Kolosefoɛ 2:8 - AHYERƐLƐ KRONGRON

⁸ Ɛ́mɔnea yé ná ebiala amva ewiase nworɛ ne nnakannaka mbaen bɔ ɔnate tetesɛm ne wiase sunzum nu dwirɛ ngyerɛkyerɛ so, bɔ ɔnnate Kristo so ɔ wamva ɛmɔ wanyɛ ngoaa.

Kolosefoɛ 2:8 Iomraidhean Croise

Edwein Nu Dwein 2:15

Ɛ́mɔhyehye safuboa nemɔ bɛ́ma yɛ, safuboa mmaa mmaa mɔ bɔ bɛsɛkye bobe boo ne, ofikyɛ yɛ bobe nemɔ asu.”

Yeremia 29:8

Ofikyɛ Asafo AWURADE, Yisrael Nyameɛ nwa nyoo: Nnɛmɔma ɛmɔ nu ngɔmhyɛlɛfoɛ ne ngonyaayelɛfoɛ nemɔ bɛlakalaka ɛmɔ, yeɛ nnɛma ɛmɔtie bɛ laleɛ bɔ bɛkyekye nemɔ.

Mateo 10:17

Ɛ́mɔnea ɛmɔ nwo yé wɔ kuro sona nwo, ɔnate kyɛ bɛkɔfa ɛmɔ bɛkɔhɔ mbanyi badwa nu, ná bafi ɛmɔ mbire wɔ bɛ nyianu sua mɔ nu.

Mateo 16:6

Yeɛ Yesu sele bɛ kyɛ, “Ɛ́mɔnea yé; ɛ́mɔnea ɛmɔ nwo yé wɔ Farasiifoɛ ne Sadusiifoɛ mɔle harewaa nwo!”

Mateo 7:15

“Ɛ́mɔnea ɛmɔ nwo yé wɔ ngondombo ngɔmhyɛlɛfoɛ nwo; bɛfa boaen nwomaa bedwira bɛ nwo bɛba ɛmɔ berɛ, nakoso bɛ nu de, bɛte pataku adifuufoɛ.

Asomafoɛ 17:18

Na nwomanimfoɛ fekue nyɔ bie bɔ bɛfrɛ bɛ Epikurofoɛ ne Setokifoɛ koso ne ye suli aporowaa. Ebiemɔ hane kyɛ, “Akoaa he bɔ ɔnze hwee ye, nzu yeɛ okyire ye?” Na biemɔ koso hane kyɛ, “Osoma kyɛ ɔ́ka mmosoen ɛwɔfoɛ biemɔ nwo dwirɛ.” Bɛhane sɔ, ɔnate kyɛ né Pɔɔlo ka Yesu ne ewutingyelɛ nwo dwirɛ.

Asomafoɛ 17:32

Na mmerɛ bɔ bɛtele awufoɛ etingyelɛ nwo dwirɛ nen, bɛ nu biemɔ serele Pɔɔlo; na ebiemɔ koso hane kyɛ, “Yɛkuro kyɛ esa si dwirɛ he aso bieku mmerɛ foforɛ.”

Romanfoɛ 16:17

Aliɛmaa mɔ, metu ɛmɔ foɛ kyɛ, ɛ́mɔnea ɛmɔ nwo yé wɔ mmenia bɔ bɛfa mbakyembakyemuɛ ne sundidua bɛba, bɔ otia ngyerɛkyerɛ bɔ ɛmɔasua ne. Ɛmɔhwe ɛmɔ nwo befi bɛ nwo!

1 Korintofoɛ 10:12

Yiti ma ebiala bɔ ɔdwene kyɛ ogyi berɛ ne ɔ́nea yé ná wamvi ase.

1 Korintofoɛ 8:9

Nakoso ɛ́mɔnea yé ná sɔ fawɔnwodi bɔ ɛmɔle ye wɔ ɛhe nwo ne, wanyɛ sundidua wamma bɛ bɔ bɛyɛ mmerɛ ne.

2 Korintofoɛ 10:5

Yɛfa yɛdi ngonim wɔ aporowaasulɛ nu ne nikyee biala bɔ ɔma ye nwo so tia Nyameɛ nwo nimdeɛ so, na yɛkakyi sona biala adwene maa ɔyɛ sotie ma Kristo.

Galatiafoɛ 1:14

Na nyane ngɔsoɛ wɔ Yudasom nu ndrale Yudafoɛ pee bɔ me ne bɛ bɔ tipɛen, na nzɔle me nana mɔ amammerɛ ne anu serɛserɛ.

Galatiafoɛ 4:3

Sɔ ala yeɛ né yɛte ɔ: mmerɛ bɔ né yɛte ngwadaa ne, bɛfale yɛ bɛyɛle ngoaa bewurale ewiase sunzum tumi bo.

Galatiafoɛ 4:9

Nakoso kekesaala ye bɔ ɛmɔanwu Nyameɛ ye, anaa Nyameɛ anwu ɛmɔ ye de, nzu ati yeɛ ɛmɔsa bɛ si bieku bɛkɔ sunzum mɔ bɔ bɛyɛ mmerɛ na bɛ nwo anwumvoin berɛ, na ɛmɔpena kyɛ ɛmɔkɔyɛ bɛ ngoaa bieku ɔ?

Galatiafoɛ 5:15

Nakoso sɛ ɛmɔkeka ná ɛmɔpurapura ɛmɔ nwo de a, ɛ́mɔnea yé ná ɛmɔangukũ ɛmɔ nwo.

Ɛfesofoɛ 2:2

bɔ daa ne, ɛmɔbɔle ɛmɔ bra kyɛbɔ wiase brabɔlɛ te ɔ, bɔ ɛmɔlili ewienu tumi panyi ne si, bɔ ɔte sunzum bɔ kekesaala ye odi dwumaa wɔ asoserɛfoɛ nu ne.

Ɛfesofoɛ 4:20

Nakoso ɛmɔ de, nna sɔ yeɛ ɛmɔasuasua Kristo ɔ.

Ɛfesofoɛ 5:6

Nnɛmɔma ebiala fa edwirɛ mbaen mbaen lakalaka ɛmɔ, ofikyɛ sɔ nningyein nemɔ ati yeɛ Nyameɛ ahonehulɛ ba asoserɛfoɛ so ɔ.

Deuteronomi 6:12

nea yé né wɔ wora amvi AWURADE bɔ ɔyele wɔ fili Misraim aseɛ so, fili ngoaasolɛ nu ne.

Filipifoɛ 3:2

Ɛ́mɔnea ɛmɔ nwo yé wɔ ngyea nemɔ nwo; ɛ́mɔnea ɛmɔ nwo yé wɔ adwumayɔlɛfoɛ bɔnefoɛ nemɔ nwo, ɛ́mɔnea ɛmɔ nwo yé wɔ bienzuapɛlɛfoɛ nemɔ ne.

Kolosefoɛ 2:18

Nnɛmɔma sona biala bɔ ɔpati brɛ ye nwo ase, bɔ ɔsɔne abɔfo mɔ, bɔ ɔnwa wanya nyekyire, bua ɛmɔ foɛ; ofikyɛ ye adwene mbaen yeɛ ɔfa tu ye nwo yɔ sɔ ɔ.

Kolosefoɛ 2:20

Sɛ ɛmɔ ne Kristo banya bawu bafi wiase sunzum nu ngyerɛkyerɛ nu a, nzu ati yeɛ ɛmɔbɔ ɛmɔ bra kyɛ ɛmɔtɛwɔ wiase ɔ? Nzu ati yeɛ ɛmɔdi ahyɛdeɛ sɔaa mɔ so ɔ:

Kolosefoɛ 2:22

Na ɛhemɔ te nningyein bɔ bɛfa bedi dwumaa ɔsɛkye ɔ, yeɛ bɛpɛ nu bɛkɔ; ofikyɛ bɛte kuro sona ahyɛdeɛ ne ngyerɛkyerɛ.

Kolosefoɛ 2:23

Osoma kyɛ nworɛ wɔ sɔ ngyerɛkyerɛ ne anu, bɔ ɔma sona sɔ ɛsom nu kateree ɔ, bɛpati bɛyɛ anwobrɛaseɛ, na bɛhyɛ nipadua ne anyeborolɛ; nakoso mvasoɛ biala nne ɛhemɔ so, yeɛ bɛngora benzi anwoɔnaen nu akɔnnɔ atee.

1 Timoteo 6:20

O Timoteo, nea bɔ bafa bawura wɔ sa ne aso yé. Twe wɔ nwo fi edwudwolɛ fiɛ ne aporowaasulɛ mbaen mbaen bɔ bɛyɛ mvomsoɛ bebu ye kyɛ ɔte nimdeɛ ne nwo.

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.

Hebrifoɛ 13:9

Onni kyɛ ɛmɔma ngyerɛkyerɛ foforɛ ahoroɔ biala twe ɛmɔ fi atee paa ne aso, ofikyɛ ɔte paa kyɛ Nyameɛ adom ne yeɛ ɔhyɛ y’ahone nguraen ɔ, na nna aleɛ bɔ mmenia bɔ bedi ne bennya ye nwo mvasoɛ biala hɔ ɔ.

Hebrifoɛ 3:12

Aliɛmaa mɔ, ɛmɔnea yé na ɛmɔ nu biala annya adwene tɛɛ bɔ ɔmma onne nni ɔ, na wandwe ye nwo wamvi Nyameɛ teasefoɛ ne nwo.

1 Petro 1:18

Ofikyɛ ɛmɔse kyɛ, bra fiɛ bɔ ɛmɔ nana mɔ fa yakyili ɛmɔ ne, nna nningyein bɔ bɛporɔ te kyɛ ɛdwetɛ anaa sikaa kɔkorɛ yeɛ bɛfa bɛyɛle ɛmɔ ti nyɔboɛ bɛpɔle ɛmɔ befili nu ɔ,

2 Petro 3:17

Yiti aliɛmaa mɔ, ɛmɔse ɛhemɔ dada, yiti ɛ́mɔla ɛmɔ nwo so, ná mmeraatolɛfoɛ mvomsoɛ ne wandwetwe ɛmɔ wangɔ, ná ɛmɔamvi ase bamvi nekaa bɔ ɛmɔatindim ne.

2 Yohane 1:8

Ɛ́mɔnea ɛmɔ nwo yé, amaa bɔ ɛmɔafɛ banya ye ne wamvi ɛmɔ sa, na mmom ɛmɔanya ye nwo akatuaa mukoraa.