Lewitikɔso 13:3 - AHYERƐLƐ KRONGRON

³ Odi kyɛ ɔsɔfo ne neanea nekaa bɔ anwonyerɛ ne agua ye ne; na sɛ berɛ nwiaa ne ayɛ hoyaa, ná berɛ ne adidi ahɔ nu atra ye nwonaen ngaa ne a, ye de né ɔte kwata anwonyerɛ; sɛ ɔsɔfo ne neanea ye nwo yie a, odi kyɛ ɔfa to dwaa kyɛ sɔ sona ne nwo nde.

Lewitikɔso 13:3 Iomraidhean Croise

Gyenesise 13:3

Olili tutena toonn fili ngwaen dɔ aseɛ ne aso oodwuli Betel, na odwuli nekaa bɔ olili moa sili ye ɛtena sua ne, wɔ Betel ne Aye b’afia.

Hesekiel 16:30

“Ah! Sãa ɛnze nyanzoen sɔaa! AWURADE Nyameɛ noa dwirɛ ɛne, kyɛ ɛbɔ sɔ bra hemɔ, bɔ ɔte brasua gyanderaniɛ bɔ ɔnze nyanzoen bra ɔ!

Hesekiel 44:23

Odi kyɛ bekyirekyire me maen nzonzoleɛ bɔ ɔla krongron nningyein ɔne nningyein mbaen b’afia ɔ, ná bɛmaa benwu nzonzoleɛ bɔ ɔla nningyein bɔ bɛ nwo nde ɔne bɔ bɛ nwo te ɔ b’afia.

Hosea 7:9

Ɛwɔfoɛ mɔ ale ye anwoserɛ ne, nakoso ɔnze, amba, ye ti so amukoraa afu gyein, nakoso ɔnze.

Lewitikɔso 10:10

Odi kyɛ ɛmɔnwu nzonzoleɛ bɔ ɔla nikyee bɔ ɔte krongron ɔne nikyee bɔ ɔtte krongron b’afia, nzonzoleɛ bɔ ɔla nikyee bɔ ye nwo nde ɔne bɔ ye nwo te ɔ b’afia;

Lewitikɔso 13:10

Odi kyɛ ɔsɔfo ne neanea yarefoɛ ne anwo, na sɛ mbɔmbɔ fufue bie anwu ye maa ye nwiaa ne ayɛ hoyaa, ná naen monɛ bie aworɔ tua mbɔmbɔ ne anu a,

Lewitikɔso 13:2

“Sɛ asee gua ebie anwo, anaa edoee yɛ ye, anaa yira bobɔ ye ná ɔkakyi kwata wɔ ye nwo a, odi kyɛ bɛfa ye bɛbrɛ ɔsɔfo Aarɔn anaa Aarɔn mma mmienzua bɔ bɛte asɔfo nemɔ anu ko.

Lewitikɔso 13:20

Odi kyɛ ɔsɔfo ne neanea ye nwo, na sɛ onwu kyɛ wadidi wahɔ ye wereɛ nu ná ye nwiaa ayɛ hoyaa a, ye de odi kyɛ ɔsɔfo ne fa to dwaa kyɛ ye nwo nde; kwata anwonyerɛ ɛne, wala ali wɔ mbɔmbɔ ne anu.

Lewitikɔso 13:4

Na sɛ ye nwonaen ne berɛ te hoyaa, nakoso wannidi wangɔ nu wandra ye nwonaen ngaa ne, ná berɛ nwiaa ne wanyɛ hoyaa a, ye de odi kyɛ ɔsɔfo ne ma yarefoɛ ne ngome ɔte ye nwo kɔtena nekaa bie ɛlɛsoo.

Lewitikɔso 13:8

Odi kyɛ ɔsɔfo ne neanea ye nwo, na sɛ anwonyerɛ ne adidi ahɔ ye wereɛ nu a, ye de odi kyɛ ɔsɔfo ne fa to dwaa kyɛ ye nwo nde; kwata anwonyerɛ ɔ.

Lewitikɔso 14:37

Odi kyɛ ɔkɔnea; sɛ anwonyerɛ ne wakekã awuro ne terɛ ne anwo ma berɛ ayɛ kyɛ apopobibire anaa kɔkorɛ, ná sɛ osoma kyɛ wadidi wahɔ terɛ ne anu a,

Lewitikɔso 14:54

Mmeraa bɔ ɔla berɛ ma kwata anwonyerɛ biala ɛhe: asee,

Lewitikɔso 14:56

edoee anaa yira anaa ndotɔndotɔ.

Lewitikɔso 5:3

Anaa sɛ ye nwo ka nikyee fiɛ biala bɔ ofi kuro sona nu a: nikyee biala bɔ ogua kuro sona nwo fiɛ, ná sɛ ɔnze po a, sɛ onya nwu ye a, okoli fɔ.

Hagae 2:11

“Asafo AWURADE nwa nyoo: Adwobisa bɔ ɔfa mmeraa he anwo ne, bisa asɔfo nemɔ ma bɛye ye noa:

Malaki 2:7

Ofikyɛ, bɔ odi kyɛ ofite ɔsɔfo noa ole nimdeɛ, na ye noa dwirɛ nu yeɛ odi kyɛ mmenia bɛpena mmeraa ne ɔ, ofikyɛ ɔte Asafo AWURADE bɔfoɛ.

Mateo 16:19

Ngɔfa nyameɛso ahennie nzafoaa ngowura wɔ sa, na nikyee biala bɔ ɛkɔkyekye ye wɔ aseɛ so nen, bɛkɔkyekye ye wɔ nyameɛso; yeɛ nikyee biala bɔ ɛkɔsangye nu wɔ aseɛ so nen, bɛkɔsangye nu wɔ nyameɛso.”

Yohane 20:23

Bɛ bɔ ɛmɔfa bɛ bɔne bɛkyɛ bɛ ne, bafa bahyɛ bɛ; na bɛ bɔ ɛmɔmva bɛ bɔne ngyɛ bɛ ne, bɛmva bɛngyɛ bɛ.”

Asomafoɛ 20:28

Yiti ɛ́mɔnea ɛmɔ nwo ne mmoaen amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ.

Romanfoɛ 7:7

Afei yɛkɔhã ye sɛ? Kyɛ mmeraa ne ɔtte mayee anaa? Dabida! Na sɛ nna mmeraa ne ahɔ a, ahaa menze bɔne. Sɛ mmeraa ne anga kyɛ, “Nnɛma wɔ nye boro ebie nikyee” a, ahaa menze kyɛbɔ besi bɛma bɛ nye boro nikye ɔ.

1 Timoteo 1:20

Bɛ nu biemɔ ole Himeneo ne Aleksandro bɔ maye bɛ mama Satan, kyɛ besua kyɛbɔ bɛngɔkekã musue dwirɛ ɔ.

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.

Hebrifoɛ 13:7

Ɛ́mɔkaye ɛmɔ mbanyi mɔ bɔ bɛhane Nyameɛ dwirɛ ne behyirele ɛmɔ ne. Ɛ́mɔnea bɛ brabɔlɛ ayieleɛ ná ɛmɔsua bɛ gyidie.

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.