Lewitikɔso 10:13 - AHYERƐLƐ KRONGRON

¹³ Odi kyɛ ɛmɔdi ye wɔ nekaa bɔ ɔte krongron ɔ, ofikyɛ afɔleɛ bɔ babɔ ye see so bama AWURADE ne, ɛne wɔ mma mɔ bɛ deɛ ɛne; sɔ yeɛ AWURADE ahyehyɛ ama me ɔ.

Lewitikɔso 10:13 Iomraidhean Croise

Hesekiel 42:13

Yeɛ osele me kyɛ, “Sorɔ dɔ pumbu nemɔ ne ngwaen dɔ pumbu nemɔ bɔ bɛwɔ pato n’anyunu berɛ ne, bɛ ole pumbu krongron nemɔ. Berɛ yeɛ asɔfo mɔ bɔ bepingye AWURADE ne bekoli krongron nu krongron afɔleɛ nningyein ne ɔ; berɛ yeɛ bɛkɔfa krongron nu krongron nningyein ne bekogua ɔ: aleɛ afɔleɛ, bɔne nwo afɔleɛ ne foɛlilɛ afɔleɛ, ofikyɛ berɛ te krongron.

Lewitikɔso 10:12

Mose sele Aarɔn ɔne Aarɔn mma bɔ baha bɔ bɛ ole Eleasa ne Yitama kyɛ, “Afɔleɛ mɔ bɔ bɛbɔle ye see so bɛmane AWURADE ne, ɛ́mɔfa aburoo afɔleɛ ngaa ne, ná ɛ́mɔli ye kabrɛdi wɔ afɔleɛ bokyea ne ngyɛnu, ofikyɛ ɔte krongron paa.

Lewitikɔso 10:14

Nakoso ye sa bɔ bɛnwaha ne, ɔne ye sɔ bɔ bɛfa bɛbɔle afɔleɛ ne, ɛ́mɔli ye wɔ nekaa bɔ berɛ te sannwuu ɔ. Ɛne wɔ mma mmienzua ne wɔ mma mmrasua mɔ yeɛ beli ɔ, ofikyɛ Yisraelfoɛ asomdwee afɔleɛ ne, ɛne wɔ mma mɔ, ɛmɔ deɛ bɔ ɔwɔ nu hɔ ɛne.

Lewitikɔso 2:3

Aburoo afɔleɛ ne ngaa ne kɔyɛ Aarɔn ne ye mma mmienzua mɔ deɛ; afɔleɛ bɔ bɛbɔ ye see so bɛma AWURADE ne, ɛhe yeɛ ɔte krongron paa ɔ.

Lewitikɔso 6:16

Na ye ngaa ne, Aarɔn ne ye mma mɔ beli; odi kyɛ bedi ye kabrɛdi wɔ nekaa bɔ ɔte krongron ɔ; beli ye wɔ ɛtena sua atenaleɛ ne aluo.

Numeri 18:10

Ɔte nikyee krongron paa, na ɛmɔli. Bienzua biala kora odi bie; ɔkɔyɛ krongron kɔma ɛmɔ.

Numeri 5:10

Ebiala ye akyɛdeɛ krongron te ɔsɔfo nemɔ deɛ. Nikyee biala bɔ ebiala kɔfa kɔbrɛ ɔsɔfo biala ne, ɔkɔyɛ sɔ ɔsɔfo ne deɛ.”