Kolosefoɛ 3:3 - AHYERƐLƐ KRONGRON

³ Ofikyɛ ɛmɔawu, na bafa ɛmɔ ngoa ne Kristo basie Nyameɛ nu.

Kolosefoɛ 3:3 Iomraidhean Croise

Mateo 11:25

Sɔ mmerɛ ne anu, Yesu hane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ.

Yohane 14:19

Waha kãa bie né wiase nnwu me ko, nakoso ɛmɔ de, ɛmɔkonwu me; ɔnate kyɛ nde ase, na ɛmɔ koso ɛmɔkɔtena ase.

Yohane 3:16

Na kyɛbɔ Nyameɛ si hurole wiase dwirɛ nen, yiti yeɛ ɔmaa ɔfale Ɔwa komapɛ [bɔ ɔwole ye] ne mane ɔ, amaa ɔnate so ebiala bɔ okole ye koli ne wammini, na mmom wanya daa ngoa.

Yohane 4:14

Nakoso ebiala bɔ ɔkɔno nzue bɔ ngɔma ye bie ne de, nzuhɔen ngohũ ye le. Na nzue bɔ ngɔfa ngɔma ye ne, ɔkɔyɛ nzue abura wɔ ye nu bɔ opu kɔ daa ngoa nu ɔ.”

Yohane 5:21

Na kyɛbɔ Baba ne tingye awufoɛ, ná ɔma bɛ ngoa nen, sɔ ala yeɛ Baa ne koso ɔma bɛ bɔ okuro ɔ ngoa ɔ.

Yohane 5:24

“Nahorɛ nu paa, mekã mekyire ɛmɔ kyɛ, ebiala bɔ ɔte me dwirɛ, ná ode bɔ ɔsomane me ne di nen, ole daa ngoa; bengobua ye foɛ, na mmom wapɛ nu wafi ewue nu wahɔ ngoa nu.

Yohane 5:40

Nakoso ɛmɔnguro kyɛ ɛmɔkɔwa me berɛ, ná ɛmɔanya ngoa.

Romanfoɛ 5:10

Mmerɛ bɔ né yɛte Nyameɛ pɔfoɛ nen, Nyameɛ nate Ɔwa ne wue so siesiele yɛ ne ye afia. Na kekesaala ye bɔ yɛne Nyameɛ ayɛ ko ye de, ɔnate teasefoɛ Yesu so okole yɛ ngoa maa ɔkɔbo so.

Romanfoɛ 5:21

Na kyɛbɔ bɔne nate ewue nu lili hene nen, sɔ ala yeɛ Nyameɛ adom koso kɔnate tenenee nu koli hene ɔ, na ɔkɔfa y’Awurade Yesu Kristo so kɔfa yɛ kɔhɔ daa ngoa nu.

Romanfoɛ 6:11

Sɔ ala yeɛ odi kyɛ ɛmɔbu ɛmɔ nwo kyɛ bɔne olle ɛmɔ so tumi ko ɔ, na ɛmɔte ase wɔ Kristo Yesu nu ma Nyameɛ.

Romanfoɛ 6:2

Dabida! Yɛ bɔ yawu yafi bɔne nu ne, ɔkɔyɛ sɛɛ ná yahɔ so yatena bɔne nu?

Romanfoɛ 8:2

Ofikyɛ Kristo Yesu nu ngoa Sunzum mmeraa ne, wapepɛ wale me wafi bɔne ne ewue mmeraa ne anu.

1 Korintofoɛ 15:45

Ofikyɛ bahyerɛ kyɛ, “Adam bɔ oli moa ne ɔɔyɛle ɛkra teasefoɛ;” na Adam bɔ oli nziɛ ne ɔɔyɛle sunzum bɔ ɔma ngoa ɔ.

1 Korintofoɛ 2:14

Ebiala bɔ Nyameɛ Sunzum nne ye nu ne, onnya akyɛdeɛ bɔ befi Sunzum ne berɛ ne, ofikyɛ akyɛdeɛ ne te sɔ sona ne nye so ngwaseasɛm; yeɛ ɔngora nde bɛ bo koso, ofikyɛ Sunzum ne yeɛ ɔboka sona maa ɔte akyɛdeɛ ne bo ɔ.

2 Korintofoɛ 5:14

Na Kristo dɔ ne di yɛ so, ofikyɛ yɛde yɛto nu kyɛ sɛ sona ko wu mane mmenia mukoraa a, nzaade mmenia mukoraa bawu.

2 Korintofoɛ 5:7

ofikyɛ gyidie yeɛ yɛfa yɛnate ɔ, nna bɔ anyeɛ nwu ye ɔ.

Galatiafoɛ 2:20

Babɔ me ne Kristo mmeamudua nu; yiti nna me yeɛ nde ase ko ɔ, na mmom Kristo yeɛ ɔte ase wɔ me nu ɔ. Na m’ase bɔ nde ye kekesaala ye wɔ anwoɔnaen nu ye de, ɔnate gyidie wɔ Nyameɛ Awa, bɔ okuro me dwirɛ na ɔfale ye ngoa tole berɛ mane me ne anu yeɛ nde ase ɔ.

Ɛfesofoɛ 3:9

kyɛ mmukye mvealeɛ nu dwirɛ he aso ngyire adasa mmaa mukoraa, ofikyɛ ofi tete yeɛ wafea wɔ Nyameɛ bɔ ɔbɔle nningyein mukoraa ne anu ɔ;

Filipifoɛ 4:7

Na Nyameɛ asomdwee bɔ ɔbo ndeaseɛ amukoraa so ne, ɔkɔnea ɛmɔ ahone ne ɛmɔ adwene so wɔ Kristo Yesu nu.

Kolosefoɛ 1:5

ɔnate anyelasoɛ bɔ ɔwɔ berɛ ma ɛmɔ wɔ nyameɛso. Na ɛhe yeɛ ɛmɔate ye dada wɔ nahorɛ dwirɛ bɔ ye ole nzɛmba ne,

Kolosefoɛ 2:20

Sɛ ɛmɔ ne Kristo banya bawu bafi wiase sunzum nu ngyerɛkyerɛ nu a, nzu ati yeɛ ɛmɔbɔ ɛmɔ bra kyɛ ɛmɔtɛwɔ wiase ɔ? Nzu ati yeɛ ɛmɔdi ahyɛdeɛ sɔaa mɔ so ɔ:

Kolosefoɛ 2:3

Na ye nu yeɛ bafa nworɛ ne nimdeɛ agyapadeɛ mukoraa basie ɔ.

Kolosefoɛ 3:4

Na kyẽa bɔ Kristo bɔ ɔte yɛ ngoa ne ɔkɔla ye nwo ali nen, yeɛ bɛkɔla ɛmɔ koso ne ye ali wɔ animnyam nu ɔ.

Hebrifoɛ 7:25

Yiti ɔkora de bɛ bɔ bɛfa ye so bɛba Nyameɛ berɛ ne ngoa bɔkɔɔ; ofikyɛ ɔte ase afebɔɔ, na odi bɛ ti dwirɛ ma bɛ.

1 Petro 3:4

na mmom ɛ́mɔma ɔyɛ ahone nu nikyee bɔ anyeɛ nnwu ye, sunzum bɔ odwo, ɔbrɛ ye nwo ase, nikyee bɔ ɔmborɔ, bɔ ɔte nikyee nyɔboɛserɛ wɔ Nyameɛ nyunu ɔ.

1 Petro 4:2

na anwoɔnaen nu asetena mmerɛ bɔ waha ne, ɔndena ase mma sona akɔnnɔ ko, na mmom ɔtena ase ma Nyameɛ apɛdeɛ.

1 Yohane 3:2

Aliɛmaa mɔ, kekesaala ye yɛte Nyameɛ mma, na kyɛbɔ kyẽa bie yɛkosi yɛkɔyɛ ne de, onnya ɔllale ali. Nakoso yɛse kyɛ sɛ ɔye ye nwo ali a, yɛkɔyɛ kyɛ ye ala, ofikyɛ yɛkonwu ye kyɛbɔ ɔte ɔ.

Nyekyire 2:17

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye mvealeɛ nu mana ne bie maa okoli, na ngɔma ye nyɔboɛ fufue, na nyɔboɛ ne aso yeɛ bahyerɛ dumaa foforɛ bɔ ebiala nze bagua ɔ, sana sona bɔ onya ye ne angome.’