Lewitikɔso 11:10 - AHYERƐLƐ KRONGRON

¹⁰ Nakoso nzue nu ngaka worawora ɔne nzue nu ngaka bɔ bele ngoa de, bɛ nu biala bɔ olle ndɛtɛ ɔne ɛboen ne, kyɛ ɔwɔ ɛpo nu oo, kyɛ ɔwɔ asue nu oo, ɔte akyiwadeɛ ma ɛmɔ.

Lewitikɔso 11:10 Iomraidhean Croise

Gyenesise 1:20

Na Nyameɛ hane kyɛ, “Nzue ɔlɔ abɔdeɛ ahoroɔ pee bɔ bele ngoa ɔ, ná nnomaa koso bétu bɛ́fa aseɛ so wɔ ewienu!”

Anyandera 13:20

Sɛ ɛne nworɛniɛ nate a, enwu nworɛ, nakoso sɛ ɛne ngwaseafoɛ bɛbɔ afɛ a, edwirɛ to wɔ.

Anyandera 29:27

Amumuyɛɛniɛ te teneneeniɛ akyiwadeɛ, yeɛ sona bɔ ye bra te sannwuu ne, ɔte bɔnefoɛ akyiwadeɛ.

Lewitikɔso 11:11

Bɛkɔhɔ so bɛkɔyɛ akyiwadeɛ; nnɛma ɛmɔdi bɛ naen, ná bɛ fuin koso ɛ́mɔbu ye akyiwadeɛ.

Lewitikɔso 11:9

“Nzue nu naen mɔ koso, ɛhemɔ yeɛ ɛ́mɔli ɔ: kaka biala bɔ ɔwɔ nzue nu, bɔ ole ndɛtɛ ne ɛboen ne, kyɛ ɔwɔ ɛpo nu oo, anaa asue nu oo, ɛmɔkɔhora bekoli.

Lewitikɔso 7:18

Sɛ ebie di asomdwee afɔleɛ naen ne bie ye ɛlɛsa ne aso a, afɔleɛ ne ngɔsɔ Nyameɛ nye, yeɛ Nyameɛ ngole sona bɔ ɔbɔle ne ngɔto nu; naen ne te akyiwadeɛ na sona bɔ okoli ne, ye musue kɔbɔ ye ti so.

Deuteronomi 14:10

Nakoso ebiala bɔ ye si olle ndɛtɛ ne ɛboen ne de, nnɛma ɛmɔdi. Ye nwo nde mma ɛmɔ.

Deuteronomi 14:3

“Nnɛdi akyiwadeɛ biala.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”