Lewitikɔso 10:11 - AHYERƐLƐ KRONGRON

¹¹ na odi kyɛ ɛmɔkyirekyire Yisraelfoɛ ahyɛdeɛ bɔ AWURADE nate Mose so ha hyirele bɛ ne amukoraa.”

Lewitikɔso 10:11 Iomraidhean Croise

2 Aberɛso Dwirɛ 15:3

Mmerɛ tendenn bie bɔ wapɛ nu ɔ, né Yisrael ɔnze nahorɛniɛ Nyameɛ ne. Né belle ɔsɔfo bɔ okyirekyire bɛ ɔ, yeɛ belle mmeraa biala.

2 Aberɛso Dwirɛ 17:9

Bɛfale AWURADE mmeraa nwomaa ne, na behyirehyirele nu dwirɛ ne wɔ Yuda. Behyinihyini Yuda nguro ne amukoraa so behyirehyirele mmenia nwomaa ne anu dwirɛ.

2 Aberɛso Dwirɛ 30:22

Lewifoɛ bɔ bɛyɔle ɛsɔnenɛ adwuma ne yé ne, Hesekia hyɛle bɛ mukoraa nguraen paa. Yiti mmenia ne belili aluolue aleɛ ne ɛlɛsoo, na bɛbobɔle asomdwee afɔleɛ bɛlale AWURADE bɛ nana mɔ Nyameɛ ne ase.

Nehemia 8:2

Yiti ɔsɔfo Ɛsra fale mmeraa ne wale badwa ne anyunu, wɔ mmienzua ne mmrasua ne ngwadaa amukoraa bɔ bɛte dwirɛ a, bɛkɔhora bɛkɔte ye bo ɔ, bɛ nyunu, wɔ kyẽa bɔ oli moa wɔ bosome bɔ ɔtɔ so nzoo ne anu.

Nehemia 8:8

Yiti bɛkengale befili Nyameɛ mmeraa nwomaa ne anu, na behyirehyirele nu pefee mane mmenia ne tele bɔ bɛkengale ne abo.

Yeremia 18:18

Yeɛ besele kyɛ, “Ɛmɔbra maa yɛbɔ Yeremia nwo porɛ, ofikyɛ mmeraa ne ngotu ngomini ngofi ɔsɔfo berɛ, foɛtulɛ ngotu ngomini ngofi nworɛniɛ berɛ, yeɛ edwirɛ ne koso, ongotu ngomini ngofi ngɔmhyɛlɛniɛ berɛ. Ɛmɔbra maa yɛpɛ dwirɛ yɛto ye so, na nnɛmɔmaa yɛtie ye dwirɛ biala.”

Yeremia 2:8

Asɔfo nemɔ bammisa kyɛ, ‘AWURADE wɔ nisua?’ Yeɛ bɛ bɔ bekyirekyire mmeraa ne anu ne, bɛnze me; bɛ neafoɛ nemɔ, bɛyɔle bɔne betiale me; bosoen Baal yeɛ ngɔmhyɛlɛfoɛ bɛfale ye bɛhyɛle ngɔm ɔ, na belili nningyein bɔ mvasoɛ nne so ɔ si.

Malaki 2:7

Ofikyɛ, bɔ odi kyɛ ofite ɔsɔfo noa ole nimdeɛ, na ye noa dwirɛ nu yeɛ odi kyɛ mmenia bɛpena mmeraa ne ɔ, ofikyɛ ɔte Asafo AWURADE bɔfoɛ.

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Asomafoɛ 20:27

ɔnate kyɛ mamva nikyee biala bɔ ɔfa Nyameɛ nhyehyɛleɛ ne nwo mamvea ɛmɔ.

Deuteronomi 17:10

Mmuayɛɛ bɔ bɛkɔfa bɛkɔma wɔ wɔ nekaa bɔ AWURADE wɔ Nyameɛ kɔneanea nu kɔye kosie berɛ ne, nea kyɛ ɛkɔfa kɔyɔ adwuma pɛpɛɛpɛ ɔ. Nea kyɛ ekoli bɔ bekohyire wɔ ne amukoraati so ɔ.

Deuteronomi 17:11

Mmeraa bɔ bekohyire ye bo bekohyire wɔ ne, ɔne ndɛenbualɛ bɔ bɛkɔfa bɛkɔma wɔ ne, di so. Bɛ mmuayɛɛ bɔ bɛkɔfa bɛkɔma wɔ ne, nnɛdi ye nwo makyebu kɔ bɛen anaa famaa so.

Deuteronomi 24:8

“Sɛ kwata anwonyerɛ yɛ wɔ a, nikyee biala bɔ Lewifoɛ bɔ bɛte asɔfo ne kohyire wɔ kyɛ ɛyɔ ne, nea kyɛ ɛkɔyɔ ye pɛpɛɛpɛ ɔ; na kyɛbɔ mahyɛ bɛ nen, sɔ ala yeɛ yɔ ɔ.

Deuteronomi 33:10

Bekohyire Yakob wɔ nhyehyɛleɛ ne, ná bahyire Yisrael wɔ mmeraa ne; bɛkɔfa ayirefona bɛkɔwa wɔ nyunu, ná babɔ afɔleɛ mumua yeralɛ wɔ w’afɔleɛ bokyea ne aso.

1 Tɛsalonikafoɛ 4:2

Ɔnate kyɛ ɛmɔse ahyɛdeɛ bɔ yɛnate Awurade Yesu so yɛfa yɛmane ɛmɔ ne.