Lewitikɔso 12:3 - AHYERƐLƐ KRONGRON

³ Na ye ɛlɛbɔtwɛ ne aso, odi kyɛ bɛpɛ akwadaa ne bienzua.

Lewitikɔso 12:3 Iomraidhean Croise

Ɛksadɔso 22:30

Sɔ ala yeɛ yɛ wɔ nandwie ne wɔ mmoaen ɔ: Maa oli oni anwo ɛlɛsoo, nakoso ye ɛlɛbɔtwɛ ne aso de, fa ye ma me.

Lewitikɔso 12:4

Braa ne koli ngyẽa eleburasa ne nza koraka né ye nwo ate afi mogya bɔ wagua ye ne anwo; onni kyɛ ɔfa ye nwo ka nikyee biala bɔ ɔte krongron ɔ, anaa ɔkɔ nekaa krongron ne anu kɔpem kyẽa bɔ ɔkɔpete ye nwo ne koyie ɔ.

Lewitikɔso 15:3

Nzue bɔ opukye ma ye nwo gua fiɛ ne, ye nwo mmeraa ɛhe: sɛ ye nwo nzue ne ɔtɛsẽ oo, anaakyɛ ye bienzua nu atee tua oo, ɔte nikyee bɔ ɔma ye nwo gua fiɛ ɔ.

Luka 1:59

Na ɔwale kyɛ, ye ɛlɛbɔtwɛ ne aso, bɛwale kyɛ bɛbaapɛ akwadaa ne bienzua; na ahaa bɛpena kyɛ bɛfa ye bɛto ye baba Sakaria;

Luka 2:21

Na odwuli ɛlɛbɔtwɛ bɔ né bɛbaapɛ ye bienzua ne, bɛtole ye dumaa Yesu, dumaa bɔ abɔfo ne fa tole ye koraka yeɛ bɛnwonzɛ ye ne.

Asomafoɛ 15:1

Mmenia biemɔ fili Yudea bɛwale Antiokia bɛɛyɛle ngyerɛkyerɛ behyirele agyidifoɛ ne kyɛ, “Sɛ ɛmɔambɛ ɛmɔ bienzua kyɛbɔ Mose amanneɛ ne te ne a, ɛmɔngɔhora ngonya daa ngoa.”

Romanfoɛ 3:19

Afei yɛse kyɛ nikyee biala bɔ mmeraa ne kã ne, ɔkã kyire bɛ bɔ bɛwɔ mmeraa ne abo ɔ. Na ɔnate sɔ ne ati, ebiala ngɔhora ngɔhã ngɔtete ye nwo, na Nyameɛ kobua wiase amukoraa ndɛen.

Galatiafoɛ 3:17

Bɔ mekyire ɛhe: mmeraa bɔ afoɛ ɛyaa nna ne aburasa si yeɛ ɔwale ne, ɔngora mbɛ apam bɔ Nyameɛ nate Kristo so maa olili mu ne anu, na ɔmma bɔhyɛ ne nyɛ mbaen.

Galatiafoɛ 5:3

Na mebɔ kɔkɔ bieku kyɛ, sona biala bɔ ɔkɔmaa bɛkɔpɛ ye bienzua ne, mmeraa ne kyekye ye, na ɔsɛ kyɛ odi ye mukoraa so.

Deuteronomi 30:6

“AWURADE wɔ Nyameɛ kɔmaa ɛne wɔ bosofoɛ bekotie ye dwirɛ, amaa ɔnate so afa w’ahone mukoraati ne wɔ kra mukoraati ahuro AWURADE wɔ Nyameɛ dwirɛ, ná anya ngoa.

Filipifoɛ 3:5

Ye ɛlɛbɔtwɛ ne aso yeɛ bɛpɛle me bienzua ɔ. Mvi Yisrael bosofoɛ nu, mvi Benyamin abusua kure nu, Hebrifoɛ nu Hebriniɛ; na mmeraa ne aso lilɛ de, nde Farasiiniɛ;

Kolosefoɛ 2:11

Na ye nu koso yeɛ bapɛ ɛmɔ bienzua bɔ bamva bɛ sa yeɛ bɛpɛle ɔ; na bɔ ɔwɔ anwoɔnaen nipadua nu bɔ bapuro bagua berɛ ne, bapuro bagua wɔ Kristo bienzuapɛlɛ nu.