Lewitikɔso 12:5 - AHYERƐLƐ KRONGRON

⁵ Nakoso sɛ ɔwo brasua de a, ye de ye nwo kogua fiɛ dapɛn nyɔ, kyɛ wabu ye sa ne ala, na braa ne koli ngyẽa eleburasia ne nzia koraka né ye nwo ate wafi mogya bɔ wagua ye ne anwo.

Lewitikɔso 12:5 Iomraidhean Croise

Gyenesise 3:13

Na AWURADE Nyameɛ bisale braa ne kyɛ, “Nzikyɛ nikye yeɛ ayɔ ye?” Na braa ne buale kyɛ, “Ewoo ne yeɛ ɔlakalakale me maa nnili ɔ.”

Lewitikɔso 12:2

“Ka kyire Yisrael ama kyɛ sɛ brasua ɔnwonzɛ, ná ɔwo bienzua a, ye nwo kogua fiɛ alaa ɛlɛsoo, ye nwo kogua fiɛ kyɛ mmerɛ bɔ wabu ye sa ne ala.

Lewitikɔso 12:4

Braa ne koli ngyẽa eleburasa ne nza koraka né ye nwo ate afi mogya bɔ wagua ye ne anwo; onni kyɛ ɔfa ye nwo ka nikyee biala bɔ ɔte krongron ɔ, anaa ɔkɔ nekaa krongron ne anu kɔpem kyẽa bɔ ɔkɔpete ye nwo ne koyie ɔ.

Lewitikɔso 12:6

“Na ngyẽa bɔ braa ne ɔfa pete ye nwo ne yie a, kyɛ baa bienzua deɛ oo, anaa baa brasua deɛ oo, odi kyɛ ɔfa ɛhemɔ brɛ ɔsɔfo ne wɔ ɛtena sua atenaleɛ ne nyunu berɛ: boaen akrɔngrɔma bɔ wali afoɛ ko bɔ ɔbaafa bɔ naen yeralɛ afɔleɛ, ɔne aborɔnoma buruwa ko anaa aborɔma ko bɔ ɔbaafa bɔ bɔne nwo afɔleɛ ɔ.