Lewitikɔso 1:2 - AHYERƐLƐ KRONGRON

² “Ka kyire Yisraelfoɛ kyɛ, ‘Sɛ ebie fa naen afɔleɛ brɛ AWURADE a, maa ɔfa kaka bɔ ɔbaafa bɔ afɔleɛ ne ofi nandwie kure anaa mmoaen kure ne anu.

Lewitikɔso 1:2 Iomraidhean Croise

Gyenesise 4:3

Nziɛ ye ne, Kein fale fieso nningyein ne bie ɔɔbɔle afɔleɛ mane AWURADE.

Gyenesise 4:5

nakoso ye nye anzɔ Kein ne ye afɔleɛ ne. Yiti Kein fɛle yaa hahii, na ye wora bɔle.

1 Aberɛso Dwirɛ 16:29

Ɛ́mɔfa animnyam bɔ ɔfata AWURADE dumaa ɔ bɛma ye, ɛ́mɔfa afɔleɛ bɛbra ye nyunu, ɛ́mɔsɔne AWURADE wɔ animnyam krongron nu.

Ɛsra 3:5

Besa bɛbɔle daa daa naen yeralɛ afɔleɛ, ɛsraen foforɛ afɔleɛ, AWURADE aluolue krongron afɔleɛ ne amukoraa, ɔne akyɛdeɛ afɔleɛ bɔ ebiala ɔbɔ mane AWURADE ɔ.

Ɛksadɔso 20:24

Wɔ de, si nnɛterɛ afɔleɛ bokyea ma me, na so yeɛ fa wɔ mmoaen ne wɔ nandwie bɔ naen yeralɛ afɔleɛ, ɔne w’asomdwee afɔleɛ ɔ. Na nekaa biala bɔ ngɔmaa ɛkɔkaye me dumaa nen, ngɔwa wɔ berɛ ngooyira wɔ.

Numeri 15:3

ná ɛmɔbɔ afɔleɛ wɔ see so bɛma AWURADE a, kyɛ kaka ne ofi nandwie kure nu oo, anaa mmoaen kure nu oo, kyɛ ɔte naen yeralɛ afɔleɛ oo anaa afɔleɛ biala oo; sɛ ɔte afɔleɛ bɔ ɛmɔfa betua aboadeɛ, anaakyɛ ɔte akyɛdeɛ afɔleɛ, anaa sɛ ɛmɔdi ɛmɔ aluolue bɔ mahyehyɛ mama ɛmɔ ne a, bɔ ɔte afɔleɛ bɔ ɔbo AWURADE fona a,

Numeri 5:15

ye de odi kyɛ biaa ne fa ɔye ne ba ɔsɔfo ne nyunu. Odi kyɛ ɔfa braa ne ti afɔleɛ bɔ ɔte ayuo esam olonka ko ne ɔba. Nnɛmaa ɔfa ngoo gua so, yeɛ nnɛmaa ɔfa ɛyɛɛ ogua so, ofikyɛ ɔte nungunɛhwenɛ aburoo afɔleɛ. Ɔte ngayeɛ aburoo afɔleɛ, bɔ bɛfa bɛkaye amumuyɛɛ ɔ.

Numeri 7:15

nandwie nyii akrɔngrɔma ko, boaen nyii ko, yeɛ boaen nyii akrɔngrɔma ko bɔ wali afoɛ ko bɔ bɛfa bɛbɔ naen yeralɛ afɔleɛ ɔ;

Marko 7:11

Nakoso ɛmɔ de, ɛmɔnwa: ‘Sɛ ebie kã kyire ɔse anaa oni kyɛ: Nikyee bɔ ahaa ekonya kofi me berɛ ne, ‘ɔte kɔban’ (bɔ okyire kyɛ ɔte ayɛyɛdeɛ ma Nyameɛ) a,

Romanfoɛ 12:1

Yiti aliɛmaa mɔ, ngyi Nyameɛ anwumvoinnwunɛ so mesrɛ ɛmɔ, kyɛ ɛ́mɔtu ɛmɔ nipadua bésie berɛ kyɛ afɔleɛ bɔ ɔte ase ɔ, bɔ ɔte krongron ná ɔsɔ Nyameɛ nye ɔ, na ɛhe yeɛ ɔte ɛmɔ nyamesom bɔ ɔfata ɔ.

Romanfoɛ 12:6

Yiti ɛ́mɔma yɛfa yɛ adom akyɛdeɛ ahoroɔ ne yɛyɛ adwuma kyɛbɔ Nyameɛ alo yɛ ɔ. Sɛ ɔte ngɔmhyɛlɛ a, ɛmɔma yɛhyɛ ngɔm kyɛbɔ yɛ gyidie te ɔ;

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.