Lewitikɔso 1:10 - AHYERƐLƐ KRONGRON

¹⁰ “Akyɛdeɛ bɔ sona ne ɔbaafa bɔ naen yeralɛ afɔleɛ ne, sɛ ofi mmoaen kure anaa mbɔngye kure ne anu a, odi kyɛ ɔfa nyii bɔ ollili nnɛen biala ɔ.

Lewitikɔso 1:10 Iomraidhean Croise

Gyenesise 4:4

Na Abel koso fale ye mmoaen ne anu nyii bɔ belili moa bɛwole bɛ ne, na ɔfale bɛ loe ne ɔɔbɔle afɔleɛ. Na AWURADE nye sɔle Abel ne ye afɔleɛ ne,

Gyenesise 8:20

Nowa sili afɔleɛ bokyea mane AWURADE; na kaka biala bɔ ye nwo te, ɔne anomaa biala bɔ ye nwo te ne, ɔfale nu bie bɔle naen yeralɛ afɔleɛ wɔ bokyea ne aso.

Ɛksadɔso 12:5

Ɔsɛ kyɛ boaen akrɔngrɔma ne yɛ nyii bɔ wali afoɛ ko, bɔ ollili nnɛen ɔ. Ɔsɛ kyɛ ɛmɔsa nu bɛye bɛ befi mmoaen anaa mbɔngye nemɔ anu.

Hesekiel 43:22

Na ye elenyɔ ne aso, fa abɔngye nyii bɔ ollili nnɛen ɔ bɔ bɔne nwo afɔleɛ; fa te afɔleɛ bokyea ne anwo, kyɛbɔ bɛfale nandwie nyii ne bɛtele ye nwo ne.

Lewitikɔso 14:10

Ye ɛlɛbɔtwɛ ne aso, odi kyɛ ɔfa mmoaen nyii akrɔngrɔma nyɔ bɔ bellili nnɛen biala, boaen beleɛ akrɔngrɔma ko bɔ wali afoɛ ko bɔ ollili nnɛen biala ɔ, esam paa olonka nza bɔ bafa ngoo bafra bɔ bɛ́fa bɛ́bɔ aburoo afɔleɛ ɔ, ɔne ngoo towaa ko.

Lewitikɔso 16:3

Sɛ Aarɔn ɔba nekaa krongron ne anu a, bɔ odi kyɛ ɔyɔ ɛhe: odi kyɛ ɔfa nandwie nyii akrɔngrɔma ko bɔ ɔfa bɔ bɔne nwo afɔleɛ ɔ ɔne boaen nyii bɔ ɔfa bɔ naen yeralɛ afɔleɛ.

Lewitikɔso 16:5

Odi kyɛ ode mbɔngye nyii nyɔ fi Yisrael maen berɛ bɔ ɔfa bɔ bɔne nwo afɔleɛ ɔ, ɔne boaen nyii ko bɔ ɔfa bɔ naen yeralɛ afɔleɛ ɔ.

Lewitikɔso 22:19

kyɛ ɔfa fi nandwie kure, mmoaen kure anaa mbɔngye kure nu oo, ɔsɛ kyɛ ɔyɛ nyii bɔ ollili nnɛen biala ɔ, koraka ne wasɔ Nyameɛ nye.

Lewitikɔso 23:12

Kyẽa bɔ ɛmɔkɔnwaha aleɛ taperɛ ne, odi kyɛ ɛmɔfa boaen bɔ wali afoɛ ko, bɔ ollili nnɛen biala ɔ, bɛbɔ naen yeralɛ afɔleɛ bɛma AWURADE.

Lewitikɔso 3:1

“Sɛ ebie afɔleɛ te asomdwee afɔleɛ a, sɛ ɔfa nandwie nyii anaa beleɛ bɔ ofi nandwie kure ne anu a, odi kyɛ ɔfa bɔ ollili nnɛen ɔ ɔbɔ afɔleɛ ne wɔ AWURADE nyunu.

Lewitikɔso 4:23

ná sɛ bɛfa bɔne bɔ yeɛ wayɔ ne bɛto ye nyunu a, ɔsɛ kyɛ ɔfa abɔngye nyii bɔ ollili nnɛen biala ɔ ɔbabɔ afɔleɛ.

Lewitikɔso 4:3

sɛ ɔsɔfo bɔ bapopa ye ngoo yeɛ ɔyɔ bɔne, ná ɔnate so ɔfa foɛbualɛ ba maen ne aso a, ɔnate bɔne bɔ wayɔ ne ati, odi kyɛ ɔfa nandwie nyii akrɔngrɔma bɔ ollili nnɛen biala ɔ ɔbɔ bɔne nwo afɔleɛ ma AWURADE.

Lewitikɔso 5:15

“Sɛ ɛmɔ nu bie yɔ bɔne, bɔ ɔyɔ bɔne fa AWURADE nningyein krongron ne anu biala nwo, ná sɛ sɔ sona ne ɔnze kyɛ wayɔ bɔne a, odi kyɛ ɔfa mmoaen kure ne anu boaen nyii ko bɔ ollili nnɛen biala ɔ ɔbɔ foɛlilɛ afɔleɛ ma AWURADE. Pɛ ye nyɔboɛ ne wɔ sikaa nu, kyɛbɔ nekaa krongron berɛ sekel te ɔ; ɔte foɛlilɛ afɔleɛ.

Lewitikɔso 9:2

na osele Aarɔn kyɛ, “Fa nandwie nyii akrɔngrɔma bɔ bɔne nwo afɔleɛ ma AWURADE, ná fa boaen nyii bɔ naen yeralɛ afɔleɛ ma AWURADE. Onni kyɛ ngaka ne anu biala yɛ bɔ wali nnɛen ɔ.

Malaki 1:14

Musue to nnakannaka sona bɔ ɔfa kaka nyii bɔ ɔwɔ ye mmoaen kure nu ɔ ɔhyɛ bɔ, nakoso ɔfa bɔ wali nnɛen ɔ ɔbɔ afɔleɛ ma AWURADE ɔ. Ofikyɛ nde Ɛhene piri, na me dumaa nwo suronyi tɔ maen maen mɔ so, Asafo AWURADE noa dwirɛ ɛne.

Numeri 15:5

Afei koso, boaen akrɔngrɔma ko biala, fa bobe nzaa towaa ko ne bue yɛ anonneɛ afɔleɛ boka naen yeralɛ afɔleɛ anaa afɔleɛ ne aso.

Numeri 19:2

“Mmeraa bɔ AWURADE ahyɛ ne, ye nwo ahyɛdeɛ ɛhe: Ka kyire Yisraelfoɛ kyɛ bɛ́fa nandwie beleɛ kɔkorɛ bɔ ollili nnɛen, bɔ ngekalewa biala ɔnne ye nwo, bɔ bɛffale kɔnnua biala bɛttole ye kɔme le ɔ bɛ́brɛ wɔ.

Numeri 6:14

Odi kyɛ ɔfa ye akyɛdeɛ hemɔ ɔbrɛ AWURADE: boaen nyii akrɔngrɔma ko bɔ wali afoɛ ko, bɔ ollili nnɛen biala, bɔ ɔ́fa bɔ naen yeralɛ afɔleɛ ɔ; boaen beleɛ akrɔngrɔma ko bɔ wali afoɛ ko, bɔ ollili nnɛen biala, bɔ ɔ́fa bɔ bɔne nwo afɔleɛ ɔ; boaen nyii ko bɔ ollili nnɛen biala ɔ, bɔ ɔ́fa bɔ asomdwee afɔleɛ ɔ,

Yohane 1:29

Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne!

1 Petro 1:19

na mmom Kristo bɔ ɔte kyɛ boaen ba bɔ ollili nnɛen bɔ ngekalewa biala nne ye nwo ne, ye mogya bɔ odi mu ne yeɛ bɛfa bɛpɔle ɛmɔ ɔ.