Lewitikɔso 10:1 - AHYERƐLƐ KRONGRON

¹ Aarɔn mma mmienzua Nadabo ne Abihu, bɛ nu biala fale ye see kulie. Bɛfale see beguale nu, na bɛfale ɛyɛɛ beguale so. Bɛfale see bɔ ye nwo nde ɔ bɛwale AWURADE nyunu, see bɔ nna AWURADE yeɛ wahyɛ bɛ kyɛ bɛfa bɛbra ye nyunu ɔ.

Lewitikɔso 10:1 Iomraidhean Croise

1 Ahemvo 18:38

Afei AWURADE see ne fili anwuro ɔɔyerale naen yeralɛ afɔleɛ ne, eyein ne, nyɔboɛ nemɔ ne berɛ nnɛterɛ ne, na ɔwewele nzue bɔ ogyi ɛkã ne anu ne.

Edwein 141:2

Ma me mbaeɛ ɔyɛ kyɛ ɛyɛɛ wɔ wɔ nyunu, ná me sa bɔ mema so ne, ɔ́yɛ kyɛ nɔsoa afɔleɛ.

Ɛksadɔso 24:1

Afei Nyameɛ sele Mose kyɛ, “Fo bra AWURADE berɛ, ɛne Aarɔn, Nadabo ne Abihu, yeɛ Yisraelfoɛ nu mbanyi aburasoo, ná ɛ́mɔgyina nziɛ nziɛ bɛsɔne (me).

Ɛksadɔso 24:9

Afei Mose ne Aarɔn, Nadabo, Abihu ne Yisraelfoɛ nu mbanyi aburasoo ne hɔle bokaa ne aso.

Ɛksadɔso 27:3

Fa kɔɔbere yɔ ye nwo nningyein hemɔ amukoraati: ngukue mɔ, ye sofi mɔ, ayaa mɔ, ateɛ anoa tworɔntworɔn mɔ, ɔne ngukue bɔ bɛfa see bekogua nu ɔ.

Ɛksadɔso 28:1

“Afei, ye eliɛma Aarɔn ne ye mma mmienzua nemɔ sie ahameɛ fi Yisraelfoɛ nu ma bɛbra wɔ berɛ, ná beeli sɔfo bɛso me. Mekyire Aarɔn ne ye mma mmienzua Nadabo ne Abihu, yeɛ Eleasa ne Yitama.

Ɛksadɔso 31:11

ɛpopalɛ ngoo ne, ɔne nekaa krongron berɛ ayirefona ne. Ɔsɛ kyɛ bɛyɔ ye mukoraati pɛpɛɛpɛ kyɛbɔ mahyɛ wɔ ne.”

Ɛksadɔso 37:29

Osa yɔle ɛpopalɛ ngoo krongron ne, ɔne ɛyɛɛ paa paa fonafona ne, kyɛbɔ sona bɔ ole ye nwo nimdeɛ afrafra nningyein ayɔ ɔ.

Ɛksadɔso 38:3

Ɔyɔle afɔleɛ bokyea ne nwo nningyein amukoraati: ngukue mɔ, sofi mɔ, ayaa mɔ, ateɛ anoa tworɔntworɔn mɔ, ɔne ye ngukue bɔ bɛfa see begua nu ɔ. Kɔɔbere yeɛ ɔfa yɔle ye nwo nningyein ne amu ɔ.

Ɛksadɔso 40:27

na ɔyerale ayirefona wɔ so, kyɛbɔ AWURADE hyɛle ye (Mose) nen.

Ɛksadɔso 6:23

Aarɔn gyale Aminadabo awa brasua Elihyeba bɔ oliɛma ole Nason ne. Na ɔne ye bɛwole Nadabo, Abihu, Eleasa ne Yitama.

Ɛksadɔso 8:27

Ɔsɛ kyɛ yɛpɛ atee bɔ bɛfa ɛlɛsa bɛpɛ ɔ wɔ ɛserɛ so yɛkɔbɔ afɔleɛ yɛma AWURADE yɛ Nyameɛ ne, kyɛbɔ wahyɛ yɛ ne ala.”

Yeremia 19:5

Basisi Baal asɔneyɛɛ mɔ koso, kyɛ bɛyera bɛ mma mɔ wɔ see nu bɛfa bɛbɔ naen yeralɛ afɔleɛ bɛma Baal. Ɛhe te nikyee bɔ nna me yeɛ nhyɛle bɛ kyɛ bɛyɔ ɔ, nngane, yeɛ ɔwwale m’adwene nu po.

Yeremia 32:35

Besisili Baal asɔneyɛɛ mɔ wɔ Hinom Awa bɔnza ne anu, kyɛ bɛfa bɛ mma mmienzua ne bɛ mma mmrasua bɛfa see nu (bɛbɔ afɔleɛ) bɛma Moleke, ɔwɔ nu kyɛ mamva ahyɛdeɛ mamma bɛ kyɛ bɛyɔ sɔ, yeɛ wamma me ti anu kyɛ bɛyɔ sɔ akyiwadeɛ ne bɛ́ma Yuda ɔyɔ bɔne.

Yeremia 44:15

Yeɛ mmienzua amukoraa bɔ bɛse kyɛ bɛ ye mɔ bayera ayirefona bama nyameɛ foforɛ mɔ ne, bɛ ne mmrasua amukoraa bɔ né begyigyi berɛ, ɛlɔen kandinga ne, mmenia amukoraa bɔ né bɛte Patrose wɔ Misraim aseɛ so ne, bebuale Yeremia kyɛ,

Yeremia 44:8

Nzu ati yeɛ ɛmɔfa ɛmɔ sa noa nnwumaa bewura me apue, bɔ ɛmɔyera ɛyɛɛ bɛma nyameɛ foforɛ mɔ wɔ Misraim aseɛ bɔ ɛmɔatena so ne aso, bɔ ɔnate ye sɔ ati ɛmɔ boso kɔnnua, ná ɛmɔayɛ ɛnomalɛ nikye ne ngorohoɛ nikye wɔ aseɛ ye aso maen amukoraa nu ɔ?

Yeremia 7:31

Na basisi Tofete asɔneyɛɛ nemɔ bɔ ɔwɔ Hinom awa bɔnza ne anu ne, kyɛ bɛfa bɛyera bɛ mma mmienzua ne bɛ mma mmrasua wɔ see nu. Ɛhe te nikyee bɔ mamva ye nwo ahyɛdeɛ mamma bɛ ɔ, yeɛ wamma me ti anu po.

Lewitikɔso 16:1

Aarɔn mma mmienzua nyɔ hɔle AWURADE nyunu ná bewuli ne, ye si ye, AWURADE ne Mose dwudwole.

Lewitikɔso 16:12

Na odi kyɛ ɔfa see kulie bɔ afɔleɛ bokyea ne anu see gonn ayi ye tɛkyɛ ɔ ɔba AWURADE nyunu, ɔne ɛyɛɛ fona muhumuhu bɛ sa bum nyɔ, ná ɔ́fa bra mbɛmuɛ tena ne asi.

Lewitikɔso 22:9

Asɔfo nemɔ beli m’ahyɛdeɛ so, amaa bangua me nekaa krongron ne anwo fiɛ, ná banni fɔ ná banwuwu: Me ole AWURADE bɔ mete bɛ nwo ɔ.

Lewitikɔso 9:24

See fili AWURADE berɛ ɔɔyerale naen yeralɛ afɔleɛ ne, ɔne ɛloe bɔ ɔwɔ afɔleɛ bokyea ne aso ne. Mmerɛ bɔ mmenia ne amu benwuni ye ne, bɛteateane nu, na bɛfale bɛ nyunu bebutubutuli ase.

Numeri 16:46

Yeɛ Mose sele Aarɔn kyɛ, “Fa wɔ see kulie ne, fa afɔleɛ bokyea ne anu see ne bie gua nu, fa ɛyɛɛ gua nu, ná fa kɔ maen ne berɛ ndɛndɛ kɔpata ma bɛ. Ofikyɛ AWURADE afɛ ɛyaa hahii; amaneɛ piri ne ahyɛ ye bo.”

Numeri 26:61

Nakoso Nadabo ne Abihu de, bewuwuli ofikyɛ né bɛmvata kyɛ bɛfa see bɛbɔ afɔleɛ wɔ AWURADE nyunu, nakoso bɛyɔle sɔ.

Numeri 4:18

“Kohatefoɛ mmusua mmusua ne, ɛ́mɔnea yé kyɛ bɛ boso ngonua wɔ Lewifoɛ nu ɔ.

Deuteronomi 12:32

“Bɔ méhyehyɛ méma ɛmɔ biala, ɛ́mɔnea yé kyɛ ɛmɔkoli so ɔ. Nnɛfa bie boka so, yeɛ nnɛye bie fi nu.

Deuteronomi 17:3

kyɛ waaso nyameɛ foforɛ biemɔ wakoto bɛ: kyɛ eyia oo, ɛsraen oo, anaa anwuro abɔdeɛ mɔ bɔ mabera ne oo,

Deuteronomi 4:2

Mmeraa bɔ méfa méma ɛmɔ ne, nnɛma ɛmɔfa bie bɛboka so, yeɛ nnɛma ɛmɔye bie befi nu, na mmom ɛ́mɔli AWURADE ɛmɔ Nyameɛ mmeraa dwirɛ bɔ méhyehyɛ méma ɛmɔ ne aso.

Hebrifoɛ 9:4

Né sɔ nningyein hemɔ wɔ nu: esikaa kɔkorɛ afɔleɛ bokyea bɔ bɛyera ɛyɛɛ so, apam alaka bɔ bafa sikaa kɔkorɛ baboro ye nwo amu ɔ, sikaa kɔkorɛ kutusi bɔ mana wɔ nu ɔ, Aarɔn pɔmaa bɔ ɔfefɛle ne, ɔne nyɔboɛ nyɔ bɔ bahyerɛ apam ne bagua so ne.