Lewitikɔso 11:8 - AHYERƐLƐ KRONGRON

⁸ Nnɛma ɛmɔdi bɛ naen, yeɛ bɛ fuin koso nnɛma ɛmɔsɔ nu; bɛ nwo nde mma ɛmɔ.

Lewitikɔso 11:8 Iomraidhean Croise

Yesaya 52:11

Ɛmɔ bɔ ɛmɔsoa AWURADE ngukue nemɔ ne, ɛmɔhɔ, ɛmɔhɔ, ɛmɔfi berɛ bɛhɔ, nnɛma ɛmɔfa ɛmɔ nwo bɛkã nikyee biala bɔ ye nwo nde ɔ; ɛ́mɔfi ye nu béfite bɛhɔ, ɛ́mɔte ɛmɔ nwo.

Hosea 9:3

Bɛngɔtena AWURADE aseɛ ne aso, na mmom Efraim kosa kɔhɔ Misraim, na bekoli nningyein bɔ bɛ nwo nde ɔ wɔ Asiria.

Lewitikɔso 11:7

ɔne prako, ofikyɛ ɔwɔ nu kyɛ ye gya ne anu apakye, bɔ ye gya ne wura mbaboa de, nakoso ombu ye aleɛ mbesa, yiti ye nwo nde mma ɛmɔ.

Lewitikɔso 11:9

“Nzue nu naen mɔ koso, ɛhemɔ yeɛ ɛ́mɔli ɔ: kaka biala bɔ ɔwɔ nzue nu, bɔ ole ndɛtɛ ne ɛboen ne, kyɛ ɔwɔ ɛpo nu oo, anaa asue nu oo, ɛmɔkɔhora bekoli.

Lewitikɔso 5:2

Anaakyɛ sɛ ebie nwo ka nikyee biala bɔ ye nwo nde: sɛ kaka bɔ ye nwo nde fuin ahɔ oo, anaa ayɛmmoa bɔ ye nwo nde fuin ahɔ oo, anaa kaka bɔ ɔtwe ye nwo ase bɔ ye nwo nde fuin ahɔ oo, maa ɔnate so ye nwo gua fiɛ a, ɔwɔ nu kyɛ ɔnze de, nakoso odi fɔ.

Mateo 15:11

“Nna bɔ ɔkɔ sona noa nu yeɛ ogua ye nwo fiɛ ɔ, na mmom bɔ ofi sona noa nu ba ne yeɛ ogua ye nwo fiɛ ɔ.”

Mateo 15:20

Sɔ nningyein nemɔ yeɛ begua sona nwo fiɛ ɔ, na sɛ annwunzi wɔ sa ná edidi a, ongua sona nwo fiɛ.”

Marko 7:15

Nikyee biala ɔnne sona nwo bɔ ɔkɔ ye nu a ɔkora gua ye nwo fiɛ ɔ; na mmom nikyee bɔ ofi sona nu ba ne yeɛ ogua ye nwo fiɛ ɔ. [

Marko 7:18

Na osele bɛ kyɛ, “Ɛmɔ koso, ɛmɔ ndeaseɛ wɔ dede sɔa? Aso ɛmɔnze kyɛ nikyee biala bɔ ofi sona nwo ná ɔkɔ ye nu ne, ɔngora ngua ye nwo fiɛ ɔ?

Marko 7:2

Benwuni kyɛ ye asuafoɛ nemɔ nu biemɔ bɛfa bɛ sa bɔ ye nwo nde ɔ bedidi, bɔ okyire kyɛ bennwunzi bɛ sa ɔ.

Asomafoɛ 10:28

Na osele bɛ kyɛ, “Ɛmɔ bɔbɔ ɛmɔse kyɛ otia mmeraa kyɛ Yudaniɛ ɔkɔfa ye nwo kɔbɔ Amaenmaensoniɛ anaakyɛ ɔkɔhɔ ye awuro kɔɔsra ye ɔ. Nakoso Nyameɛ aye ahyire me kyɛ onni kyɛ mebu sona biala kyɛ ɔbboka yɛ so, anaakyɛ ye nwo nde.

Asomafoɛ 15:29

Nnɛma ɛmɔdi aleɛ biala bɔ bafa babɔ afɔleɛ bama bosoen; nnɛma ɛmɔdi mogya; nnɛma ɛmɔdi kaka biala bɔ wawu ye mogya nu; yeɛ afei ɛmɔhwe bɛ nwo befi adwamanbɔlɛ nwo. Na sɛ ɛmɔtwe bɛ nwo befi ɛhemɔ nwo a, ɔte paa. Yɛbisa bɛ.”

Romanfoɛ 14:21

Ɔte paa kyɛ engoli naen anaa ɛngɔno nzaa anaa ɛngɔyɔ nikyee biala bɔ ɔkɔyɛ sundidua kɔma eliɛma ɔ.

1 Korintofoɛ 8:8

Aleɛ ngora mma yɛnzɔ Nyameɛ nye. Sɛ yanni a, yɛnhwere hwee, yeɛ sɛ yɛdi koso a, yɛnnya ngɔsoɛ biala.

2 Korintofoɛ 6:17

Yiti Awurade nwa nyoo: “Ɛ́mɔfi bɛ nu befite, ná ɛmɔhwe ɛmɔ nwo béfi bɛ nwo; nnɛma ɛmɔfa ɛmɔ nwo bɛkã nikyee bɔ ye nwo nde ɔ, na ngole ɛmɔ.

Ɛfesofoɛ 5:11

Nnɛma ɛmɔyɔ awosii nnwumaa bɔ onzu mmaa ne bie, na mmom ɛ́mɔpa bɛ nwo tena!

Ɛfesofoɛ 5:7

Yiti nnɛma ɛmɔ ne bɛ bɛbɔ afɛ;

Kolosefoɛ 2:16

Yiti nnɛmɔma ebiala bua ɛmɔ ndɛen fa aleɛ anaa anonneɛ, anaa aluolue, anaa ɛsraen foforɛ anaa afofingyẽa nwo.

Hebrifoɛ 9:10

Ofikyɛ ɔfa aleɛ, anonneɛ, ɔne bɛ nwo petenɛ ahoroɔ ngome nwo; na ɛhemɔ te anwoɔnaen nu nziesie bɔ ɔwɔ berɛ kodwu mmerɛ bɔ Nyameɛ kɔhyehyɛ nikyee biala foforɛ ɔ.