Lewitikɔso 13:21 - AHYERƐLƐ KRONGRON

²¹ Nakoso sɛ ɔsɔfo ne nea, ná sɛ so nwiaa ne ɔyyɛle hoyaa, ná wannidi wangɔ ye wereɛ ne anu, ná mmom sɛ anwonyerɛ ne aberɛ ase a, ye de odi kyɛ ɔsɔfo ne ɔma ye ngome ɔte ye nwo kɔtena nekaa bie ɛlɛsoo.

Lewitikɔso 13:21 Iomraidhean Croise

Lewitikɔso 13:20

Odi kyɛ ɔsɔfo ne neanea ye nwo, na sɛ onwu kyɛ wadidi wahɔ ye wereɛ nu ná ye nwiaa ayɛ hoyaa a, ye de odi kyɛ ɔsɔfo ne fa to dwaa kyɛ ye nwo nde; kwata anwonyerɛ ɛne, wala ali wɔ mbɔmbɔ ne anu.

Lewitikɔso 13:22

Na sɛ wadidi wɔ ye wereɛ nu a, ye de odi kyɛ ɔsɔfo ne fa to dwaa kyɛ sona ne, ye nwo nde; anwonyerɛ aha ye.

Lewitikɔso 13:4

Na sɛ ye nwonaen ne berɛ te hoyaa, nakoso wannidi wangɔ nu wandra ye nwonaen ngaa ne, ná berɛ nwiaa ne wanyɛ hoyaa a, ye de odi kyɛ ɔsɔfo ne ma yarefoɛ ne ngome ɔte ye nwo kɔtena nekaa bie ɛlɛsoo.

1 Korintofoɛ 5:5

odi kyɛ ɛmɔye sɔ sona ne bewura Abɔnzam sa maa ɔsɛkye ye nwoɔnaen ne, amaa ye sunzum anya daa ngoa wɔ Awurade Yesu kyẽa ne.