Lewitikɔso 10:2 - AHYERƐLƐ KRONGRON

² See fili AWURADE berɛ ɔɔyerale bɛ ná bɛtotɔle wɔ AWURADE nyunu.

Lewitikɔso 10:2 Iomraidhean Croise

2 Samuel 6:7

AWURADE fɛle Yusa so yaa, ofikyɛ ɔtengyɛle ye sa sɔle alaka ne anu. Nyameɛ bɔle ye tole ase wɔ berɛ, na owuli tɔle Nyameɛ alaka ne anwo berɛ.

1 Ahemvo 13:28

na ɔhɔ onwuni kyɛ efuin ne la atee ne anu, bɔ afunum ne ɔne gyata ne begyigyi ye nwo berɛ ɔ. Né gyata ne ollili fuin ne, yeɛ né ohhuni afunum ne koso.

1 Ahemvo 18:38

Afei AWURADE see ne fili anwuro ɔɔyerale naen yeralɛ afɔleɛ ne, eyein ne, nyɔboɛ nemɔ ne berɛ nnɛterɛ ne, na ɔwewele nzue bɔ ogyi ɛkã ne anu ne.

2 Ahemvo 1:10

Nakoso Elia buale koɛhonɛfoɛ aburannu so safohene ne kyɛ, “Sɛ nde Nyameɛ sona de a, ye de see ófi nyameɛso ɔɔyera wɔ ne wɔ koɛhonɛfoɛ aburannu nemɔ.” Na see fili nyameɛso ɔɔyerale safohene ne ɔne ye koɛhonɛfoɛ aburannu nemɔ.

2 Ahemvo 1:12

Nakoso Elia buale bɛ kyɛ, “Sɛ nde Nyameɛ sona de a, ye de see ófi nyameɛso ɔɔyera wɔ ne wɔ koɛhonɛfoɛ aburannu nemɔ.” Na Nyameɛ see fili nyameɛso ɔɔyerale safohene ne, ɔne ye koɛhonɛfoɛ aburannu nemɔ.

1 Aberɛso Dwirɛ 13:10

AWURADE fɛle Yusa so yaa. Ɔbɔle ye tole ase wɔ berɛ, ofikyɛ ɔtengyɛle ye sa sɔle alaka ne anu; na owu tɔle berɛ ala wɔ Nyameɛ nyunu.

1 Aberɛso Dwirɛ 15:13

Ɔnate kyɛ nna ɛmɔ yeɛ ɛmɔsoale ye mmerɛ bɔ oli moa ne ati, AWURADE yɛ Nyameɛ fɛle yɛ so yaa paa, ofikyɛ yannea alaka ne aso yé.”

1 Aberɛso Dwirɛ 24:2

Nakoso Nadabo ne Abihu bewuli bɛyakyili bɛ baba bɔ banwo ba ɔ. Yiti Eleasa ne Yitama yeɛ bɛɛyɛle asɔfo ɔ.

YOB NWOMAA NE 1:16

Ye noa wɔ so bɔ odwudwo ne, sona foforɛ wale ɔɔbɔle amaneɛ kyɛ, “Nyameɛ see afi nyameɛso watete wagua wayera mmoaen ne somvoɛ nemɔ wahũ bɛ. Me ngome twe yeɛ manya me ti madidi nu bɔ mebaabɔ wɔ amaneɛ ye.”

Edwein 50:3

Yɛ Nyameɛ ɔba, na ɔngɔyɛ konn, see bɔ ogye wuronyiwuronyi li ye nyunu, na mvrama piri apɛ ye nwo amukoraa wayia.

Ɛksadɔso 24:1

Afei Nyameɛ sele Mose kyɛ, “Fo bra AWURADE berɛ, ɛne Aarɔn, Nadabo ne Abihu, yeɛ Yisraelfoɛ nu mbanyi aburasoo, ná ɛ́mɔgyina nziɛ nziɛ bɛsɔne (me).

Yesaya 30:33

Ofikyɛ, ofi tetetete yeɛ wasiesie kumaa bɔ bɛyera fofoɛ nu ɔ, wasiesie wama Asiria hene, nu te kuronn, ɔtrɛ, na see ne eyein pee wɔ nu. Na AWURADE nwomeɛ bɔ ɔte kyɛ sɔfe bɔ ɔtengyɛ kɔ ne yeɛ ɔmaa ɔsɔ ɔ.

Lewitikɔso 10:5

Yiti kyɛbɔ Mose hyɛle ne, bepingyele berɛ na bɛsoale bɛ fuin nemɔ wɔ b’aguasoɛ nu befili asikyeleɛ ne anu.

Lewitikɔso 16:1

Aarɔn mma mmienzua nyɔ hɔle AWURADE nyunu ná bewuli ne, ye si ye, AWURADE ne Mose dwudwole.

Lewitikɔso 9:24

See fili AWURADE berɛ ɔɔyerale naen yeralɛ afɔleɛ ne, ɔne ɛloe bɔ ɔwɔ afɔleɛ bokyea ne aso ne. Mmerɛ bɔ mmenia ne amu benwuni ye ne, bɛteateane nu, na bɛfale bɛ nyunu bebutubutuli ase.

Numeri 14:37

mmenia bɔ bɛɛbɔle aseɛ ne anwo amaneɛ tɛɛ ne, ewue te pene bɛ so maa bewuwuli wɔ AWURADE nyunu.

Numeri 16:35

Na see fili AWURADE berɛ ɔɔyerale mmienzua ɛyaa nyɔ ne aburannu bɔ né bɛbɔ ɛyɛɛ afɔleɛ ne.

Numeri 16:49

Bɛ bɔ bewuwuli wɔ amaneɛ piri ne anu ne, bɛ somaa te apee buru ne nna ɔne ɛyaa nzoo, asora bɛ bɔ bewuli wɔ Kora ɛlɔenyɛlɛ ne anu ne.

Numeri 26:61

Nakoso Nadabo ne Abihu de, bewuwuli ofikyɛ né bɛmvata kyɛ bɛfa see bɛbɔ afɔleɛ wɔ AWURADE nyunu, nakoso bɛyɔle sɔ.

Asomafoɛ 5:10

Na berɛ ne ala, ɔpɛ fini ye nyunu berɛ wuli. Na mmerandeɛ nemɔ besa bɛwale ne, benwuni kyɛ ye koso wawu; yiti bɛmane ye so bɛhɔle, na besiele ye ohu ne nwo berɛ.

Asomafoɛ 5:5

Anania tele sɔ dwirɛ ne pɛ, ɔpɛ fini, na owuli berɛ ne ala; na bɛ bɔ bɛtele ne amu besurole.

1 Korintofoɛ 10:11

Ɛhe amukoraa tole bɛ maa ɔyɛle kɔkɔbɔlɛ, na bɛhyerɛ bɛtole berɛ bɛfa betuli yɛ foɛ, yɛ bɔ wiase ayieleɛ mmerɛ ne wato yɛ ne.

1 Samuel 6:19

Nyameɛ huni Bete Semesefoɛ nemɔ bie, ofikyɛ bɛneane AWURADE alaka ne anu. Ohuni maen ne anu mmenia aburasoo, na mmenia ne lili aworabɔlɛ, ofikyɛ AWURADE huni maen ne anu mmenia pee paa.