Kolosefoɛ 4:6 - AHYERƐLƐ KRONGRON

⁶ Ɛ́mɔma ɛmɔ noa dwudwolɛ yɛ fɛ kyɛ ngyee, amaa ɛmɔanwu mmuayɛɛ paa bɔ ɔsɛ kyɛ ɛmɔfa bebua ebiala ɔ.

Kolosefoɛ 4:6 Iomraidhean Croise

1 Aberɛso Dwirɛ 16:24

Ɛ́mɔbɔ ye animnyam ne nwo dawure wɔ maen maen mɔ so. Ɛ́mɔbɔ ye anwanwadeɛ nwo dawure wɔ maen maen amukoraa so.

Edwein 105:2

Ɛ́mɔto ye nwo dwein, ɛ́mɔto ye nwo ayɛyelɛ dwein. Ɛ́mɔbɔ ye anwanwadeɛ amukoraa nwo dawure.

Edwein 119:13

Mepakye nu mefa me noa mebɔ wɔ noa nu nhyehyɛleɛ amukoraa nwo dawure.

Edwein 119:46

Ngɔhã wɔ noa dwirɛ nwo dwirɛ ngohyire ahemvo mɔ koso, na me nyunu ngogua ase.

Edwein 45:2

Wɔ nwo yɛ nyemene tra sona biala; wɔ noa dwirɛ yɛ fɛ, yiti Nyameɛ ayira wɔ afebɔɔ.

Edwein 66:16

Ɛmɔ amukoraa bɔ ɛmɔsuro Nyameɛ ɔ, ɛmɔbra beetie, na bɔ wayɔ wama me ne, ngɔhã ngohyire ɛmɔ.

Anyandera 10:21

Teneneeniɛ ye noa dwirɛ, mmeni pee fa nu aba, nakoso ngwaseafoɛ de, adwene nne bɛ ti anu, yiti bewuwu.

Anyandera 15:4

Ɛyɛ wɔ noa bɛtɛɛ a, ɔte ngoa bakaa, nakoso ngondombo dwirɛ de, oku sunzum.

Anyandera 15:7

Nworɛfoɛ noa dwirɛ ma nimdeɛ trɛ, nakoso ngwaseafoɛ b’adwene de, ɔtte sɔ.

Nworɛ Dwirɛhanɛniɛ 10:12

Nworɛniɛ noa dwirɛ maa onya animnyam, nakoso kwaseaa de, ye noa dwirɛ maa onya dwirɛ.

Hesekiel 43:24

fa bɛ bra AWURADE nyunu maa asɔfo nemɔ bɛfa ngyee bɛpete bɛ nwo, ná bɛfa bɛ bɛbɔ naen yeralɛ afɔleɛ bɛma AWURADE.

Lewitikɔso 2:13

Ɛ́mɔwura ɛmɔ aburoo afɔleɛ amukoraati ngyee; ɛmɔ ne ɛmɔ AWURADE apam ngyee ne, nnɛmɔma ɔpa ɛmɔ aburoo afɔleɛ ne anu; ɛ́mɔfa ngyee bɛboka ɛmɔ afɔleɛ amukoraa so.

Mateo 5:13

“Ɛmɔte aseɛ ye aso ngyee. Nakoso sɛ ngyee nu fɛɛ tu a, nzikyɛ yeɛ bɛkɔfa bekowura ye maa okosa kɔkakyi ngyee ɔ? Bɛfa bɛyɔ hwee a ɔnyɛ yee ko, sana begyi begua maa mmenia tiatia so.

Marko 9:50

Ngyee te paa; nakoso sɛ ngyee nu fɛɛ tu a, ɔkɔyɛ sɛɛ né ɛmɔawura ye ngyee bieku? Ɛ́mɔma ngyee ɔtena ɛmɔ nu, ná ɛmɔ ne ɛmɔ mmango bɛ́tena asomdwee nu.”

Luka 4:22

Na bɛ mukoraa bɛhane edwirɛ paa bɛfale Yesu nwo, na ye noa dwirɛ bɔ ɔte adom dwirɛ ne ɔyɛle bɛ nwanwa; nakoso bebisale kyɛ, “Aso nna Yosef awa ne ɛhe anaa?”

Ɛfesofoɛ 4:29

Nnɛmɔma edwirɛ fiɛ biala fi ɛmɔ noa, na mmom edwirɛ paa bɔ ɔfata ná ɔma ngɔsoɛ ɔ, ná walo bɛ bɔ betie ne.

Deuteronomi 11:19

Ɛ́mɔfa béhyirehyire ɛmɔ mma mɔ. Na sɛ ɛte w’awuro oo, ɛnate atee so oo, ɛkɔ nnaa nu oo, anaakyɛ edwɔso oo, di ye nwo ngɔmɔ.

Kolosefoɛ 3:16

Ɛ́mɔma Kristo dwirɛ ne oyi ɛmɔ nu tɛkyɛ, ɛmɔhyirehyire ná ɛ́mɔfa nworɛ mukoraa betutu ɛmɔ nwo foɛ. Ɛ́mɔto sangoo dwein, ayɛyelɛ dwein, ɔne sunzum nu dwein bɔ ɔte ahone nu asennaa bɛ́ma Nyameɛ.

1 Petro 3:15

na mmom ɛ́mɔma Awurade Kristo ɔyɛ krongron wɔ ɛmɔ ahone nu. Na mmerɛ biala, ɛ́mɔboaboa ɛmɔ nwo bésie, amaa sɛ ebie bisa ɛmɔ dwirɛ fa anyelasoɛ bɔ ɔwɔ ɛmɔ nu ne nwo a, ɛmɔahora baye ye noa bahyire ye wɔ anwobrɛaseɛ ne anidie nu.