Kolosefoɛ 2:23 - AHYERƐLƐ KRONGRON

²³ Osoma kyɛ nworɛ wɔ sɔ ngyerɛkyerɛ ne anu, bɔ ɔma sona sɔ ɛsom nu kateree ɔ, bɛpati bɛyɛ anwobrɛaseɛ, na bɛhyɛ nipadua ne anyeborolɛ; nakoso mvasoɛ biala nne ɛhemɔ so, yeɛ bɛngora benzi anwoɔnaen nu akɔnnɔ atee.

Kolosefoɛ 2:23 Iomraidhean Croise

Romanfoɛ 13:14

Na mmom ɛ́mɔfa Awurade Yesu Kristo akodeɛ ne bewura, yeɛ nnɛma ɛmɔdi anwoɔnaen akɔnnɔ si bɛyɔ ye apɛdeɛ bɛma ye.

Ɛfesofoɛ 5:29

Na ebiala nne berɛ bɔ ɔpɔ ye bɔbɔ ye nwonaen ɔ, na mmom ɔma ye aleɛ, ɔnea so yé, kyɛbɔ Kristo koso ɔyɛ asɔre nen.

Kolosefoɛ 2:18

Nnɛmɔma sona biala bɔ ɔpati brɛ ye nwo ase, bɔ ɔsɔne abɔfo mɔ, bɔ ɔnwa wanya nyekyire, bua ɛmɔ foɛ; ofikyɛ ye adwene mbaen yeɛ ɔfa tu ye nwo yɔ sɔ ɔ.

Kolosefoɛ 2:22

Na ɛhemɔ te nningyein bɔ bɛfa bedi dwumaa ɔsɛkye ɔ, yeɛ bɛpɛ nu bɛkɔ; ofikyɛ bɛte kuro sona ahyɛdeɛ ne ngyerɛkyerɛ.

Kolosefoɛ 2:8

Ɛ́mɔnea yé ná ebiala amva ewiase nworɛ ne nnakannaka mbaen bɔ ɔnate tetesɛm ne wiase sunzum nu dwirɛ ngyerɛkyerɛ so, bɔ ɔnnate Kristo so ɔ wamva ɛmɔ wanyɛ ngoaa.

1 Timoteo 4:3

Bɛ yeɛ bɛbera agyaa, ná bɛhyɛ kyɛ sona otua aleɛ bɔ Nyameɛ bɔle kyɛ bɛ bɔ bede bedi, ná banwu nahorɛ ne bɛfa asennaa beli ɔ.

1 Timoteo 4:8

ofikyɛ anwoɔnaen nu mmɔdenbɔlɛ nwo le mvasoɛ kãa de, nakoso nyamesom paa nwo le mvasoɛ wɔ nikyee biala nu, na ole kekesaala ye ngoa ɔne ngoa bɔ ɔbaawa ne nwo bɔhyɛ.