Kolosefoɛ 4:11 - AHYERƐLƐ KRONGRON

¹¹ Yesu bɔ bɛfrɛ ye Yusto ne koso obisa ɛmɔ ahye. Ɛhemɔ ngome yeɛ bɛte bienzuapɛlɛfoɛ bɔ bɛne me yɛyɔ Nyameɛ ahennie ne nwo adwuma ɔ, na bɛte aworakyekyerɛ ma me.

Kolosefoɛ 4:11 Iomraidhean Croise

Asomafoɛ 10:45

Na agyidifoɛ bɔ befi bienzuapɛlɛfoɛ nu bɔ bɛne Petro wale ne, ɔyɛle bɛ nwanwa kyɛ bahwie Sunzum Krongron akyɛdeɛ ne bagua Amaenmaensofoɛ mɔ koso so ɔ,

Asomafoɛ 11:2

Yiti mmerɛ bɔ Petro wale Yerusalem nen, bɛ bɔ bɛte bienzuapɛlɛfoɛ nemɔ bɛne ye nyane dwudwolɛ

Romanfoɛ 16:3

Ɛ́mɔbisa Prisika ne Akwila ahye bɛ́ma me, bɛte nniɛma adwumayɔlɛfoɛ wɔ Kristo Yesu nu;

Romanfoɛ 4:12

Sɔ ala yeɛ Abraham te bɛ bɔ bapɛ bɛ bienzua ne bɛ nana ɔ; nna bɛ bienzuapɛlɛ ne ngome po, na mmom bɛfa gyidie bɔ yɛ nana Abraham nyane ye koraka yeɛ bɛpɛ ye bienzua ne bɛyɛ nhwɛsoɛ.

2 Korintofoɛ 6:1

Yɛte bokafoɛ wɔ Nyameɛ adwuma nu, yiti yɛsrɛ ɛmɔ kyɛ, nnɛmɔma Nyameɛ adom bɔ ɛmɔanya ye ne yɛ mbaen.

Ɛfesofoɛ 2:11

Yiti ɛ́mɔkaye kyɛ, daa ne, ahaa né ɛmɔte Amaenmaensofoɛ wɔ anwoɔnaen nu. Na bɛ bɔ bɛfrɛ bɛ nwo bienzuapɛlɛfoɛ, bɔ bɛ sa mbaen yeɛ bɛfa bɛpɛ ye anwoɔnaen nu ne, né bɛfrɛ ɛmɔ bɛmbɛ-bɛ-bienzuafoɛ.

Filipifoɛ 4:3

Yeɛ mesrɛ wɔ koso, mmiɛngo konnuasoalɛniɛ nohorɛniɛ, kyɛ boka mmrasua hemɔ, ofikyɛ bɛbokale me so yeɛ yɛyɔle nzɛmba ne nwo adwuma ɔ, bɛne Klɛmente ne mmiɛngo adwumayɔlɛfoɛ ngaa nemɔ bɔ bahyerɛ bɛ dumaa wɔ ngoa nwomaa ne anu ne.

Kolosefoɛ 4:7

Tihiko kɔɔfa me nwo dwirɛ kɔbɔ ɛmɔ amaneɛ. Ɔte aliɛmaa bɔ mekuro ye dwirɛ paa ne nahorɛ adwumayɔlɛniɛ, ɔne mmiɛngo somvoɛ wɔ Awurade nu.

1 Tɛsalonikafoɛ 3:2

na yɛsomane aliɛmaa Timoteo bɔ ɔte Nyameɛ somvoɛ, ná ɔne yɛ yɔ Kristo nzɛmba ne nwo adwuma ne, kyɛ ɔɔhyɛ ɛmɔ nguraen ná ɔma ɛmɔ gyidie gyina pindinn;

1 Tɛsalonikafoɛ 3:7

Yiti aliɛmaa mɔ, y’anwokyere ne amaneɛnwunɛ mukoraa nu ne, ɛmɔ gyidie ne amaa yanya ɛmɔ nwo aworakyekyerɛ;

Tito 1:10

Ofikyɛ mmeni pee wɔ berɛ bɔ bɛte asoserɛfoɛ, nzekurebɔlɛfoɛ, nnakannakafoɛ, nganga bienzuapɛlɛfoɛ nemɔ,

Filemɔn 1:1

Pɔɔlo, Kristo Yesu kukununiɛ, yeɛ aliɛmaa Timoteo, yɛ́fa yɛbrɛ yɛ damvo paa ne yɛ biɛngo adwumayɔlɛniɛ Filemon,

Filemɔn 1:24

yeɛ Marko, Aristako, Dema ne Luka bɔ bɛte mmiɛngo adwumayɔlɛfoɛ ne, bebisa wɔ ahye.