Lewitikɔso 11:7 - AHYERƐLƐ KRONGRON

⁷ ɔne prako, ofikyɛ ɔwɔ nu kyɛ ye gya ne anu apakye, bɔ ye gya ne wura mbaboa de, nakoso ombu ye aleɛ mbesa, yiti ye nwo nde mma ɛmɔ.

Lewitikɔso 11:7 Iomraidhean Croise

Yesaya 65:4

bɔ bɛtenatena asieleɛ mɔ nu, bɛtenatena mvealeɛ nu nekaa bie kɔngɔen, bɔ bedi prako naen, bɔ akyiwadeɛ turoo wɔ bɛ turonzemaa nu;

Yesaya 66:17

“Bɛ bɔ bɛpete bɛ nwo bɛte bɛ nwo wɔ turo nemɔ anu, wɔ sona ko bɔ ogyi afia berɛ ne asi, bɔ bedi prako naen, akyiwadeɛ ne mmurokuruwa ne, b’ayieleɛ koyie bɛ kɔbɔ nu, AWURADE noa dwirɛ ɛne.

Yesaya 66:3

“Sona bɔ oku nandwie ne, ɔte kyɛ bɔ oku mmenia ɔ ala, bɔ ɔfa boaen bɔ afɔleɛ ne, ɔte kyɛ bɔ obu kyea kɔme anu ɔ, bɔ ɔbɔ aburoo afɔleɛ ne, ɔte kyɛ bɔ ɔfa prako mogya bɔ afɔleɛ ɔ, bɔ ɔyera ɛyɛɛ ne, ɔte kyɛ sona bɔ ɔsɔ amoen ɔ. Bɛ de, bali bɛ bɔbɔ bɛ ti piri, na b’akyiwadeɛ nemɔ yeɛ bɛ kra nye gye ye nwo ɔ.

Lewitikɔso 11:3

Kaka biala bɔ ye gya ne anu apakye, bɔ ye gya ne wura mbaboa, ná opu ye aleɛ sá pesa ne, ɛmɔkɔhora bekoli.

Lewitikɔso 11:6

yeɛ adango, ofikyɛ ɔwɔ nu kyɛ opu ye aleɛ osa pesa de, nakoso ye gya ne anu de ɔppakyele, yiti ye nwo nde mma ɛmɔ;

Lewitikɔso 11:8

Nnɛma ɛmɔdi bɛ naen, yeɛ bɛ fuin koso nnɛma ɛmɔsɔ nu; bɛ nwo nde mma ɛmɔ.

Mateo 7:6

“Nnɛma ɛmɔfa bɔ ɔte krongron ɔ bɛma ngyea, yeɛ nnɛma ɛmɔto ɛmɔ mbembenanneɛ paa begua mbrako nyunu, ná bamva bɛ gya bandiatia so, ná bambɛ bɛ nwo bangeka ɛmɔ.

Luka 15:15

Yiti ɔfale ye nwo ɔɔbɔle kuromani bie wɔ maen ne anu, na ɔmaa ɔhɔle nekaa bɔ osie ye mbrako ɔ kyɛ ɔɔnea bɛ so.

Luka 8:33

Na sunzummɔne nemɔ fili biaa ne anu fitele beewurale mbrako nemɔ anu; na mbrako kure ne piane bɛ nwo wii bɛtorotorole bokaa twɔndworɔnn ne beeguale nzue ne anu, na bɛmonone.

Deuteronomi 14:8

Prako koso, ofikyɛ ye gya mbaboa ne anu apakye de, nakoso ombu ye aleɛ nza mbesa. Yiti ye nwo nde mma ɛmɔ. Nnɛma ɛmɔdi ye naen, yeɛ nnɛma ɛmɔka ye fuin.