Kolosefoɛ 2:4 - AHYERƐLƐ KRONGRON

⁴ Meka ɛhe kyɛbɔ ebie ngɔbobɔ ye noa nu ngɔfa ngɔlakalaka ɛmɔ ɔ.

Kolosefoɛ 2:4 Iomraidhean Croise

Mateo 24:24

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mbiri mbiri, bɔ ɔkɔhora kɔwa kyɛ, bɛkɔlakalaka bɛ bɔ Nyameɛ aneanea nu waye bɛ ne po.

Mateo 24:4

Na Yesu buale bɛ kyɛ, “Ɛ́mɔnea yé ná ebiala annakalaka ɛmɔ.

Marko 13:22

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mɔ, na sɛ ɔkɔyɛ yee a, bɛkɔlakalaka bɛ bɔ Nyameɛ aneanea nu waye bɛ ne po.

Asomafoɛ 20:30

Asa koso, ɛmɔ bɔbɔ bɛ nu mmenia ne bie kodwɔso ná baha ngondombo dwirɛ bafa bahwe agyidifoɛ ne bie bali bɛ si.

1 Korintofoɛ 2:4

Mamva sona nworɛ ne tetateta yeɛ ngane me dwirɛ ná nyɔle me ngyerɛkyerɛ ɔ; na mmom mvale Sunzum ne ɔne tumi yeɛ nyɔle adwuma ɔ,

2 Korintofoɛ 11:3

Nakoso mesuro kyɛ, kyɛbɔ ewoo ne fale anyeteɛ nworɛ lakalakale Hawa nen, sɔ ala yeɛ bɛkɔsɛkye ɛmɔ adwene maa ɛmɔkɔhwe bɛ nwo bekofi Kristo bɔ ɛmɔafa bɛ nwo bama ye nahorɛ nu ne anwo ɔ.

Galatiafoɛ 2:4

Na aliɛmaa mɔ ngondombofoɛ bɛfeafeale bɛ nwo bɛwale berɛ bie kyɛ bɛbaatetɛ bɛpena yɛ fawɔnwodi bɔ yanya ye wɔ Kristo Yesu nu ne nwo ate, na bamaa yaawura ngoaasolɛ nu.

Ɛfesofoɛ 4:14

amaa ɔnate so yangɔ so yanyɛ ngwadaammaa bɔ ngyerɛkyerɛ mvrama biala ɔbɔ bɛ papapapa fa bɛ di akɔneaba ɔ, mmenia nnakannaka nu, bɔ bɛfa kanda nworɛ so bɛdɛɛdɛɛ ne.

Ɛfesofoɛ 4:17

Yiti mesi ɛhe pi, ná medi adanzeɛ wɔ Awurade nu, kyɛ nnɛma ɛmɔbɔ ɛmɔ bra ko kyɛbɔ Amaenmaensofoɛ ngaa nemɔ bɛyɔ ye wɔ b’adwene mbaen mbaen nu ne.

Ɛfesofoɛ 5:6

Nnɛmɔma ebiala fa edwirɛ mbaen mbaen lakalaka ɛmɔ, ofikyɛ sɔ nningyein nemɔ ati yeɛ Nyameɛ ahonehulɛ ba asoserɛfoɛ so ɔ.

Kolosefoɛ 2:18

Nnɛmɔma sona biala bɔ ɔpati brɛ ye nwo ase, bɔ ɔsɔne abɔfo mɔ, bɔ ɔnwa wanya nyekyire, bua ɛmɔ foɛ; ofikyɛ ye adwene mbaen yeɛ ɔfa tu ye nwo yɔ sɔ ɔ.

Kolosefoɛ 2:8

Ɛ́mɔnea yé ná ebiala amva ewiase nworɛ ne nnakannaka mbaen bɔ ɔnate tetesɛm ne wiase sunzum nu dwirɛ ngyerɛkyerɛ so, bɔ ɔnnate Kristo so ɔ wamva ɛmɔ wanyɛ ngoaa.

2 Timoteo 2:16

Twe wɔ nwo fi edwirɛ mbaen mbaen bɔ ye nwo nde ɔ nwo, ofikyɛ odiedie mmenia fa bɛ kɔ musue nu.

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.

1 Yohane 2:18

Me mma mɔ, ayieleɛ mmerɛ ne apingye. Na kyɛbɔ ɛmɔate ye daa kyɛ antikristo ne ɔ́ba ne, sɔ ala yeɛ kekesaala ye antikristo pee bawa ɔ; na ɛhe maa yɛnwu ye kyɛ ayieleɛ ne ala ɛne.

1 Yohane 2:26

Bɔ mekyerɛ mebrɛ ɛmɔ ye fa bɛ bɔ bɛlakalaka ɛmɔ ne nwo.

1 Yohane 4:1

Aliɛmaa mɔ, nna sunzum biala yeɛ ɔsɛ kyɛ ɛmɔde ye bedi ɔ, na mmom ɛmɔso sunzum nemɔ bɛnea sɛ aso bɛte Nyameɛ deɛ anaa; ofikyɛ ngondombo ngɔmhyɛlɛfoɛ pee badwɔso wɔ wiase.

2 Yohane 1:7

Ofikyɛ nnakannakafoɛ pee bawa wiase, na bɛ yeɛ benne bɛndo nu kyɛ Yesu Kristo awa anwoɔnaen nu waayɛ kuro sona ɔ. Na sona biala bɔ ɔyɔ sɔ ne, ɔte ngondomboniɛ ne antikristo.

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.

Nyekyire 13:8

Na bɛ bɔ bɛte aseɛ so amukoraa bɛkɔkoto ye: bɛ bɔ bamvi wiase bohyɛlɛ bangyerɛ bɛ dumaa wɔ Boaen Ba bɔ behuni ye ne ngoa nwomaa ne anu ne.

Nyekyire 20:3

na ofindini ye tole aseɛ bo dɔ kumaa kuronguronn ne anu, ɔtole ye nu, na ɔfale nzɔanoɛ tale ye noa, kyɛbɔ ɔkɔyɛ bɔ ɔngɔlakalaka maen maen mɔ ko kɔpem kyɛ afoɛ apee ko ne kɔso ɔ. Nakoso ɛhe asi ne, odi kyɛ bɛyakyi ye mmerɛ kãa bie.

Nyekyire 20:8

na okofite kɔwa kɔɔlakalaka maen maen mɔ bɔ bɛwɔ aseɛ ndweasoɛ nna ne aso: Gɔgo ne Magɔgo, kyɛ ɔboaboa bɛ noa maa bɛkɔ koɛ; na bɛ somaa te kyɛ mboanoa anweaa.