Kolosefoɛ 3:23 - AHYERƐLƐ KRONGRON

²³ Na adwuma biala bɔ ɛmɔyɔ ne, ɛ́mɔfi ɛmɔ ahone nu bɛ́yɔ ye kyɛ ɛmɔyɔ bɛma Awurade, na nna kuro sona.

Kolosefoɛ 3:23 Iomraidhean Croise

2 Aberɛso Dwirɛ 31:21

Na nikyee biala bɔ ɔyɔle ye wɔ Nyameɛ awuro berɛ ɛsɔnenɛ nu, ɔne bɔ ogyinane mmeraa ne mmeraa dwirɛ ne aso yɔle kyɛ ɔfa ɔso ye Nyameɛ ne, ofiane ye kunu ɔyɔle, na oyiele ye yé.

Edwein 103:1

Ao me kra, ye AWURADE ayɛ, yeɛ bɔ ɔwɔ me nu amukoraa, ɛ́mɔye ye dumaa krongron ne ayɛ.

Edwein 119:10

Ngɔfa m’ahone amukoraa ngoli wɔ si; nnɛmaa medi wɔ mmeraa dwirɛ ne anwo makyebu.

Edwein 119:145

Mefa m’ahone amukoraa mesu; ao AWURADE, bua me, ngoli w’ahyɛdeɛ so.

Edwein 119:34

Ma me nimdeɛ, amaa ɔnate so mali wɔ mmeraa ne aso, na ngɔfa m’ahone amukoraa ngoli so.

Nworɛ Dwirɛhanɛniɛ 9:10

Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Yeremia 3:10

Nakoso ɛhe amukoraa si ne, oliɛma brasua ngondomboniɛ Yuda wanza wamva ye ahone amukoraa wamma me berɛ, na mmom ɔyɔle sɔ wɔ nnakannaka atee so, AWURADE noa dwirɛ ɛne.”

Mateo 6:16

“Sɛ ɛmɔyɛ akɔngyere a, nnɛma ɛmɔyɛ ɛmɔ nyunu bosaa kyɛ nyaatwomfoɛ nemɔ, ofikyɛ benyinya bɛ nyunu kyɛbɔ mmenia konwu kyɛ bɛyɛ akɔngyere ɔ. Nahorɛ nu, mekã mekyire ɛmɔ kyɛ, banya b’akatuaa dada.

Romanfoɛ 14:6

Sona bɔ ɔdwene kyɛ kyẽa bie te paa nen, ɔyɔ sɔ fa hyɛ Awurade animnyam. Yeɛ sona bɔ odi nikyee bie nen, odi fa hyɛ Awurade animnyam, ofikyɛ ɔda Nyameɛ ase. Sɔ ala yeɛ sona bɔ onni ne koso, ɔyɔ sɔ fa hyɛ Awurade animnyam ɔ, na ɔda Nyameɛ ase.

Romanfoɛ 14:8

Na sɛ yɛte ase a, yɛte yɛma Awurade, yeɛ yɛwu koso a, yɛwu yɛma Awurade. Yiti sɛ yɛte ase oo, sɛ yɛwu oo, yɛte Awurade deɛ.

Ɛfesofoɛ 5:22

Yeɛ mɔ, ɛ́mɔbrɛ ɛmɔ nwo ase bɛ́ma ɛmɔ bɔbɔ bɛ hu mɔ, kyɛ ɛmɔyɔ bɛma Awurade ne.

Kolosefoɛ 3:17

Na nikyee biala bɔ ɛmɔyɔ wɔ edwudwolɛ anaa yɔleɛ nu ne, ɛmɔyɔ ye mukoraa wɔ Awurade Yesu dumaa nu, na ɛmɔfa asennaa bɛfa ye so bɛma Baba Nyameɛ.

1 Petro 1:22

Asoɛmmerɛlɛ bɔ ɛmɔayɛ bama nahorɛ ne ne ati, wamaa ɛmɔate ɛmɔ kra nwo, na ɛhe amaa ɛmɔahurohuro ɛmɔ nwo dwirɛ wɔ nahorɛ nu, yiti ɔsɛ kyɛ ɛmɔfi ɛmɔ ahone nu bekurokuro ɛmɔ nwo dwirɛ.

1 Petro 2:13

Ɔnate Awurade ti, ɛ́mɔbrɛ ɛmɔ nwo ase bɛ́ma tumililɛ amukoraa: kyɛ ɛhene berembɔn ne ahɔ oo,

1 Petro 2:15

Ofikyɛ bɔ Nyameɛ kuro kyɛ ɛmɔyɔ ɛhe: kyɛ ɛmɔkɔfa ɛmɔ bra paa ne bɛkɔhã ngwaseafoɛ noa bɛkɔto nu ɔ.