Lewitikɔso 12:7 - AHYERƐLƐ KRONGRON

⁷ Odi kyɛ ɔsɔfo ne fa bɔ afɔleɛ wɔ AWURADE nyunu, ná ɔ́fa yɛ mbata ma braa ne. Afei braa ne nwo kɔte kofi mogya bɔ wagua ye ne anwo. Mmeraa he wɔ berɛ ma brasua biala bɔ ɔkɔwo baa bienzua anaakyɛ baa brasua ɔ.

Lewitikɔso 12:7 Iomraidhean Croise

YOB NWOMAA NE 1:5

Sɛ bɛto poen ne alaa maa oyia bɛ ti a, ɔyɛ a Yob soma maa bɛkɔfrɛ bɛ bɛba, na ɔpete bɛ nwo. Né ɔyɛ a ɔpɛ aleɛ odwɔso gyina bɛ nu biala ye gya nu ɔbɔ naen yeralɛ afɔleɛ. Ofikyɛ Yob susuli kyɛ, “Me mma ye mɔ, ebiaa bayɔ bɔne, ebiaa badwudwo batia Nyameɛ wɔ bɛ nzusuleɛ nu.” Na sɔ ala yeɛ né ɔyɛ a Yob yɔ ɔ.

YOB NWOMAA NE 14:4

Nwa yeɛ ɔkɔhora konya bɔ ye nwo te okofi bɔ ye nwo nde ɔ nu ɔ? Ebiala ngɔhora!

Lewitikɔso 1:4

Odi kyɛ ɔfa ye sa to naen yeralɛ afɔleɛ kaka ne ati afia, ná Nyameɛ kole kɔto nu maa ɔkɔfa kɔyɛ ye ti mbata.

Lewitikɔso 12:6

“Na ngyẽa bɔ braa ne ɔfa pete ye nwo ne yie a, kyɛ baa bienzua deɛ oo, anaa baa brasua deɛ oo, odi kyɛ ɔfa ɛhemɔ brɛ ɔsɔfo ne wɔ ɛtena sua atenaleɛ ne nyunu berɛ: boaen akrɔngrɔma bɔ wali afoɛ ko bɔ ɔbaafa bɔ naen yeralɛ afɔleɛ, ɔne aborɔnoma buruwa ko anaa aborɔma ko bɔ ɔbaafa bɔ bɔne nwo afɔleɛ ɔ.

Lewitikɔso 12:8

Na sɛ braa ne nwo ngɔso boaen so a, ye de ɔ́fa mmubure nyɔ anaa mmorɔnoma buruwa nyɔ ɔ́bra; ko te naen yeralɛ afɔleɛ, yeɛ ko wora te bɔne nwo afɔleɛ; odi kyɛ ɔsɔfo ne fa yɛ mbata ma braa ne ma ye nwo fi.”

Lewitikɔso 15:15

Na afei odi kyɛ ɔsɔfo ne fa nnomaa nemɔ ko bɔ bɔne nwo afɔleɛ ná ɔ́fa ko koso ɔbɔ naen yeralɛ afɔleɛ. Ɔsɔfo ne kogyina sona ne gya nu kɔpata kɔma ye wɔ Nyameɛ nyunu, ɔnate ye bienzua bɔ né ofiti ne ati.

Lewitikɔso 4:20

Kyɛbɔ ɔfale bɔne nwo afɔleɛ nandwie nyii ne yɔle ne, sɔ ala yeɛ ɔsɛ kyɛ ɔfa sɔ nandwie ne ɔyɔ ɔ. Ɔsɔfo ne kɔpata kɔma bɛ, ná Nyameɛ kɔfa bɛ bɔne kɔhyɛ bɛ.

Lewitikɔso 4:26

Odi kyɛ ɔyera ye loe ne amu wɔ afɔleɛ bokyea ne aso kyɛbɔ ɔyerale asomdwee afɔleɛ ɛloe nen. Ɔsɔfo ne kɔpata wɔ sona ne bɔne nwo kɔma ye, na Nyameɛ kɔfa ye bɔne kɔhyɛ ye.

Lewitikɔso 4:31

Na odi kyɛ ɔye ye loe ne amu, kyɛbɔ bɛye ɛloe befi asomdwee afɔleɛ nu ne, na ɔsɔfo ne ɔ́yera ye wɔ afɔleɛ bokyea ne aso maa ɔ́yɛ nikyee bɔ ɔbo AWURADE fona ɔ. Ɔsɔfo ne kɔpata kɔma ye, na Nyameɛ kɔfa ye bɔne kɔhyɛ ye.

Lewitikɔso 4:35

Na odi kyɛ ɔye ye loe ne amukoraati, kyɛbɔ bɛye asomdwee afɔleɛ boaen nu loe ne, na odi kyɛ ɔsɔfo ne ɔfa gua afɔleɛ bɔ bafa babrɛ AWURADE ne aso, ná ɔyera ye wɔ afɔleɛ bokyea ne aso; na ɔsɔfo ne kɔpata kɔma ye wɔ bɔne bɔ wayɔ ne anwo, na Nyameɛ kɔfa ye bɔne kɔhyɛ ye.

Romanfoɛ 3:23

Ofikyɛ mmenia mukoraa bayɔ bɔne, na Nyameɛ animnyam abɔ bɛ.

Romanfoɛ 3:26

na ɔfa kyire wɔ sɔ mmerɛ ye anu kyɛ, ye bɔbɔ ɔte tenenee, na ebiala bɔ ode Yesu di ne, obua ye be.

1 Korintofoɛ 7:14

Ofikyɛ wiaseniɛ huɛ ne, ɔnate ɔye so yeɛ ye nwo te ɔ; sɔ ala koso yeɛ wiaseniɛ yeɛ ne, ɔnate ohu so yeɛ ye nwo te ɔ. Na sɛ wamma ye sɔ de a, ahaa ɛmɔ mma mɔ nwo kogua fiɛ, nakoso kyɛbɔ ɔte ye de, bɛ nwo te wɔ Nyameɛ nyunu.

Galatiafoɛ 3:28

Yiti Yudaniɛ ne Helaniɛ oo, akoaa ne dehyeɛ oo, bienzua ne brasua oo, nzonzoleɛ biala nne bɛ nu ko; ofikyɛ ɛmɔ amukoraa bɛte ko wɔ Kristo Yesu nu.