Kolosefoɛ 3:13 - AHYERƐLƐ KRONGRON

¹³ Ɛ́mɔnya aboterɛ bɛmoma ɛmɔ nwo; ɛ́mɔfa ɛmɔ abiɛngo mvomsoɛ bɛhyɛ ye. Na sɛ ebie ne obiɛngo benya edwudwolɛ a, ɛ́mɔfa bɛhyehyɛ bɛ nwo, kyɛbɔ Awurade afa ahyɛ ɛmɔ ne.

Kolosefoɛ 3:13 Iomraidhean Croise

Anyandera 19:11

Anwohyɛsoɛniɛ ye ahone nhu ndɛ, na ɔte animnyam ma ye kyɛ okobu ye nye kogua mvomsoɛ so ɔ.

Mateo 5:44

Nakoso me de, mekã mekyire ɛmɔ kyɛ, ɛ́mɔhuro ɛmɔ pɔfoɛ mɔ dwirɛ, ná ɛ́mɔbɔ mbaeɛ bɛ́ma bɛ bɔ bɛtane ɛmɔ nye ɔ;

Mateo 6:12

Na fa yɛ mvomsoɛ kyɛ yɛ, kyɛbɔ yɛfa yɛkyɛ bɛ bɔ bɛfõ yɛ ne.

Marko 11:25

Na sɛ ɛmɔdwɔso begyina kyɛ ɛmɔbɔ mbaeɛ, ná sɛ ebie nwo dwirɛ wɔ ɛmɔ ti anu a, ɛ́mɔfa bɛhyɛ ye; amaa ɔnate so ɛmɔ Baba bɔ ɔwɔ nyameɛso ne koso wafa ɛmɔ mvomsoɛ wahyɛ ɛmɔ. [

Luka 11:4

ná fa yɛ bɔne kyɛ yɛ, ofikyɛ yɛ koso yɛfa ebiala bɔ ɔfõ yɛ ɔ ye deɛ yɛkyɛ ye. Na nnɛfa yɛ kɔ nzɔhwɛ nu.’ ”

Luka 23:34

Na Yesu hane kyɛ, “Baba, fa kyɛ bɛ, ofikyɛ bɛnze bɔ bɛyɔ ɔ!” Na beguale serewa bɛhyɛle ye ndaadeɛ ne bɛfale.

Romanfoɛ 15:7

Yiti ɛ́mɔle ɛmɔ nwo ɛmɔ nwo bɛto nu, kyɛbɔ Kristo ale ɛmɔ ato nu ne, amaa Nyameɛ anya animnyam.

2 Korintofoɛ 2:10

Na sona bɔ ɛmɔkɔfa ye nwo bɛkɔhyɛ ye ne, me koso mefa mekyɛ ye. Na sɛ mafa edwirɛ bie mahyɛ a, sona bɔ mva ngyɛle ye ne, ɔnate ɛmɔ ti yeɛ mafa mahyɛ ye wɔ Kristo nyunu ɔ;

2 Korintofoɛ 6:6

anwotelɛ bra nu, nimdeɛ nu, animia nu, paayɛlɛ nu, Sunzum Krongron nu, ɔdɔ kaenn nu,

Galatiafoɛ 6:2

Ɛ́mɔbokaboka bɛ nwo, na sɔ yeɛ ɔmaa ɛmɔdi Kristo mmeraa ne aso pɛpɛɛpɛ ɔ.

Ɛfesofoɛ 4:2

anwobrɛaseɛ ne awiɛmvoɛyɛlɛ amukoraati nu, aboterɛ nu, ná ɛmɔhurohuro ebiala dwirɛ kyɛbɔ ebiala te ɔ wɔ ɔdɔ nu;

Ɛfesofoɛ 4:32

Ɛmɔhurohuro ɛmɔ nwo dwirɛ, ɛ́mɔnwu ɛmɔ nwo anwumvoin, ná ɛ́mɔfa bɛhyehyɛ ɛmɔ nwo, kyɛbɔ Nyameɛ nate Kristo so wafa wahyɛ ɛmɔ ne.

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.

Kolosefoɛ 3:12

Ɛmɔte mmenia bɔ Nyameɛ aneanea nu waye ɛmɔ ɔ, anwoteefoɛ ne adɔfo, yiti ɛ́mɔfa anwumvoinnwunɛ, paayɛlɛ, awiɛmvoɛ yɔbea ɔne anwobrɛaseɛ ne aboterɛ bɛbɔ ɛmɔ bra.

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.

1 Petro 2:21

Na ɛhe ati yeɛ bɛfrɛle ɛmɔ ɔ, ofikyɛ ɔnate yɛ ti Kristo koso nwuni amaneɛ, na ɔfa yɛle nhwɛsoɛ mane yɛ, kyɛ ɛmɔ koso ɛ́mɔtu ye agyirɛ ne bie.