Kolosefoɛ 3:25 - AHYERƐLƐ KRONGRON

²⁵ Nakoso sona bɔ ɔyɔ bɔne ne, okonya bɔne bɔ ɔyɔ ne nwo akatuaa, ofikyɛ Nyameɛ nyɛ sona nu nyeyemuɛ

Kolosefoɛ 3:25 Iomraidhean Croise

Asomafoɛ 10:34

Na Petro sele kyɛ, “Nahorɛ nu, manwu kyɛ Nyameɛ nyɛ nyeyemuɛ,

Romanfoɛ 2:11

Ofikyɛ Nyameɛ nnea sona nyunu mmua ndɛen.

2 Korintofoɛ 5:10

Ofikyɛ, odi kyɛ yɛ mukoraa yɛkogyina Kristo ndɛenbualɛ bia ne nyunu. Na bɔ sona biala wayɔ ye wɔ sɔ anwoɔnaen he anu ne, kyɛ paa oo, anaa bɔne oo, okonya ye nwo akatuaa.

1 Tɛsalonikafoɛ 4:6

Na ɔnzɛ kyɛ ebiala yɔ oliɛma tɛɛ anaa osisi ye wɔ ɛhe anwo, ofikyɛ yali moa yabɔ ɛmɔ kɔkɔ kitii kyɛ Awurade kɔtɔ ɛhemɔ amukoraa so wereɛ.

Deuteronomi 10:17

Ofikyɛ AWURADE ɛmɔ Nyameɛ ne, ɔte nyameɛ mɔ nu Nyameɛ ɔne meneɛ mɔ nu Meneɛ, Nyameɛ piri bɔ ye nwo yɛ suro, bɔ ɔnyɛ nyeyemuɛ, bɔ onne fea-ase-ma ɔ.

1 Petro 1:17

Na sɛ ɛmɔfrɛ bɔ ɔnnea sona nyunu yeɛ obua ndɛen kyɛbɔ ebiala nnwumaa te ɔ kyɛ Baba a, ye de ɔsɛ kyɛ ɛmɔfa esuronyi bɛbɔ ɛmɔ bra wɔ mmerɛ bɔ ɛmɔaayɛ amanvrafoɛ ɔ.

Ɛfesofoɛ 6:9

Meneɛ mɔ, ɛmɔ koso ɛ́mɔyɛ bɛ sɔ ala, nnɛma ɛmɔyɛ bɛ so ahupoo; ofikyɛ ɛmɔse kyɛ bɔ ɔte ɛmɔ ne bɛ Meneɛ ne ɔwɔ nyameɛso, bɔ ye de, ɔnyɛ mmenia nu nyeyemuɛ ɔ.

2 Aberɛso Dwirɛ 19:7

Afei, ɛ́mɔsuro AWURADE na ɛ́mɔbua ndɛen turoloo, ofikyɛ AWURADE yɛ Nyameɛ onguro ndɛengyea, mmenia nu nyeyemuɛ anaa fea-ase-ma lelɛ.”

Deuteronomi 1:17

Nnɛma ɛmɔbua ndɛengyea, na mmom ɛ́mɔyɛ asoɛ bétie kwahweabaa mɔ dwirɛ kyɛbɔ ɛmɔtie atitirefoɛ ne ala. Nnɛma ɛmɔsuro sona nyunu, ofikyɛ ndɛenbualɛ ne te Nyameɛ deɛ. Na edwirɛ biala bɔ ɔbo ɛmɔ so ne, ɛ́mɔfa bɛbra me gya so, na ngoli.’

Hebrifoɛ 2:2

Na sɛ edwirɛ bɔ abɔfo mɔ hane ne te nahorɛ, ná mmeraatolɛ biala ne asoserɛ biala nyane ye so akatuaa kyɛbɔ ɔfata hɔ a,

Kolosefoɛ 4:1

Meneɛ mɔ, edwirɛ bɔ ɔte pɛpɛɛpɛ ná ɔtengyɛ yeɛ ɛ́mɔfa beli ɛmɔ ngoaa mɔ ɔ, ofikyɛ ɛmɔse kyɛ ɛmɔ koso ɛmɔle Meneɛ wɔ nyameɛso.

Luka 20:21

Yiti bebisale ye kyɛ, “Kyerɛkyerɛniɛ, yɛse kyɛ wɔ noa dwirɛ ne wɔ ngyerɛkyerɛ te turoloo, yeɛ ɛmva wɔ nye ndo sona ye dibea, na mmom ekyirekyire Nyameɛ atee ne nahorɛ nu.

YOB NWOMAA NE 37:24

Ye sɔ ne ati, adasa suro ye, na ebiala bɔ obu ye nwo kyɛ ɔse nworɛ ne, Nyameɛ mva ye nyɛ huu.”

YOB NWOMAA NE 34:19

ye bɔ ɔnnea atitirefoɛ bɛ dibea, ná ommu sikafoɛ ndra ehiafoɛ ne, ofikyɛ bɛ mukoraa bɛte ye sa noa adwuma.

2 Samuel 14:14

Ewue de, yɛ mukoraa yɛkowu. Yɛte kyɛ nzue bɔ bahwie bagua ase, bɔ bɛsesa a ɔnyɛ yé ɔ. Nyameɛ de, ɔnga mogya ngua, na mmom ebiala bɔ ɔne ye b’afia atete ne, ole nhyehyɛleɛ bɔ ɔnate so osa twe ye bata ye nwo ɔ.

Lewitikɔso 19:15

“Nnɛma ɛmɔbua ndɛengyea. Nnɛkã kyɛ ebie te ehianiɛ yiti ebua ye be, yeɛ nnɛkã kyɛ ebie te sona titire yiti ɛkɔ so tu ye dwirɛ hyɛ kyẽa, na mmom bua ebiɛngo ndɛen turoloo.

Yuda 1:16

Ɛhemɔ te mmenia bɔ bɛ kunu ndwo, somoɛbɔlɛfoɛ, bedi bɛ bɔbɔ b’akɔnnɔ si, bɛfa bɛ noa bɛhoahoa bɛ nwo, na adifuu ti bɛdɛfɛdɛfɛ mmenia.

Filemɔn 1:18

Sɛ wayɛ wɔ tɛɛ bie, anaakyɛ ɔma wɔ kerɛ a, bu kerɛ ne ma me.

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Ɛfesofoɛ 6:8

Na ɛmɔse kyɛ nikye paa biala bɔ sona yɔ ne, sɛ ɔte akoaa oo, dehyeɛ oo, okonya ye nwo akatuaa kofi Awurade berɛ.

2 Tɛsalonika 1:6

Ofikyɛ ɔtengyɛ wɔ Nyameɛ nyunu kyɛ okotua bɛ bɔ bɛma ɛmɔnwu amaneɛ ne so kerɛ ɔ,