Lewitikɔso 11:25 - AHYERƐLƐ KRONGRON

²⁵ na ebiala bɔ ɔkɔsoa bɛ nu biala fuin nen, odi kyɛ ɔpo ye nwo nningyein, na ye nwo kogua fiɛ maa okodwu nɔsoa.

Lewitikɔso 11:25 Iomraidhean Croise

Edwein 51:2

Nwunzi me nwo sannwuu fi m’amumuyɛɛ nwo, ná pete me nwo fi me bɔne nwo.

Edwein 51:7

Fa sufiɛ pete me nwo, na me nwo kofi; nwunzi me nwo, na me nwo kɔyɛ fufue kɔtra ewure.

Ɛksadɔso 19:10

Na AWURADE sele Mose kyɛ, “Kɔ mmenia nemɔ berɛ, ná pete bɛ nwo ɛnɛ ne ɛhema. Maa bɛpo bɛ nwo nningyein,

Ɛksadɔso 19:14

Yiti Mose fili bokaa ne aso dwu hɔle mmenia nemɔ anwo berɛ, ɔpetene bɛ nwo, na bɛpole bɛ nwo nningyein.

Lewitikɔso 11:24

“Ɛhemɔ yeɛ ɔma ɛmɔ nwo gua fiɛ ɔ: ebiala bɔ ye nwo kɔha bɛ fuin ne, ye nwo kogua fiɛ maa okoodwu nɔsoa,

Lewitikɔso 11:26

Kaka biala bɔ ye gya ne anu apakye nakoso ye gya ne owwura mbaboa, anaakyɛ ombu ye aleɛ mbesa ne, ye nwo nde mma ɛmɔ; sona biala bɔ ye nwo kɔha bɛ ne, ye nwo kogua fiɛ.

Lewitikɔso 11:28

Ebiala bɔ ɔkɔsoa bɛ fuin ne, odi kyɛ ɔpo ye nwo nningyein, na ye nwo kogua fiɛ maa okoodwu nɔsoa; bɛ nwo nde mma ɛmɔ.

Lewitikɔso 11:40

Sona biala bɔ okoli ye naenmvuin ne bie ne, odi kyɛ ɔpo ye nwo nningyein, na ye nwo kogua fiɛ maa okodwu nɔsoa; sona bɔ ɔkɔsoa kaka fuin ne koso, odi kyɛ ɔpo ye nwo nningyein na ye nwo kogua fiɛ maa okoodwu nɔsoa.

Lewitikɔso 13:6

Ɛlɛsoo ne aso, odi kyɛ ɔsɔfo ne osa neanea ye nwo, ná sɛ anwonyerɛ ne noa abrɛ ase bɔ wannidi wangɔ ye wereɛ nu a, ye de odi kyɛ ɔsɔfo ne fa to dwaa kyɛ sɔ sona ne ye nwo te; edoee mbaen ɔ; odi kyɛ sɔ sona ne, ɔpo ye nwo nningyein, ná ye nwo ɔte.

Lewitikɔso 14:46

Mmerɛ bɔ bato awuro ne anu ne, ebiala bɔ ɔkɔhɔ nu ne, ye nwo kogua fiɛ maa okoodwu nɔsoa.

Lewitikɔso 14:47

Ebiala bɔ ɔkɔla sɔ awuro ne anu ne, odi kyɛ ɔpo ye nwo nningyein, na ebiala bɔ okodidi awuro berɛ ne, odi kyɛ ɔpo ye nwo nningyein.

Lewitikɔso 14:8

Sona bɔ bate ye nwo ne, odi kyɛ ɔpo ye nningyein, ɔpoa ye nwo nwiaa amu, ɔfa nzue bia, na ye nwo kɔte. Ye si ye, odi kyɛ osa ba asikyeleɛ nu berɛ, nakoso ɔkɔtena ye ɛtena sua asi ɛlɛsoo.

Lewitikɔso 15:13

“Sona bɔ ye bienzua fiti ne, sɛ ye nwo sa a, odi kyɛ otu ɛlɛsoo sie berɛ fa pete ye nwo. Afei odi kyɛ ɔpo ye nwo nningyein ná ɔ́fa mbombonzue gyengɔɔ obia, na ye nwo kɔte.

Lewitikɔso 15:15

Na afei odi kyɛ ɔsɔfo ne fa nnomaa nemɔ ko bɔ bɔne nwo afɔleɛ ná ɔ́fa ko koso ɔbɔ naen yeralɛ afɔleɛ. Ɔsɔfo ne kogyina sona ne gya nu kɔpata kɔma ye wɔ Nyameɛ nyunu, ɔnate ye bienzua bɔ né ofiti ne ati.

Lewitikɔso 15:5

Na ebiala bɔ ye nwo kɔha ye bɛen ne, odi kyɛ ɔpo ye nwo nningyein, ná ɔ́fa nzue bia, na ɔkɔyɛ sona bɔ ye nwo ɔnde ɔ maa okoodwu nɔsoa.

Lewitikɔso 16:26

Sona bɔ ɔyɛ a, ɔkɔyakyi abɔngye ne ma Asasɛl ne, odi kyɛ ɔpo ye ndaadeɛ ná ɔfa nzue bia koraka né wahora wawa asikyeleɛ ne anu.

Lewitikɔso 16:28

Sona bɔ ɔkɔyera bɛ ne, odi kyɛ ɔpo ye ndaadeɛ ná ɔ́fa nzue bia koraka né wahora wawa asikyeleɛ ne anu.

Lewitikɔso 17:15

Sona biala, kuromani oo, ɛwɔfoɛ oo, bɔ okoli naenmvuin anaa naen biala bɔ kaka aboyaa bie ahu ye atete ye ne, odi kyɛ ɔpo ye nwo nningyein, ná ɔ́fa nzue bia, na ye nwo kogua fiɛ maa okoodwu nɔsoa koraka né ye nwo ate.

Lewitikɔso 22:6

Ɔsɔfo biala bɔ ye nwo kɔha sɔ nningyein nen, ye nwo kogua fiɛ maa okoodwu nɔsoa, na onni kyɛ odi akyɛdeɛ krongron ne bie, sana wafa nzue wabia koraka.

Sakaria 13:1

“Sɔ kyẽa ne, bekobukye mbombonzue bɛkɔma Dawide awuro ama ne Yerusalemfoɛ bɛkɔfa bɛkɔte bɛ nwo bekofi bɔne ne efiɛ nwo.

Numeri 19:10

Sona bɔ ɔkɔsesa nandwie beleɛ nzoen ne, odi kyɛ ɔpo ye nningyein, na ye nwo kogua fiɛ maa okoodwu nɔsoa. Ɛhe kɔyɛ ahyɛdeɛ afebɔɔ kɔla berɛ kɔma Yisraelfoɛ ne ɛwɔfoɛ bɔ waatena bɛ nu ɔ.

Numeri 19:19

Ye ɛlɛsa ne aso, ɔne ɛlɛsoo ne aso, odi kyɛ sona bɔ ye nwo te ne fa nzue ne bie pete bɛ bɔ bɛ nwo agua fiɛ nemɔ aso, ná ɔnate so ɔte bɛ nwo ɛlɛsoo ne aso. Afei odi kyɛ bɛpo bɛ ndaadeɛ ná bɛfa nzue bebia, na ye nɔsoa ne bɛ nwo kɔte.

Numeri 19:7

Na odi kyɛ ɔsɔfo ne ɔpo ye ndaadeɛ, ná ɔfa nzue obia, ná ye si ye wawa asikyeleɛ ne anu; nakoso ɔsɔfo ne nwo kogua fiɛ maa okoodwu nɔsoa.

Numeri 19:8

Sona bɔ ɔyera nandwie beleɛ ne, odi kyɛ ɔfa nzue ɔpo ye ndaadeɛ ná ɔfa nzue obia; ɔkɔyɛ sona bɔ ye nwo nde ɔ maa okoodwu nɔsoa.

Numeri 31:24

Ye ɛlɛsoo ne aso, odi kyɛ ɛmɔpo ɛmɔ nwo nningyein, amaa ɛmɔ nwo afi. Ye si ye, ɛmɔkora bɛba asikyeleɛ ne anu.”

Yohane 13:8

Yeɛ Petro sele ye kyɛ, “Mengɔma engonwunzi me gya bo le!” Na Yesu buale ye kyɛ, “Sɛ mannwunzi wɔ gya bo a, né ɛnne me bue nu.”

Asomafoɛ 22:16

Na afei, nzu ati yeɛ ɛyɛ ngyɛkyerɛ ɔ? Dwɔso nya Awurade nu gyidie, na ma bɛbɔ wɔ asu benwunzi wɔ bɔne begua.’

Hebrifoɛ 10:22

yiti ɛ́mɔma yɛfa nahorɛ ahone ne gyidie bɔ osi pi, ɔne ahone bɔ bate ye nwo bafi bɔne tiboa nu, ɔne nipadua bɔ bafa nzue gyengɔgyengɔ babia ye ɔ yɛhwe yɛpingye Nyameɛ.

Hebrifoɛ 9:10

Ofikyɛ ɔfa aleɛ, anonneɛ, ɔne bɛ nwo petenɛ ahoroɔ ngome nwo; na ɛhemɔ te anwoɔnaen nu nziesie bɔ ɔwɔ berɛ kodwu mmerɛ bɔ Nyameɛ kɔhyehyɛ nikyee biala foforɛ ɔ.

1 Petro 3:21

Na sɔ nzue ne sɛso, ye ole asubɔlɛ bɔ ode ɛmɔ koso ɛmɔ ngoa ɛnɛ ne. Ɔtte anwoɔnaen nu fiɛ nwunzinɛ, na mmom ɔte tiboa paa nwo abisadeɛ bɔ yɛfa Yesu Kristo wutingyelɛ ne aso yɛfa yɛto Nyameɛ nyunu ɔ.

1 Yohane 1:7

Nakoso sɛ yɛnate kanea nu, kyɛbɔ ye koso ɔwɔ kanea nu ne a, né yɛ ne yɛ nwo yɛ nwo yatira abiɛngoɛ, na Ɔwa Yesu Kristo mogya ne te yɛ nwo fi bɔne mukoraa nu.

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.