Kolosefoɛ 2:3 - AHYERƐLƐ KRONGRON

³ Na ye nu yeɛ bafa nworɛ ne nimdeɛ agyapadeɛ mukoraa basie ɔ.

Kolosefoɛ 2:3 Iomraidhean Croise

1 Ahemvo 3:28

Yisrael amukoraa tele ndɛen bɔ Nana Solomon buale ne, na ye nwo yɛle bɛ nwanwa, ofikyɛ benwuni kyɛ Nyameɛ nworɛ wɔ ye nu bɔ ɔfa bua ndɛen turoloo ɔ.

YOB NWOMAA NE 28:21

Bafa bafea bɔ ateasefoɛ amukoraa bɛ nye nnwu ye ɔ, yeɛ bakata so bɔ ewienu nnomaa bennwu ye ɔ.

Anyandera 2:4

sɛ ɛpena ye si atee kyɛbɔ ɛpena ɛdwetɛ, ná ɛpena ye kyɛ agyapadeɛ bɔ bafa bafea ɔ hɔ a,

Yesaya 11:2

AWURADE Sunzum kɔwa ye so, nworɛ ne ndeaseɛ sunzum, foɛtulɛ ne tumi sunzum, nimdeɛ ne AWURADE surolɛ sunzum.

Yesaya 40:14

Nwa yeɛ Nyameɛ ne ye baatu agyina wapena adwene ɔ, nwa yeɛ ohyirele ye pɛpɛɛpɛyɛlɛ atee ne ɔ? Nwa yeɛ ohyirele ye nimdeɛ ɔ, nwa yeɛ ohyirele ye ndeaseɛ atee ne ɔ?

Mateo 10:26

“Yiti nnɛma ɛmɔsuro bɛ, ofikyɛ nikyee biala nne berɛ bɔ so akata bɔ ye nwo ngɔla berɛ ɔ, anaa bɔ ɔwɔ mvealeɛ nu bɔ bengonwu ye ɔ.

Luka 11:49

Na ɛhe ati koso yeɛ Nyameɛ Nworɛ ne kã kyɛ, ‘Ngɔsoma ngɔmhyɛlɛfoɛ ne asomafoɛ maa bɛkɔhɔ bɛ berɛ; na bekohu biemɔ, ná batane ebiemɔ anye.’

Romanfoɛ 11:33

O! Nyameɛ anwonya ne ye nworɛ ne ye nimdeɛ nu pi! Nwa yeɛ ɔkɔhora kohyirehyire ye porɛ bɔ wabɔ nu ɔ? Nwa yeɛ ɔse ye atee bɔ ɔfa so yɔ ye nningyein, anaa nwa yeɛ ɔkɔte ye bo koyie ɔ?

1 Korintofoɛ 1:24

Na bɛ bɔ bafrɛ bɛ ne de, Yudafoɛ oo, Helafoɛ oo, Kristo te Nyameɛ tumi ne ye nworɛ ma bɛ.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

Ɛfesofoɛ 1:8

na ɔmaa ɔbole so mane yɛ wɔ nworɛ ne nimdeɛ amukoraa nu.

Kolosefoɛ 1:19

Na ɔsɔle Nyameɛ nye kyɛ ye sue ne amukoraa kɔtena Kristo nu ɔ.

Kolosefoɛ 1:28

Ye yeɛ yɛbɔ ye nwo dawure ɔ, na yɛbɔ kuro sona biala kɔkɔ, yɛfa nworɛ mukoraa yɛkyirekyire sona biala, amaa ɔnate so yafa sona biala yawa Kristo nyunu wɔ pɛpɛɛpɛyɛlɛ nu.

Kolosefoɛ 1:9

Ɔnate ɛhe ati, ofi kyẽa bɔ yɛtele sɔ dwirɛ ne ɔ, yɛyyakyili ɛmɔ nwo mbaeɛbɔlɛ le. Na yɛsrɛ kyɛ ɔma ɛmɔnya ye apɛdeɛ nwo nimdeɛ mmorosoɛ wɔ sunzum nu nworɛ ne ndeaseɛ amukoraa nu.

Kolosefoɛ 3:16

Ɛ́mɔma Kristo dwirɛ ne oyi ɛmɔ nu tɛkyɛ, ɛmɔhyirehyire ná ɛ́mɔfa nworɛ mukoraa betutu ɛmɔ nwo foɛ. Ɛ́mɔto sangoo dwein, ayɛyelɛ dwein, ɔne sunzum nu dwein bɔ ɔte ahone nu asennaa bɛ́ma Nyameɛ.

Kolosefoɛ 3:3

Ofikyɛ ɛmɔawu, na bafa ɛmɔ ngoa ne Kristo basie Nyameɛ nu.

2 Petro 1:5

Na ye sɔ ne ati, ɛ́mɔbɔ mmɔden bɛ́fa bra paa bɛ́foa ɛmɔ gyidie so; ɛ́mɔfa nimdeɛ bɛfoa bra paa so;

Nyekyire 2:17

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye mvealeɛ nu mana ne bie maa okoli, na ngɔma ye nyɔboɛ fufue, na nyɔboɛ ne aso yeɛ bahyerɛ dumaa foforɛ bɔ ebiala nze bagua ɔ, sana sona bɔ onya ye ne angome.’