsoo bieku.

Lewitikɔso 13:5 Iomraidhean Croise

Ɛksadɔso 29:30

Ye mma mmienzua nemɔ, bɛ nu ko bɔ okosi ye gya nu koli sɔfo ne, ko bɔ ɔkɔ ɛtena sua atenaleɛ nu berɛ ɔkɔyɔ ɔsɔfo adwuma wɔ nekaa krongron ne anu ne, ɔsɛ kyɛ owura ye ɛlɛsoo.

Lewitikɔso 13:4

Na sɛ ye nwonaen ne berɛ te hoyaa, nakoso wannidi wangɔ nu wandra ye nwonaen ngaa ne, ná berɛ nwiaa ne wanyɛ hoyaa a, ye de odi kyɛ ɔsɔfo ne ma yarefoɛ ne ngome ɔte ye nwo kɔtena nekaa bie ɛlɛsoo.

Lewitikɔso 13:6

Ɛlɛsoo ne aso, odi kyɛ ɔsɔfo ne osa neanea ye nwo, ná sɛ anwonyerɛ ne noa abrɛ ase bɔ wannidi wangɔ ye wereɛ nu a, ye de odi kyɛ ɔsɔfo ne fa to dwaa kyɛ sɔ sona ne ye nwo te; edoee mbaen ɔ; odi kyɛ sɔ sona ne, ɔpo ye nwo nningyein, ná ye nwo ɔte.

Lewitikɔso 14:8

Sona bɔ bate ye nwo ne, odi kyɛ ɔpo ye nningyein, ɔpoa ye nwo nwiaa amu, ɔfa nzue bia, na ye nwo kɔte. Ye si ye, odi kyɛ osa ba asikyeleɛ nu berɛ, nakoso ɔkɔtena ye ɛtena sua asi ɛlɛsoo.