Lewitikɔso 10:6 - AHYERƐLƐ KRONGRON

⁶ Na Mose sele Aarɔn, ɔne Aarɔn mma mmienzua Eleasa ne Yitama kyɛ, “Nnɛmɔma ɛmɔ ti nwiaa fu gua ye nwo fusaa, yeɛ nnɛma ɛmɔsunzua ɛmɔ ndaadeɛ nu. Sɛ ɔba ye sɔ a, ɛmɔkowu, na AWURADE ɛyaafɛlɛ piri kɔwa maen ne amukoraa so. Nakoso ɛmɔ aliɛma mɔ, Yisrael awuro ama mukoraa de, bɛkɔhora bekosu bɛ bɔ AWURADE afa see wayera bɛ ne.

Lewitikɔso 10:6 Iomraidhean Croise

2 Samuel 24:1

AWURADE ahone huli Yisrael so bieku paa, na ɔmane Dawide yɔle nikyee tiale bɛ. Osele ye kyɛ, “Kɔha Yisraelfoɛ ne Yudafoɛ.”

Ɛsra 7:5

bɔ ye baba ole Abisua, bɔ ye baba ole Finehase, bɔ ye baba ole Eleasa, bɔ ye baba ole ɔsɔfo panyi Aarɔn ne,

Ɛksadɔso 33:5

Ofikyɛ né AWURADE aha ahyire Mose kyɛ, “Ka kyire Yisraelfoɛ kyɛ, ‘Ɛmɔte mmenia bɔ bɛ so yɛ se ɔ; na sɛ me ne ɛmɔ yɛsã nu yɛkɔ kaala po a, ngɔma ɛmɔ boso konua. Yiti ɛ́mɔyeye ɛmɔ nwo mbembenanneɛ ne, amaa mahora manwu nikyee bɔ ngɔfa ngɔyɔ ɛmɔ ɔ.’ ”

Ɛksadɔso 6:23

Aarɔn gyale Aminadabo awa brasua Elihyeba bɔ oliɛma ole Nason ne. Na ɔne ye bɛwole Nadabo, Abihu, Eleasa ne Yitama.

Yeremia 7:29

Tete wɔ ti nwiaa gyi gua; bɔ awuye wɔ mmokaa pralaa nemɔ aso, ofikyɛ aworɛ ndoatoasoɛ bɔ bahu AWURADE ahone ne, wapo bɛ waye ye sa wafi bɛ bo.’

Lewitikɔso 13:45

“Sona bɔ kwata anwonyerɛ kɔyɛ ye ne, odi kyɛ owura ndaadeɛ teterewaa ná ɔma ye ti nwiaa gua so basaa. Odi kyɛ ɔkata ye noa tuin anwuro ne aso ná ɔtea nu kyɛ, ‘Me nwo nde o, me nwo nde o!

Mika 1:16

Tete wɔ ti ná bɔ tikwa, ɔnate wɔ mma bɔ bɛmaa enya anika ne ati; ma wɔ tikwa ne ɔyɛ kyɛ ɛpɛtɛ deɛ, ofikyɛ bɛkɔhye bɛ nnure bekofi wɔ nwo bɛkɔhɔ.

Numeri 1:53

nakoso Lewifoɛ mɔ de, odi kyɛ besi b’asikyeleɛ maa ɔbra adanzeɛ ɛtena sua ne anwo yia, amaa ɔnate so AWURADE yaafɛlɛ piri ne wamma Yisraelfoɛ so. Odi kyɛ Lewifoɛ mɔ bɛbɔ adanzeɛ ɛtena sua ne anwo waen.”

Numeri 14:6

Na Nun awa Yosua ɔne Yefune awa Kalebo, bɔ bɛboka mmenia bɔ bɛɛtetɛle aseɛ ne aso ne, besunzuale bɛ bɔbɔ bɛ ndaadeɛ nu,

Numeri 16:22

Na Mose ne Aarɔn fale bɛ nyunu bebutubutuli ase, na besele kyɛ, “O Nyameɛ, anwoɔnaen amukoraa bɛ sunzum Nyameɛ, aso sona ko yɔ bɔne maa ɔnate so ɛfɛ maen ne amukoraa so yaa anaa?”

Numeri 18:5

Odi kyɛ ɛmɔ bɔbɔ ɛmɔyɔ nekaa krongron berɛ adwuma ne ɔne afɔleɛ bokyea ne anwo adwuma, amaa ɛyaafɛlɛ piri amma Yisraelfoɛ so ko le.

Numeri 20:25

Fa Aarɔn ne ɔwa Eleasa, ná ɛne bɛ fo bra Hore bokaa ne aso.

Numeri 5:18

Odi kyɛ ɔsɔfo ne fa braa ne bagyina AWURADE nyunu, ɔsangye braa ne ti nwiaa, ná ngayeɛ aburoo afɔleɛ bɔ ɔte nungunɛhwenɛ aburoo afɔleɛ ne, ɔ́fa wura braa ne sa nu. Odi kyɛ ɔsɔfo ne bɔbɔ otira nzue weewee bɔ ɛnomalɛ wɔ nu ne.

Deuteronomi 33:9

Ye bɔ ɔhane edwirɛ fale ɔse ne oni nwo kyɛ, ‘Memva bɛ menyɛ huu’; obuli ye nye guale oliɛma mɔ so, na ɔpole ye mma mɔ. Ofikyɛ Lewifoɛ lele wɔ dwirɛ bɛtole nu, na belili w’apam ne aso.

Yosua 22:18

Afei de, ɛmɔayakyi AWURADE si lilɛ! Sɛ ɛmɔtwi bɛfa AWURADE dwirɛ so ɛnɛ a, ɛhema ɔkɔfɛ Yisrael mmenia mukoraa so yaa.

Yosua 22:20

Nningyein bɔ AWURADE tu siele berɛ kyɛ yɛsɛkye ye ne, aso Sera awa Akan wando ye nwo mmeraa ne? Aso ɔnate sɔ ati Nyameɛ amvɛ Yisraelfoɛ amukoraati so yaa? Ye amumuyɛɛ bɔ ɔyɔle ne, ye ngome yeɛ owuli ɔ?”

Yosua 7:1

Nakoso AWURADE mmeraa bɔ ɔfa nningyein bɔ watu wasie berɛ kyɛ bɛsɛkye ye ne anwo ne, Yisraelfoɛ buli so. Akan bɔ ɔse ole Karemi, bɔ ɔse ole Sabidi, bɔ ye koso ɔse ole Sera bɔ ofi Yuda abusua kure nu ne, ɔfale nningyein bɔ AWURADE atu asie berɛ kyɛ bɛsɛkye ye ne bie, yiti AWURADE fɛle Yisraelfoɛ so yaa piri paa.

Yosua 7:11

Yisrael ayɔ bɔne. M’apam bɔ nhyɛle bɛ kyɛ beli so ne, babu so. Basesa nningyein bɔ matu masie berɛ kyɛ bɛsɛkye ye ne bie; bawua, bapɛ ngondombo, na bafa baafea bɛ bɔbɔ bɛ nningyein nu.