Lewitikɔso 11:44 - AHYERƐLƐ KRONGRON

⁴⁴ Ofikyɛ me ole AWURADE ɛmɔ Nyameɛ; yiti ɛ́mɔte ɛmɔ anwo, ná ɛ́mɔyɛ krongron ofikyɛ nde krongron. Nnɛma ɛmɔfa kaka biala bɔ ɔtwe ye nwo ase begua ɛmɔ nwo fiɛ.

Lewitikɔso 11:44 Iomraidhean Croise

Edwein 99:5

Ɛ́mɔkamvo AWURADE yɛ Nyameɛ ne, ɛ́mɔsɔne wɔ ye gya bo ndiasoɛ ne anwo, ofikyɛ ɔte krongron!

Edwein 99:9

Ɛ́mɔkamvo AWURADE yɛ Nyameɛ ne, ná ɛ́mɔsɔne wɔ ye bokaa krongron ne aso, ofikyɛ AWURADE yɛ Nyameɛ ne, ɔte krongron.

Ɛksadɔso 16:12

“Mate Yisraelfoɛ bɛ komvi bɔ bɛpenepene ne. Yiti ka kyire bɛ kyɛ, ‘Nɔsoa ɛmɔkoli naen, ná ngyerɛmɔ wora ɛmɔali aleɛ ama ɛmɔ ko ayi; amaa ɔnate so ɛmɔanwu kyɛ me ole AWURADE ɛmɔ Nyameɛ ne.’ ”

Ɛksadɔso 19:10

Na AWURADE sele Mose kyɛ, “Kɔ mmenia nemɔ berɛ, ná pete bɛ nwo ɛnɛ ne ɛhema. Maa bɛpo bɛ nwo nningyein,

Ɛksadɔso 19:6

Ɛmɔkɔyɛ m’asɔfo ahennie maen ɔne maen krongron. Na edwirɛ bɔ ɔsɛ kyɛ ɛkã kyire Yisraelfoɛ hɔ ɛne.”

Ɛksadɔso 20:2

“Me ole AWURADE wɔ Nyameɛ bɔ nyele wɔ mvili Misraim aseɛ so, fili ngoaasolɛ nu ne.

Ɛksadɔso 22:30

Sɔ ala yeɛ yɛ wɔ nandwie ne wɔ mmoaen ɔ: Maa oli oni anwo ɛlɛsoo, nakoso ye ɛlɛbɔtwɛ ne aso de, fa ye ma me.

Ɛksadɔso 22:31

“Ɛmɔkɔyɛ me mmenia krongron, yiti nnɛma ɛmɔdi naen biala bɔ kaka bie ahu ye wɔ eburo ɔ; ɛ́mɔgyi bégua bɛ́ma ngyea.

Ɛksadɔso 23:25

AWURADE ɛmɔ Nyameɛ yeɛ odi kyɛ ɛmɔsɔne ye ɔ, na ngoyira ɛmɔ aleɛ ne ɛmɔ nzue so, ná maye anwonyerɛ mafi ɛmɔ so.

Ɛksadɔso 6:7

Ngɔfa ɛmɔ ngɔyɛ me mmenia, ná me wora ngɔyɛ ɛmɔ Nyameɛ. Na ɛmɔkonwu ye kyɛ me ole AWURADE ɛmɔ Nyameɛ bɔ olele ɛmɔ fili Misraim amaneɛnwunɛ nu ne.

Yesaya 43:3

Ofikyɛ me ole AWURADE wɔ Nyameɛ, Yisrael Krongronniɛ ne, wɔ Defoɛ ne, Mafa Misraim mayɛ wɔ ti nyɔboɛ mapɔ wɔ, Mafa Yitiopia ne Seba masesã wɔ.

Yesaya 51:15

Ofikyɛ me ole AWURADE, wɔ Nyameɛ, bɔ ɔkã ɛpo nu ma ye asorɔkye bɔ wuruwuru ne, ye dumaa li Asafo AWURADE.

Lewitikɔso 10:3

Na Mose sele Aarɔn kyɛ, “Bɔ AWURADE aha hɔ ɛhe: ‘Ɔnate bɛ bɔ bepingye me ne aso, ngɔmaa bekonwu me kyɛ nde krongron, na bɛkɔhyɛ me animnyam wɔ mmenia ne amukoraati nyunu.’ ” Na Aarɔn yɛle konn.

Lewitikɔso 11:43

Nnɛma ɛmɔfa kaka biala bɔ ɔtwe ye nwo ase begua ɛmɔ nwo fiɛ, nnɛma ɛmɔfa bɛ begua ɛmɔ nwo fiɛ amaa ɛmɔanyɛ mmenia bɔ bɛ nwo nde ɔ.

Lewitikɔso 18:2

“Ka kyire Yisraelfoɛ kyɛ, ‘Me ole AWURADE ɛmɔ Nyameɛ.

Lewitikɔso 19:10

Wɔ bobe boo koso, nnɛporo so mmaa ne amukoraa, yeɛ bɔ waporo wagua ye bo ne koso, nnɛsesa. Yakyi ye berɛ ma ehiafoɛ ne ɛwɔfoɛ mɔ. Me ole AWURADE ɛmɔ Nyameɛ.

Lewitikɔso 19:2

“Ka kyire Yisrael maen ne amukoraati kyɛ, Ɛ́mɔyɛ krongron ofikyɛ me AWURADE, ɛmɔ Nyameɛ, nde krongron.

Lewitikɔso 19:3

Odi kyɛ ebiala bu oni ne ɔse, ná ɛ́mɔli m’afofingyẽa nemɔ aso. Me ole AWURADE ɛmɔ Nyameɛ.

Lewitikɔso 19:4

Nnɛma ɛmɔdi mmosoen si, yeɛ nnɛma ɛmɔhuro nikyee biala bɛfa bɛyɔ amoen biala bɛfa: Me ole AWURADE ɛmɔ Nyameɛ.

Lewitikɔso 20:26

Ɛ́mɔyɛ krongron bɛ́ma me, ofikyɛ me AWURADE, nde krongron, na maye ɛmɔ masie ahameɛ mafi maen ngaa nemɔ anu mayɛ me deɛ.

Lewitikɔso 20:7

Yiti ɛ́mɔte ɛmɔ nwo, ná ɛ́mɔyɛ krongron, ofikyɛ me ole AWURADE ɛmɔ Nyameɛ.

Lewitikɔso 21:8

Odi kyɛ Yisraelniɛ biala nwu asɔfo mɔ kyɛ bɛte krongron, ofikyɛ bɛ yeɛ bɛbɔ aleɛ afɔleɛ bɛma wɔ Nyameɛ ɔ; nwu bɛ kyɛ bɛte krongron, ofikyɛ me AWURADE bɔ mete ɛmɔ nwo ne, nde krongron.

Amose 3:3

“Aso mmenia nyɔ bɛkora betu nu, wɔ aberɛ bɔ bɛnyɛ adwene ɔ?

Numeri 15:40

Na ɛhe kɔma ɛmɔkɔkaye me mmeraa dwirɛ amukoraati ná ɛmɔali so, amaa ɛmɔayɛ krongron bama ɛmɔ Nyameɛ.

Mateo 5:48

Yiti ɛ́mɔma ɛmɔ nwo te, kyɛbɔ ɛmɔ Baba bɔ ɔwɔ nyameɛso ne ye nwo te ne.

Deuteronomi 14:2

Ofikyɛ ɛte maen krongron ma AWURADE wɔ Nyameɛ, na AWURADE aneanea nu waye wɔ wafi aseɛ so mmenia mukoraati nu kyɛ ɛyɛ ye bɔbɔ ye maen.

1 Tɛsalonikafoɛ 4:7

Ɔnate kyɛ, Nyameɛ amvrɛ yɛ wamma efiɛ nu, na mmom anwotelɛ nu.

Yosua 24:19

Nakoso Yosua sele maen ne kyɛ, “Ɛmɔngɔhora ngɔso AWURADE, ofikyɛ ɔte Nyameɛ bɔ ɔte krongron ɔ. Ɔte nungunɛ Nyameɛ; na ɔngɔfa ɛmɔ mmeraatolɛ ne ɛmɔ bɔne ngɔhyɛ ɛmɔ.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.

Nyekyire 22:11

Bɔ ɔndengyɛ ne, ɔhɔ so yɛ sona bɔ ɔndengyɛ ɔ; yeɛ bɔ ye nwo nde ne, ɔhɔ so yɛ sona bɔ ye nwo nde ɔ. Bɔ ɔtengyɛ ne, ɔhɔ so yɛ sona bɔ ɔtengyɛ ɔ, yeɛ bɔ ɔte krongron ne, ɔhɔ so yɛ sona bɔ ɔte krongron ɔ.”

1 Samuel 2:2

Ebiala nne berɛ bɔ ɔte krongron kyɛ AWURADE ɔ, amba, ebiala nne berɛ bɔ ɔte kyɛ wɔ ɔ; Nyɔbotaen biala nne berɛ bɔ ɔte kyɛ yɛ Nyameɛ ɔ.

1 Samuel 6:20

Afei Bete Semesefoɛ hane kyɛ, “AWURADE, Krongronniɛ Nyameɛ he, nwa yeɛ ɔkɔhora kogyina ye nyunu ɔ? Nwa berɛ koraa yeɛ yɛye AWURADE alaka ne yɛfi yɛ wa yɛkɔ ɔ?”