Lewitikɔso 1:9 - AHYERƐLƐ KRONGRON

⁹ Nakoso ye kunu nningyein ne ye gya nemɔ de, odi kyɛ bɛfa nzue benwunzi bɛ nwo. Ɔsɛ kyɛ ɔsɔfo ne yera ye mukoraati wɔ see ne aso fa yɛ naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 1:9 Iomraidhean Croise

Gyenesise 8:21

Na AWURADE tele afɔleɛ ne fona nen, ɔhane ye ye ti anu kyɛ, “Ɔnate kuro sona ti mengɔnoma aseɛ ko, ofikyɛ sona ti anu nzusuleɛ te bɔne fite ye ngwadaa nu; na sɔ ala yeɛ mengɔsɛkye abɔdeɛ biala ko kyɛbɔ mayɔ ye ɔ.”

1 Aberɛso Dwirɛ 6:34

bɔ ye baba ole Ɛlkana, bɔ ye baba ole Yeroham, bɔ ye baba ole Eliɛl bɔ ye baba ole Toya,

2 Aberɛso Dwirɛ 4:6

Osa yɔle ayaa buru bɔ benwunzi naen bɔ bɛfa bɛbɔ naen yeralɛ afɔleɛ ne wɔ nu ɔ. Ɔfale nnu siesiele famaa so, yeɛ ɔfale nnu siesiele bɛen so. Nakoso angora kurukuru ne anu yeɛ né asɔfo nemɔ benwunzinwunzi bɛ bɔbɔ bɛ nwo ɔ.

Edwein 51:6

Amba, ɛpena nahorɛlilɛ wɔ sona nu, yiti maa nwu nworɛ wɔ me nu mvealeɛ nu dɔ.

Edwein 66:15

Ngɔfa ngaka bɔ balɔ ɔ ngɔbɔ naen yeralɛ afɔleɛ mɔ ngɔma wɔ, ɔne mmoaen nyii afɔleɛ nwosina. Ngɔbɔ nandwie nyii ne mbɔngye afɔleɛ. Sela

Ɛksadɔso 12:9

Nnɛma ɛmɔdi ye monɛ, yeɛ nnɛma ɛmɔfa nzue bɛto, na mmom ɛ́mɔtoto: ye ti, ye gya ne ye kunu nningyein ne boka so.

Ɛksadɔso 29:18

Yera boaen nyii mumua ne wɔ afɔleɛ bokyea ne aso. Ɔte naen yeralɛ afɔleɛ ma AWURADE. Ɔte nikyee fonafona, ɔte afɔleɛ bɔ bɛbɔ ye see so bɛma AWURADE ɔ.

Ɛksadɔso 29:25

Afei, de fi bɛ sa nu, ná yera bɛ ne naen yeralɛ afɔleɛ ne wɔ afɔleɛ bokyea ne aso ma ɔbo fonafona wɔ AWURADE nyunu; ɔte afɔleɛ bɔ bɛfa see bɛyera ye bɛma AWURADE ɔ.

Yeremia 4:14

Ao Yerusalem, nwunzi w’ahone nwo fi bɔne nu, amaa ɔnate so anya wɔ ti adidi nu. Ɔkwaadwu kyinzu yeɛ ɛkɔhɔ so kɔdwene bɔne adwene ɔ?

Hesekiel 20:28

Ofikyɛ, aseɛ bɔ ndale ye nwo ndaen kyɛ ngɔfa ngɔma bɛ ne, mvale bɛ mmale so nen, nekaa biala bɔ benwuni pambaa tendenn biala, anaa bakaa pusaa biala nen, bɛbɔle b’afɔleɛ wɔ berɛ, na bɛfale b’ayɛyɛdeɛ bɔ bɛfa bɛba ne behuli m’ahone. Berɛ yeɛ bɛbɔle ɛyɛɛ fonafona afɔleɛ, ná bɛbɔle bɛ nzaa afɔleɛ ɔ.

Hesekiel 20:41

Ngole ɛmɔ ngɔto nu kyɛ ɛyɛɛ fonafona, mmerɛ bɔ ngɔye ɛmɔ ngofi maen maen mɔ so, bɔ ngɔboaboa ɛmɔ noa ngofi aseɛ mɔ bɔ mabɔ ɛmɔ masande maagua so ne aso ne. Na ɔnate ɛmɔ so, me krongronyɛlɛ kɔla ali wɔ maen maen nemɔ bɛ nyunu.

Hesekiel 40:38

Né pumbu bie wɔ berɛ bɔ ye anoa ne ɔwɔ anoa piri mbuna nemɔ anwo, wɔ nekaa bɔ benwunzi naen yeralɛ afɔleɛ nwo ne.

Lewitikɔso 1:13

Nakoso ye kunu nningyein ne ye gya ne de, ɔ́fa nzue ónwunzi bɛ nwo. Odi kyɛ ɔsɔfo ne, ɔfa ye mukoraati ɔyera ye wɔ afɔleɛ bokyea ne aso. Ɔte naen yeralɛ afɔleɛ; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 1:17

Na odi kyɛ ɔsɔ ye ndaa nemɔ anu osua ye nu, bɔ koso ɔmma ye nu nde koraa ɔ. Afei ɔsɔfo ne ɔ́yera ye wɔ afɔleɛ bokyea ne aso wɔ eyein bɔ ogua see ne aso ne aso. Ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 2:16

Ɔsɔfo ne kɔyera aburoo bɔ basi, ná bafa ngoo ne ɛyɛɛ ne amukoraa bafra ye ne bie kyɛ ngayeɛ nikye; ɔte afɔleɛ bɔ bɛbɔ ye see so bɛma AWURADE ɔ.

Lewitikɔso 2:2

ná ɔ́fa brɛ Aarɔn mma mmienzua nemɔ bɔ bɛ yeɛ bɛte asɔfo ne. Odi kyɛ ɔsa esam paa bɔ ngoo ne ɛyɛɛ fra ye ne ye sa bum ko, ná ɔsɔfo ne ɔ́yera kãa bɔ wasa ne wɔ afɔleɛ bokyea ne aso; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 2:9

Odi kyɛ ɔsɔfo ne sa aburoo afɔleɛ ne bie fa yɛ ngayeɛ nikye, ná ɔyera ye wɔ afɔleɛ bokyea ne aso; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 3:11

Na odi kyɛ ɔsɔfo ne ɔyera ye afɔleɛ bokyea ne aso maa ɔyɛ aleɛ bɔ bɛyera ye see so bɛma AWURADE ɔ.

Lewitikɔso 3:5

Na odi kyɛ Aarɔn mma mmienzua nemɔ, bɛfa begua naen yeralɛ afɔleɛ bɔ ogua see so wɔ afɔleɛ bokyea so ne aso, ná bɛyera ye; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Lewitikɔso 4:31

Na odi kyɛ ɔye ye loe ne amu, kyɛbɔ bɛye ɛloe befi asomdwee afɔleɛ nu ne, na ɔsɔfo ne ɔ́yera ye wɔ afɔleɛ bokyea ne aso maa ɔ́yɛ nikyee bɔ ɔbo AWURADE fona ɔ. Ɔsɔfo ne kɔpata kɔma ye, na Nyameɛ kɔfa ye bɔne kɔhyɛ ye.

Lewitikɔso 6:14

“Aburoo afɔleɛ ne nwo nhyehyɛleɛ ɛhe: Odi kyɛ Aarɔn boso ama nemɔ bɛbɔ ye wɔ AWURADE nyunu wɔ afɔleɛ bokyea ne anyunu.

Lewitikɔso 8:21

Na bɛfale nzue benwunzini ye kunu nningyein ne ye gya nemɔ anwo beyiele nen, Mose yerale boaen nyii mumua ne amu wɔ afɔleɛ bokyea ne aso fa bɔle naen yeralɛ afɔleɛ bɔ ɔbo fona ná bafa see babɔ bama AWURADE ɔ, kyɛbɔ AWURADE hyɛle Mose ne.

Lewitikɔso 8:28

Afei Mose lele sɔ nningyein nemɔ fili bɛ sa nu, na ɔfa bokale naen yeralɛ afɔleɛ ne yerale bɛ wɔ afɔleɛ bokyea ne aso. Ɔte sɔfohyɛlɛ afɔleɛ bɔ yeɛ ɔbo fona, bɔ bɛfa see bɛyera ye bɛma AWURADE ɔ.

Lewitikɔso 9:14

Onwunzini ye kunu nningyein ne ɔne ye gya nemɔ anwo, na ɔfa bokale naen yeralɛ afɔleɛ ne aso ɔyerale bɛ wɔ afɔleɛ bokyea ne aso.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Numeri 15:3

ná ɛmɔbɔ afɔleɛ wɔ see so bɛma AWURADE a, kyɛ kaka ne ofi nandwie kure nu oo, anaa mmoaen kure nu oo, kyɛ ɔte naen yeralɛ afɔleɛ oo anaa afɔleɛ biala oo; sɛ ɔte afɔleɛ bɔ ɛmɔfa betua aboadeɛ, anaakyɛ ɔte akyɛdeɛ afɔleɛ, anaa sɛ ɛmɔdi ɛmɔ aluolue bɔ mahyehyɛ mama ɛmɔ ne a, bɔ ɔte afɔleɛ bɔ ɔbo AWURADE fona a,

Numeri 28:11

Sɛ ɛmɔhyɛ bosome biala bo a, odi kyɛ ɛmɔbɔ naen yeralɛ afɔleɛ bɛma AWURADE. Ɛ́mɔfa nandwie nyii akrɔngrɔma nyɔ, boaen nyii ko, mmoaen nyii akrɔngrɔma nzoo bɔ bali afoɛ ngoko, bɔ bellili nnɛen biala ɔ bɛbɔ afɔleɛ.

Numeri 28:7

Odi kyɛ boaen akrɔngrɔma ko biala bɛfa anonneɛ afɔleɛ towaa ko ne bue bɛboka so. Odi kyɛ ehwie nzaa serɛ fa bɔ anonneɛ afɔleɛ ma AWURADE wɔ nekaa krongron berɛ.

Numeri 28:8

Boaen ko bɔ waha ne koso, fa bɔ afɔleɛ nɔsoa ne. Odi kyɛ ɛfa aburoo afɔleɛ ɔne anonneɛ afɔleɛ ɛboka so, kyɛ ngyerɛmɔ deɛ ne ala. Bɔ sɔ afɔleɛ bɔ ɔbo AWURADE fona ne wɔ see so.

2 Korintofoɛ 2:15

Ofikyɛ yɛte Kristo ayirefona wɔ Nyameɛ nyunu, na ye fona ne tu fa bɛ bɔ Nyameɛ gu so ode bɛ ngoa, ɔne bɛ bɔ begu so bemini so.

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.

Deuteronomi 12:27

Fa naen ne ne mogya ne bɔ wɔ naen yeralɛ afɔleɛ wɔ AWURADE wɔ Nyameɛ afɔleɛ bokyea ne aso. W’afɔleɛ ngaa nemɔ, hwie bɛ mogya ne gua AWURADE wɔ Nyameɛ afɔleɛ bokyea ne ngyɛnu, nakoso naen ne de, di.

Filipifoɛ 4:18

Manya pee, na manya ye mukoraa maa wabo so, ɔsone. Epafrodito afa ɛmɔ akyɛdeɛ bɔ ɛmɔfa manene ne wabrɛ me. Ɔte ayɛyɛdeɛ fonafona, afɔlebɔdeɛ bɔ Nyameɛ kuro ná ɔsɔ ye nye ɔ.