Lewitikɔso 10:14 - AHYERƐLƐ KRONGRON

¹⁴ Nakoso ye sa bɔ bɛnwaha ne, ɔne ye sɔ bɔ bɛfa bɛbɔle afɔleɛ ne, ɛ́mɔli ye wɔ nekaa bɔ berɛ te sannwuu ɔ. Ɛne wɔ mma mmienzua ne wɔ mma mmrasua mɔ yeɛ beli ɔ, ofikyɛ Yisraelfoɛ asomdwee afɔleɛ ne, ɛne wɔ mma mɔ, ɛmɔ deɛ bɔ ɔwɔ nu hɔ ɛne.

Lewitikɔso 10:14 Iomraidhean Croise

Ɛksadɔso 29:33

Nningyein bɔ bɛfa bɛyɛle mbata bɛmane bɛ, bɔ begyinane so bɛhyɛle bɛ sɔfo, ná bɛfa bɛtele bɛ nwo ne, beli. Nakoso sona bɔ ɔtte sɔfo ne de, nnɛmaa odi bie, ofikyɛ ɔte aleɛ krongron.

Hesekiel 42:13

Yeɛ osele me kyɛ, “Sorɔ dɔ pumbu nemɔ ne ngwaen dɔ pumbu nemɔ bɔ bɛwɔ pato n’anyunu berɛ ne, bɛ ole pumbu krongron nemɔ. Berɛ yeɛ asɔfo mɔ bɔ bepingye AWURADE ne bekoli krongron nu krongron afɔleɛ nningyein ne ɔ; berɛ yeɛ bɛkɔfa krongron nu krongron nningyein ne bekogua ɔ: aleɛ afɔleɛ, bɔne nwo afɔleɛ ne foɛlilɛ afɔleɛ, ofikyɛ berɛ te krongron.

Lewitikɔso 10:13

Odi kyɛ ɛmɔdi ye wɔ nekaa bɔ ɔte krongron ɔ, ofikyɛ afɔleɛ bɔ babɔ ye see so bama AWURADE ne, ɛne wɔ mma mɔ bɛ deɛ ɛne; sɔ yeɛ AWURADE ahyehyɛ ama me ɔ.

Lewitikɔso 22:13

Nakoso sɛ ɔsɔfo awa brasua bayɛ kunaniɛ, anaa ohu yira ye bɔ olle ba, ná osa batena ye baba awuro kyɛbɔ ye ndaluwa nu ɔtenane berɛ ne a, ye de ɔkora odi ye baba aleɛ ne bie. Sona biala bɔ nna ɔsɔfo abusua kure ne anu yeɛ ofi ne de, ɔnzɛ kyɛ odi bie ɔ.

Lewitikɔso 9:21

Nakoso ye sa nemɔ ne ye sɔ famaa ne de, Aarɔn pagyale fa bɔle ɛnwahanɛ afɔleɛ wɔ AWURADE nyunu kyɛbɔ Mose hyɛle ne.

Numeri 18:11

Ɛhe koso te wɔ deɛ: akyɛdeɛ biala bɔ baye bafi Yisraelfoɛ ɛnwahanɛ afɔleɛ amukoraa nu ɔ. Mafa mama wɔ ne wɔ mma mmienzua ne wɔ mma mmrasua. Ɔte akyɛdeɛ afebɔɔ, ebiala bɔ ye nwo te wɔ w’awuro berɛ ne, ɔkora odi bie.

Numeri 5:9

Yisraelfoɛ akyɛdeɛ krongron ne amukoraa, nu biala bɔ bɛkɔfa bɛkɔbrɛ ɔsɔfo ne, ɔkɔyɛ ye deɛ.

Yohane 4:34

Na Yesu sele bɛ kyɛ, “M’aleɛ ole kyɛ ngɔyɔ bɔ ɔsomane me n’apɛdeɛ, na ngoyie ye adwuma ne ɔ.