Lewitikɔso 10:3 - AHYERƐLƐ KRONGRON

³ Na Mose sele Aarɔn kyɛ, “Bɔ AWURADE aha hɔ ɛhe: ‘Ɔnate bɛ bɔ bepingye me ne aso, ngɔmaa bekonwu me kyɛ nde krongron, na bɛkɔhyɛ me animnyam wɔ mmenia ne amukoraati nyunu.’ ” Na Aarɔn yɛle konn.

Lewitikɔso 10:3 Iomraidhean Croise

Gyenesise 18:25

Wɔ de, ɛngɔyɔ sɔ nikyee ne le, kyɛ ɛkɔfa mmenia bɔ bɛtengyɛ ɛkɔfra amumuyɛɛfoɛ kɔsɛkye bɛ ɔ; bɔ ɔkɔmaa mmenia bɔ bɛtengyɛ ne b’ayieleɛ koyie bɛ kyɛ amumuyɛɛfoɛ ɔ. Ah! Ɛngɔhora sɔ yɔ! Yiti aseɛ ye aso amukoraa Ndɛenbualɛniɛ ne, ongobua ndɛen bɔ ɔtengyɛ hɔ ɔ?”

YOB NWOMAA NE 2:10

Nakoso obuale ye kyɛ, “Edwudwo kyɛbɔ brasua kwaseaa biala odwudwo ɔ. Nzu ɔ? Nyameɛ ma yɛ nikye paa a, yɛde; nzu ati yeɛ sɛ ɔma yɛ bɔ ɔtte mayee a, ɔnzɛ kyɛ yɛde ɔ?” Na ɛhemɔ amukoraa nu ne, Yob amma ye noa andia Nyameɛ.

Edwein 119:120

Ɔnate wɔ nwo suronyi ti, me nwonaen wosowoso me, na mesuro wɔ ndɛenbualɛ ne.

Edwein 148:14

Wama ye maen anya anwoserɛ, amaa ɔnate so ye anwoteefoɛ amukoraa baye ye ayɛ, Yisraelfoɛ bɔ bɛ yeɛ bɛte mmenia bɔ bepingye ye ne. Ɛ́mɔye AWURADE ayɛ!

Edwein 39:10

Nnɛfa wɔ mbire gyina me nwo ko; wɔ sa bɔ afa agyina me nwo ne, wamaa mabubu.

Edwein 39:9

Mayɛ konn; memmukye me noa, ofikyɛ wɔ yeɛ ahyehyɛ ye sɔ ɔ.

Edwein 46:10

“Ɛ́mɔyɛ konn, ná ɛ́mɔnwu kyɛ me ole Nyameɛ! Medi hene wɔ maen maen mɔ so, medi aseɛ ye aso hene.”

Edwein 89:7

Ɔte Nyameɛ bɔ besuro ye wɔ krongronfoɛ badwa nu ɔ, ɔte piri, na ye nwo yɛ suro tra bɛ bɔ bapɛ ye nwo bayia amukoraa.

Edwein 93:5

Wɔ noa dwirɛ te nahorɛ turoloo; ao AWURADE, krongronyɛlɛ fata w’awuro afebɔɔ.

Ɛksadɔso 14:17

Me de, ngɔma Misraimfoɛ kobubu mmakaa kotua bɛ so, amaa ɔnate so bapo Yisraelfoɛ so. Na ɔnate Faro ne ye asraafoɛ amukoraa so, ye teaseɛnam mɔ ne ye pɔngɔhanɛfoɛ so, ngɔhyɛ me nwo animnyam.

Ɛksadɔso 14:4

Ngɔma Faro kobubu mmakaa kotua ye so. Ɔkɔpo bɛ so, nakoso ɔnate Faro ne ye lɔen amukoraa so ngɔhyɛ me nwo animnyam; na Misraimfoɛ konwu ye kyɛ me ole AWURADE.” Na sɔ ala yeɛ Yisraelfoɛ yɔle ɔ.

Ɛksadɔso 19:22

Asɔfo mɔ po bɔ bɛba AWURADE nyunu ne, maa bɛte bɛ nwo, ná AWURADE andete bɛ nu pasapasa.”

Ɛksadɔso 19:24

Na AWURADE sele ye kyɛ, “Dwu kɔ aseɛnwo dɔ, ná ɛne Aarɔn bɛfo bɛbra. Nakoso asɔfo nemɔ ne mmenia ne de, nnɛmaa bɛtra ɛwɛen ne bɛfo bɛba AWURADE berɛ, ná wamvɛ bɛ so yaa.”

Ɛksadɔso 30:30

Fa ɛpopalɛ ngoo ne gua Aarɔn ne ye mma mmienzua nemɔ ti so, ná te bɛ nwo ma beli sɔfo bɛso me.

Yesaya 39:8

Yeɛ Hesekia sele Yesaya kyɛ, “AWURADE noa dwirɛ bɔ ahã ne, ɔte paa.” Ɔhane sɔ, ofikyɛ onyane adwene kyɛ, “M’aberɛ so, maen ne konya asomdwee, na nu kodwo fɔnwoo.”

Yesaya 49:3

Na osele me kyɛ, “O Yisrael, ɛte me somvoɛ, bɔ ɔnate wɔ so yeɛ bɛkɔhyɛ me animnyam ɔ.”

Yesaya 52:11

Ɛmɔ bɔ ɛmɔsoa AWURADE ngukue nemɔ ne, ɛmɔhɔ, ɛmɔhɔ, ɛmɔfi berɛ bɛhɔ, nnɛma ɛmɔfa ɛmɔ nwo bɛkã nikyee biala bɔ ye nwo nde ɔ; ɛ́mɔfi ye nu béfite bɛhɔ, ɛ́mɔte ɛmɔ nwo.

Hesekiel 20:41

Ngole ɛmɔ ngɔto nu kyɛ ɛyɛɛ fonafona, mmerɛ bɔ ngɔye ɛmɔ ngofi maen maen mɔ so, bɔ ngɔboaboa ɛmɔ noa ngofi aseɛ mɔ bɔ mabɔ ɛmɔ masande maagua so ne aso ne. Na ɔnate ɛmɔ so, me krongronyɛlɛ kɔla ali wɔ maen maen nemɔ bɛ nyunu.

Hesekiel 28:22

Kã kyɛ, ‘AWURADE Nyameɛ nwa nyoo, “O Sidon, tie, meko metia wɔ, na m’animnyam kɔla ali wɔ wɔ nu. Na sɛ metwe ye so, ná mema me krongronyɛlɛ da ali wɔ ye nu a, ye de bekonwu kyɛ me ole AWURADE.

Hesekiel 38:16

na ɛkɔɔfa koɛ kɔtoa me maen Yisrael kyɛ munungum bɔ ɔkɔta aseɛ ne aso ɔ. Na mmerɛ bɔ oli nziɛ ne, ngɔfa wɔ ngɔwa maa ɛkɔɔfa koɛ kɔtoa me maen ne, bɔ ɔnate so maen maen bekonwu me ɔ, na ɛhe kosi wɔ mmerɛ bɔ ngɔfa wɔ, Gɔgo, wɔ so ngɔla me krongronyɛlɛ ali bɔ bɛ nye tua ɔ.

Hesekiel 40:46

na pumbu bɔ ye nye kyire sorɔ dɔ ne, asɔfo mɔ bɔ bɛyɔ afɔleɛ bokyea ne aso adwuma ne, ɔte bɛ deɛ. Bɛ ole Sadoke boso ama, bɔ bɛte Lewi boso ama, bɔ bɛ yeɛ bepingye AWURADE bɛsɔne ye ne.

Hesekiel 42:13

Yeɛ osele me kyɛ, “Sorɔ dɔ pumbu nemɔ ne ngwaen dɔ pumbu nemɔ bɔ bɛwɔ pato n’anyunu berɛ ne, bɛ ole pumbu krongron nemɔ. Berɛ yeɛ asɔfo mɔ bɔ bepingye AWURADE ne bekoli krongron nu krongron afɔleɛ nningyein ne ɔ; berɛ yeɛ bɛkɔfa krongron nu krongron nningyein ne bekogua ɔ: aleɛ afɔleɛ, bɔne nwo afɔleɛ ne foɛlilɛ afɔleɛ, ofikyɛ berɛ te krongron.

Lewitikɔso 21:15

amaa ye boso ama nwo angua fiɛ wɔ ye abusua nu; ofikyɛ me ole AWURADE bɔ mete ye nwo ɔ.”

Lewitikɔso 21:17

“Ka kyire Aarɔn kyɛ, Wɔ bosofoɛ nemɔ, wɔ b’aworɛ ndoatoasoɛ amukoraati nu, nnɛma bɛ nu biala bɔ wali nnɛen ɔba afɔleɛ bokyea ne anwo ɔbafa ye Nyameɛ aleɛ ɔma ye.

Lewitikɔso 21:21

Nnɛma ɔsɔfo Aarɔn bosoniɛ biala bɔ wali nnɛen ba afɔleɛ bokyea ne anwo kyɛ ɔbaabɔ see so afɔleɛ ma AWURADE; wali nnɛen ne ati, onni kyɛ ɔba afɔleɛ bokyea ne anwo kyɛ ɔfa ye Nyameɛ aleɛ ɔbrɛ ye ɔ.

Lewitikɔso 21:6

Odi kyɛ bɛyɛ krongron bɛma bɛ Nyameɛ, na ɔnzɛ kyɛ begua bɛ Nyameɛ dumaa nwo fiɛ; ofikyɛ afɔleɛ bɔ bɛbɔ ye see so bɛma AWURADE, bɔ ɔte bɛ Nyameɛ aleɛ ne, bɛ yeɛ bɛbɔ ɔ; yiti odi kyɛ bɛyɛ krongron.

Lewitikɔso 21:8

Odi kyɛ Yisraelniɛ biala nwu asɔfo mɔ kyɛ bɛte krongron, ofikyɛ bɛ yeɛ bɛbɔ aleɛ afɔleɛ bɛma wɔ Nyameɛ ɔ; nwu bɛ kyɛ bɛte krongron, ofikyɛ me AWURADE bɔ mete ɛmɔ nwo ne, nde krongron.

Lewitikɔso 22:9

Asɔfo nemɔ beli m’ahyɛdeɛ so, amaa bangua me nekaa krongron ne anwo fiɛ, ná banni fɔ ná banwuwu: Me ole AWURADE bɔ mete bɛ nwo ɔ.

Lewitikɔso 8:35

Ɛ́mɔtena ɛtena sua atenaleɛ anoa nu berɛ eyia ne kɔngɔen ɛlɛsoo, ná ɛ́mɔyɔ bɔ AWURADE ahyɛ ne, amaa ɛmɔanwu ofikyɛ sɔ yeɛ AWURADE hyɛle me ɔ.”

Numeri 16:5

Na osele Kora ne ye lɔen ne amukoraa kyɛ, “Ɛhema ngyerɛmɔ, AWURADE kɔmaa yɛkonwu sona horɛ bɔ ɔte AWURADE deɛ ɔ, bɔ ɔte krongron ɔ, ɔne bɔ ɔkɔpene so maa okopingye ye ɔ. Sona bɔ AWURADE kɔnea nu kɔye ye ne, ɔkɔmaa okopingye ye.

Numeri 20:12

Nakoso AWURADE sele Mose ne Aarɔn kyɛ, “Ɔnate kyɛ ɛmɔanne me banni, ná ɛmɔamma wanna ali wɔ Yisraelfoɛ nyunu kyɛ nde krongron ne ati, ɛmɔngɔfa mmenia hemɔ bengodwu aseɛ bɔ mafa mama bɛ ne aso.”

Mateo 10:37

“Na ebiala bɔ okuro ɔse anaa oni dwirɛ tra me ne, ɔmvata me; yeɛ bɔ okuro ɔwa bienzua anaa ɔwa brasua dwirɛ tra me ne, ɔmvata me.

Yohane 12:28

Baba, hyɛ wɔ dumaa animnyam!” Yeɛ komviɛ bie fili nyameɛso wale kyɛ, “Mahyɛ ye animnyam dada, na ngɔhyɛ ye animnyam bieku.”

Yohane 14:13

Na nikyee biala bɔ ɛmɔkɔsrɛ ye me dumaa nu ne, ngɔyɔ, amaa ɔnate so Baba ne anya animnyam wɔ Baa ne nu.

Deuteronomi 32:51

Ofikyɛ ɛmɔ amunyɔ banni nahorɛ bamma me wɔ Yisraelfoɛ nyunu wɔ Meribate Kadese nzue nwo, wɔ Sen ɛserɛ ne aso; ɔnate kyɛ ɛmɔammu me kyɛ nde krongron wɔ Yisraelfoɛ nu.

2 Tɛsalonika 1:10

Sɔ kyẽa ne, ɔkɔwa ma ye anwoteefoɛ kɔhyɛ ye animnyam, na agyidifoɛ mukoraa anwu ye anwanwa adwuma; ofikyɛ ɛmɔale yɛ adanzeɛ bɔ yɛli yɛhyirele ɛmɔ ne bali.

1 Petro 4:17

Ofikyɛ mmerɛ ne adwu kyɛ ndɛenbualɛ hyɛ ye bo wɔ Nyameɛ awuro ɔ. Na sɛ bɛfa yɛ bɛhyɛ ye bo a, nzaade bɛ bɔ bɛyɛ Nyameɛ nzɛmba ne nwo asoserɛ ne de, okoyie bɛ sɛ?

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.

1 Samuel 3:18

Yiti Samuel fale ye mukoraa nwo amaneɛ bɔle Eli, na wamva bie wamvea ye. Na Eli sele kyɛ, “Ye yeɛ ɔte AWURADE ɔ, maa ɔyɔ bɔ okuro ɔ.”

1 Samuel 6:20

Afei Bete Semesefoɛ hane kyɛ, “AWURADE, Krongronniɛ Nyameɛ he, nwa yeɛ ɔkɔhora kogyina ye nyunu ɔ? Nwa berɛ koraa yeɛ yɛye AWURADE alaka ne yɛfi yɛ wa yɛkɔ ɔ?”