Lewitikɔso 1:11 - AHYERƐLƐ KRONGRON

¹¹ Odi kyɛ oku ye wɔ afɔleɛ bokyea ne sorɔ wɔ AWURADE nyunu, ná Aarɔn mma mmienzua nemɔ bɔ bɛ yeɛ bɛte asɔfo ne, bɛ́fa ye mogya ne, ná béhwie bégua afɔleɛ bokyea ne nwo bɛ́bra béyia.

Lewitikɔso 1:11 Iomraidhean Croise

Ɛksadɔso 24:6

Mose fale mogya ne bue ko guale ayaa nu, yeɛ ye bue ko wora ohwie guale afɔleɛ bokyea ne anwo.

Ɛksadɔso 40:22

Ɔfale ɛpoen ne siele ɛtena sua atenaleɛ nu berɛ, wɔ nyianu sua ne sorɔ dɔ, wɔ mbɛmuɛ tena ne si dɔ.

Hesekiel 43:18

Yeɛ osele me kyɛ, Sona awa, AWURADE Nyameɛ nwa nyoo: Afɔleɛ bokyea ne nwo nhyehyɛleɛ ɛhe: Kyẽa bɔ bekosi afɔleɛ bokyea ne kyɛ bɛbɔ naen yeralɛ afɔleɛ wɔ so, ná bɛpete mogya begua so ne,

Hesekiel 8:5

Na osele me kyɛ, “Sona awa, to wɔ nye nea sorɔ dɔ.” Yiti ndole me nye nneane sorɔ dɔ. Na yieee, afɔleɛ bokyea anoa ne, ye sorɔ dɔ, wɔ anoa nu berɛ yeɛ né nungunɛhwenɛ amoen ne ogyi ɔ.

Lewitikɔso 1:5

Na afei ohu nandwie nyii ne wɔ AWURADE nyunu, ná Aarɔn mma mmienzua nemɔ bɔ bɛ yeɛ bɛte asɔfo ne, bɛ́fa mogya ne, ná béhwie bégua afɔleɛ bokyea bɔ ogyi ɛtena sua atenaleɛ anoa nu berɛ ne anwo bɛ́bra béyia.

Lewitikɔso 14:13

Odi kyɛ oku boaen akrɔngrɔma ne wɔ nekaa krongron berɛ, nekaa bɔ beku bɔne nwo afɔleɛ ɔne naen yeralɛ afɔleɛ ngaka ne, ofikyɛ foɛlilɛ afɔleɛ te kyɛ bɔne nwo afɔleɛ ne ala; ɔte ɔsɔfo ne deɛ na ɔte krongron paa.

Lewitikɔso 4:29

Ɔsɛ kyɛ ɔfa ye sa to bɔne nwo afɔleɛ ne ti afia, ná oku ye wɔ nekaa bɔ bɛbɔ naen yeralɛ afɔleɛ nen.

Lewitikɔso 6:25

“Ka kyire Aarɔn ne ye mma mmienzua mɔ kyɛ, ‘Bɔne nwo afɔleɛ nwo nhyehyɛleɛ ɛhe: Nekaa bɔ beku naen yeralɛ afɔleɛ ngaka nemɔ ne, berɛ yeɛ ɔsɛ kyɛ beku bɔne nwo afɔleɛ kaka ne wɔ AWURADE nyunu ɔ; ɔte krongron paa.

Lewitikɔso 7:2

Nekaa bɔ beku naen yeralɛ afɔleɛ ngaka ne, berɛ yeɛ odi kyɛ beku foɛlilɛ afɔleɛ kaka ne ɔ, na odi kyɛ behwie ye mogya ne begua afɔleɛ bokyea ne anwo bɛbra beyia.

Lewitikɔso 8:19

Mose huni kaka ne, na ohwiele ye mogya ne guale afɔleɛ bokyea ne anwo bra yiale.