Lewitikɔso 11:42 - AHYERƐLƐ KRONGRON

⁴² Kaka biala bɔ ɔnate ye ko so, ɔne kaka biala bɔ ɔnate ye gya nna so, anaa kaka biala bɔ ole agyirɛ pee, ɔne ngaka biala bɔ bɛtwe bɛ nwo ase ne, nnɛma ɛmɔdi; ofikyɛ bɛte akyiwadeɛ.

Lewitikɔso 11:42 Iomraidhean Croise

Gyenesise 1:20

Na Nyameɛ hane kyɛ, “Nzue ɔlɔ abɔdeɛ ahoroɔ pee bɔ bele ngoa ɔ, ná nnomaa koso bétu bɛ́fa aseɛ so wɔ ewienu!”

Yesaya 65:25

Pataku ne boaen ba bekodidi neka horɛ, gyata koli ndire kyɛ nandwie ala, na nnɛterɛ yeɛ ɔkɔyɛ ewoo aleɛ ɔ. Ebiala ngohũ anaa ongopura ebiala wɔ me bokaa krongron ne amukoraa so, AWURADE noa dwirɛ ɛne.”

Lewitikɔso 11:41

“Kaka biala bɔ ɔtwe ye nwo ne ase, ɔte akyiwadeɛ; onni kyɛ ɛmɔdi ɔ.

Lewitikɔso 11:43

Nnɛma ɛmɔfa kaka biala bɔ ɔtwe ye nwo ase begua ɛmɔ nwo fiɛ, nnɛma ɛmɔfa bɛ begua ɛmɔ nwo fiɛ amaa ɛmɔanyɛ mmenia bɔ bɛ nwo nde ɔ.

Mika 7:17

Bɛkɔtafe nnɛterɛ kyɛ ewoo, kyɛ ngaka bɔ bɛtwe bɛ nwo ase ɔ. Bele anwopopolɛ bekofi b’anwoserɛ afealeɛ mɔ nu bekofite; bɛkɔfa esuronyi bɛkɔwa AWURADE yɛ Nyameɛ berɛ, na ɔnate wɔ ti bekosuro.

Mateo 23:23

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔtua ɛmeɛ, ɛmanyire ne ɛkaberɛ so buru nu ngyɛmuɛ ko, nakoso ɛmɔnni mmeraa ne anu dwirɛ bɔ ohia paa ne aso, bɔ ye ole pɛpɛɛpɛyɛlɛ, anwumvoinnwunɛ ne gyidie. Na ɛhemɔ yeɛ ahaa odi kyɛ ɛmɔyɔ ɔ, bɔ ɛmɔnyakyi ye ngaa nemɔ koso yɔlɛ ɔ.

Mateo 3:7

Na onwuni kyɛ Farasiifoɛ ne Sadusiifoɛ nemɔ anu pee bɛba maa ɔbɔ bɛ asu nen, osele bɛ kyɛ, “Ewoo mmaa bɔ ɔte kyɛ ɛmɔ ɔ! Nwa yeɛ otuli ɛmɔ foɛ paa kyɛ ɛ́mɔnwati béfi ahonehulɛ bɔ ɔba ne anu ɔ?

Yohane 8:44

Ɛmɔ de, ɛmɔ baba bɔ ɛmɔfi ye nu ole abɔnzam, na ɛmɔ baba n’apɛdeɛ yeɛ ɛmɔkuro kyɛ ɛmɔyɔ ɔ. Ɔte wudiniɛ fi ahyɛaseɛ ne; na ollili nahorɛ le, ɔnate kyɛ nahorɛ biala nne ye nu. Sɛ ɔkã ngondombo dwirɛ a, kyɛbɔ ye sue te ne ala yeɛ ɔkã ɔ, ofikyɛ ɔte ngondomboniɛ ne ngondombo baba.

2 Korintofoɛ 11:13

Ofikyɛ sɔ mmenia ne te asomafoɛ ngondombofoɛ, adwumayɔlɛfoɛ nnakannakafoɛ bɔ bɛkakyi bɛ nwo kyɛ Kristo asomafoɛ ɔ.

2 Korintofoɛ 11:3

Nakoso mesuro kyɛ, kyɛbɔ ewoo ne fale anyeteɛ nworɛ lakalakale Hawa nen, sɔ ala yeɛ bɛkɔsɛkye ɛmɔ adwene maa ɛmɔkɔhwe bɛ nwo bekofi Kristo bɔ ɛmɔafa bɛ nwo bama ye nahorɛ nu ne anwo ɔ.

Tito 1:12

Bɛ bɔbɔ bɛ nu sona ko, bɔ ɔte bɛ bɔbɔ bɛ ngɔmhyɛlɛniɛ ɔ, ɔhane kyɛ, “Kretefoɛ bɛte ngondombofoɛ daa biala, ngaka amumuyɛɛfoɛ, ɛfoen mmenia bɔ bɛte adifuu ɔ.”