Lewitikɔso 11:34 - AHYERƐLƐ KRONGRON

³⁴ Aleɛ biala bɔ odi kyɛ bedi nakoso sɔ kukue ne anu nzue kogua so ne, ye nwo agua fiɛ, na anonneɛ biala bɔ bɛno nakoso ofi sɔ kukue ne anu ne, ye nwo agua fiɛ.

Lewitikɔso 11:34 Iomraidhean Croise

Anyandera 15:8

Bɔnefoɛ afɔleɛ te AWURADE akyiwadeɛ, nakoso teneneefoɛ mbaeɛ de, ɔte ye nikyee bɔ ye nye gye ye nwo ɔ.

Anyandera 21:27

Bɔnefoɛ afɔleɛ te akyiwadeɛ, na sɛ ɔfa adwene tɛɛ ɔbɔ afɔleɛ ne po de a, ye de né wasram so!

Anyandera 21:4

Anyeɛ bɔ ɔnzɔ sona ne anwomasoɛ, bɛte bɔnefoɛ kanea, bɛte bɔne.

Anyandera 28:8

Sona bɔ ɔnate aminɛlilɛ ne bosea nwo nzihoɛ so onya ye nwo ne, ye anwonya bɔ ɔboaboa ye noa ne, okodi ebie bɔ ɔse ehiafoɛ anwumvoin ɔ ye berɛ.

Lewitikɔso 11:33

Kukue biala bɔ bɛ nu biala kɔte kɔtɔ nu ne, nikyee biala bɔ ɔwɔ sɔ kukue ne anu nwo kogua fiɛ na odi kyɛ ɛmɔbɔ kukue ne.

Lewitikɔso 11:35

Nikyee biala bɔ bɛ nu biala fuin ye nekaa biala kɔtɔ so ne, kyɛ ɔte foonoo oo, anaa bokyea oo, odi kyɛ bebubu ye begua; ye nwo nde, na odi kyɛ ɛmɔbu ye kyɛ ye nwo nde.

Tito 1:15

Nikyee biala nwo te ma bɛ bɔ bɛ nwo te ɔ; nakoso bɛ bɔ bɛ nwo nde ná benne benni ne de, nikye fee nwo nde mma bɛ; ofikyɛ b’adwene ne bɛ tiboa nwo agua fiɛ