Lewitikɔso 12:6 - AHYERƐLƐ KRONGRON

⁶ “Na ngyẽa bɔ braa ne ɔfa pete ye nwo ne yie a, kyɛ baa bienzua deɛ oo, anaa baa brasua deɛ oo, odi kyɛ ɔfa ɛhemɔ brɛ ɔsɔfo ne wɔ ɛtena sua atenaleɛ ne nyunu berɛ: boaen akrɔngrɔma bɔ wali afoɛ ko bɔ ɔbaafa bɔ naen yeralɛ afɔleɛ, ɔne aborɔnoma buruwa ko anaa aborɔma ko bɔ ɔbaafa bɔ bɔne nwo afɔleɛ ɔ.

Lewitikɔso 12:6 Iomraidhean Croise

Gyenesise 15:9

Na Nyameɛ buale ye kyɛ, “Fa nandwie beleɛ akrɔngrɔma bɔ wali afoɛ nza, abɔngye beleɛ bɔ wali afoɛ nza, boaen nyii bɔ wali afoɛ nza, aborɔma, ɔne mmorɔnoma buruwa brɛ me.”

Lewitikɔso 12:2

“Ka kyire Yisrael ama kyɛ sɛ brasua ɔnwonzɛ, ná ɔwo bienzua a, ye nwo kogua fiɛ alaa ɛlɛsoo, ye nwo kogua fiɛ kyɛ mmerɛ bɔ wabu ye sa ne ala.

Lewitikɔso 12:5

Nakoso sɛ ɔwo brasua de a, ye de ye nwo kogua fiɛ dapɛn nyɔ, kyɛ wabu ye sa ne ala, na braa ne koli ngyẽa eleburasia ne nzia koraka né ye nwo ate wafi mogya bɔ wagua ye ne anwo.

Lewitikɔso 12:7

Odi kyɛ ɔsɔfo ne fa bɔ afɔleɛ wɔ AWURADE nyunu, ná ɔ́fa yɛ mbata ma braa ne. Afei braa ne nwo kɔte kofi mogya bɔ wagua ye ne anwo. Mmeraa he wɔ berɛ ma brasua biala bɔ ɔkɔwo baa bienzua anaakyɛ baa brasua ɔ.

Lewitikɔso 14:22

mmorɔma nyɔ anaa mmorɔnoma buruwa nyɔ bɔ ye nwo kɔsõ so ɔ: ko te bɔne nwo afɔleɛ yeɛ ko ne koso te naen yeralɛ afɔleɛ.

Lewitikɔso 15:14

Ye ɛlɛbɔtwɛ ne aso, odi kyɛ ɔfa mmorɔma nyɔ anaa mmorɔnoma buruwa nyɔ ɔba AWURADE nyunu wɔ ɛtena sua atenaleɛ anoa nu berɛ, ná ɔ́fa bɛ ma ɔsɔfo ne.

Lewitikɔso 15:29

Ye ɛlɛbɔtwɛ ne aso, odi kyɛ braa ne fa mmubure nyɔ anaa mmorɔnoma buruwa nyɔ brɛ ɔsɔfo ne wɔ ɛtena sua atenaleɛ anoa nu berɛ.

Numeri 6:10

Ye ɛlɛbɔtwɛ ne aso, odi kyɛ ɔfa mmubure nyɔ anaa mmorɔnoma buruwa nyɔ brɛ ɔsɔfo ne wɔ ɛtena sua atenaleɛ anoa nu berɛ.

Luka 2:22

Na bɛ nwo petenɛ mmerɛ dwuli, kyɛbɔ Mose mmeraa ne kyire ne, bɛfale ye bɛhɔle Yerusalem kyɛ bɛkwaafa ye bɛma Awurade;

Yohane 1:29

Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne!

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.