Kolosefoɛ 2:18 - AHYERƐLƐ KRONGRON

¹⁸ Nnɛmɔma sona biala bɔ ɔpati brɛ ye nwo ase, bɔ ɔsɔne abɔfo mɔ, bɔ ɔnwa wanya nyekyire, bua ɛmɔ foɛ; ofikyɛ ye adwene mbaen yeɛ ɔfa tu ye nwo yɔ sɔ ɔ.

Kolosefoɛ 2:18 Iomraidhean Croise

Gyenesise 3:13

Na AWURADE Nyameɛ bisale braa ne kyɛ, “Nzikyɛ nikye yeɛ ayɔ ye?” Na braa ne buale kyɛ, “Ewoo ne yeɛ ɔlakalakale me maa nnili ɔ.”

YOB NWOMAA NE 38:2

“Sona beni ɛne, bɔ nimdeɛ nne ye dwudwolɛ nu, bɔ ɔfa sɛkye me nhyehyɛleɛ ye?

Yesaya 57:9

Etuli atee ɛɛfale anaatere mane Moleke, ɛfale ayirefona pee yɛle wɔ nwo; ɛsomane wɔ bɔfoɛ mɔ maa bɛhɔle dedeede, na ɛsomane bɛ maa bɛhɔle ɛborɔ po.

Hesekiel 13:3

AWURADE Nyameɛ nwa nyoo: Musue to ngɔmhyɛlɛfoɛ ngwaseafoɛ bɔ bɛ bɔbɔ bɛ sunzum diedie bɛ, wɔ aberɛ bɔ bennwuni huu ɔ!

Daniel 11:38

Ɔkɔfa anidie kɔma nyameɛ bie bɔ ɔbɔ nguro mɔ nwo waen ɔ mmom okosi bɛ gya nu. Na nyameɛ bie bɔ ye nana mɔ bɛnze ye ne, ɔkɔfa sikaa kɔkorɛ ne ɛdwetɛ, nyɔboɛ bɔ ye nyɔboɛ yɛ se ɔ, ɔne mbembenanneɛ yeɛ okoli ye ni ɔ.

Numeri 25:18

ofikyɛ bɛnate nnakannaka so baha ɛmɔ. Balakalaka ɛmɔ wɔ edwirɛ hemɔ anwo: Baal Peɔ sɔnenɛ nwo, yeɛ b’eliɛma brasua Kosibi bɔ ɔte Midian panyi bie awa ne anwo. Kyẽa bɔ Peɔ sɔnenɛ hwene amaneɛ wale ne yeɛ behuni Kosibi ɔ.”

Mateo 24:24

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mbiri mbiri, bɔ ɔkɔhora kɔwa kyɛ, bɛkɔlakalaka bɛ bɔ Nyameɛ aneanea nu waye bɛ ne po.

Romanfoɛ 1:25

Ofikyɛ nahorɛ bɔ ɔfa Nyameɛ nwo ne bɛfa bɛsesane ngondombo. Bɛsɔnene na bɛsole abɔdeɛ, na bɛyakyili Ɛdangama Nyameɛ bɔ saleɛ te ye deɛ afebɔɔ ne! Amen.

Romanfoɛ 16:18

Ofikyɛ sɔ mmenia nemɔ bɛnzo y’Awurade Kristo, na mmom bɛso bɛ bɔbɔ bɛ ko. Na bɛfa bɛ noa dwirɛ fɛɛ ne anoanubobɔlɛ bɛlakalaka mmenia bɔ b’adwene te nganga ɔ.

1 Korintofoɛ 13:4

Ɔdɔ le aboterɛ, na ye ti anu yɛ mmerɛ; ɔdɔ de, ɔtte ahoɔyea, ongyire ye nwo, na ɔmmoma ye nwo so.

1 Korintofoɛ 3:3

Ofikyɛ ɛmɔ brabɔlɛ tɛte kyɛ ewiasefoɛ abrabɔ. Na aberɛ bɔ anyeboroborolɛ ne apindapinda wɔ ɛmɔ afia ye de, aso ɛhe ngyire kyɛ ɛmɔte anwoɔnaenufoɛ bɔ ɛmɔ yɔleɛ te kyɛ ewiasefoɛ ɔ?

1 Korintofoɛ 4:18

Ɛmɔ nu biemɔ di tutureasɛm kyɛ gyamea mengɔɔsra ɛmɔ.

1 Korintofoɛ 4:6

Aliɛmaa mɔ, ɛmɔ ti yeɛ mafa me ne Apolo yɛ nwo mayɛ mvandoho ye, amaa ɛmɔasua yɛ, ná ɛmɔammu bɔ bahyerɛ bato berɛ ne aso, ná ɛmɔ nu biala wamva sona bie wanhoahoa ye nwo wambɛ sona foforɛ poa.

1 Korintofoɛ 8:1

Afei, ɔfa bosoen so aleɛ nwo dwirɛ de, yɛse kyɛ yɛ mukoraa yɛle nimdeɛ. Nimdeɛ ma sona moma ye nwo so, nakoso ɔdɔ de ɔma ngɔsoɛ.

1 Korintofoɛ 9:24

Ɛmɔnze kyɛ amirikatulɛfoɛ betu amirika a, ebiala pere kyɛ okoli ngonim ɔ, nakoso bɛ nu ko yeɛ onya ngonim abasobɔdeɛ ne ɔ? Yiti ɔsɛ kyɛ ɛmɔtu amirika ne kyɛ ɛmɔkonya abasobɔdeɛ ne ɔ.

2 Korintofoɛ 11:3

Nakoso mesuro kyɛ, kyɛbɔ ewoo ne fale anyeteɛ nworɛ lakalakale Hawa nen, sɔ ala yeɛ bɛkɔsɛkye ɛmɔ adwene maa ɛmɔkɔhwe bɛ nwo bekofi Kristo bɔ ɛmɔafa bɛ nwo bama ye nahorɛ nu ne anwo ɔ.

2 Korintofoɛ 12:20

Na mesuro ye si kyɛ sɛ meba a, ngoonwu ɛmɔ wɔ atee bɔ menguro so, ná ɛmɔ koso ɛmɔanwu me wɔ atee bɔ ɛmɔnguro so. Ebiaa ngɔɔto ɛmɔ ne ngondii, ahoɔyea, ɛyaafɛlɛ, pɛsɛmangomenya, bɛ gya ndii nu pepɛlɛ, nzekure, anwomasoɛ ne basabasayɔlɛ nu.

Ɛfesofoɛ 4:17

Yiti mesi ɛhe pi, ná medi adanzeɛ wɔ Awurade nu, kyɛ nnɛma ɛmɔbɔ ɛmɔ bra ko kyɛbɔ Amaenmaensofoɛ ngaa nemɔ bɛyɔ ye wɔ b’adwene mbaen mbaen nu ne.

Ɛfesofoɛ 5:6

Nnɛmɔma ebiala fa edwirɛ mbaen mbaen lakalaka ɛmɔ, ofikyɛ sɔ nningyein nemɔ ati yeɛ Nyameɛ ahonehulɛ ba asoserɛfoɛ so ɔ.

Deuteronomi 29:29

“Mvealeɛ nu dwirɛ te AWURADE yɛ Nyameɛ deɛ, nakoso edwirɛ bɔ wala ye ali ne de, ɔte yɛ ne yɛ mma mɔ deɛ afebɔɔ, amaa ɔnate so yali mmeraa he anu dwirɛ amukoraati so.

Filipifoɛ 3:14

Mepere mekɔ me nyunu kyɛ ngodwu botaeɛ ne anwo ngonya ngonimlilɛ abasobɔdeɛ ne, bɔ ɔte anwuro frɛlɛ bɔ Nyameɛ nate Yesu Kristo so wafrɛ me ne.

Kolosefoɛ 2:23

Osoma kyɛ nworɛ wɔ sɔ ngyerɛkyerɛ ne anu, bɔ ɔma sona sɔ ɛsom nu kateree ɔ, bɛpati bɛyɛ anwobrɛaseɛ, na bɛhyɛ nipadua ne anyeborolɛ; nakoso mvasoɛ biala nne ɛhemɔ so, yeɛ bɛngora benzi anwoɔnaen nu akɔnnɔ atee.

Kolosefoɛ 2:4

Meka ɛhe kyɛbɔ ebie ngɔbobɔ ye noa nu ngɔfa ngɔlakalaka ɛmɔ ɔ.

Kolosefoɛ 2:8

Ɛ́mɔnea yé ná ebiala amva ewiase nworɛ ne nnakannaka mbaen bɔ ɔnate tetesɛm ne wiase sunzum nu dwirɛ ngyerɛkyerɛ so, bɔ ɔnnate Kristo so ɔ wamva ɛmɔ wanyɛ ngoaa.

1 Timoteo 1:7

bɔ bekuro kyɛ bɛyɛ mmeraa akyerɛkyerɛfoɛ, nakoso edwirɛ bɔ bɛkã ne, ɔne nningyein bɔ besi bɛ hue bɛkã bɛ nwo dwirɛ ne, bɛnde bɛ bo ɔ.

1 Timoteo 4:1

Sunzum ne kã ye pefee kyɛ mmerɛ bɔ oli nziɛ ne anu, ebiemɔ koli makyebu bekofi gyidie ne anwo bekooli ngondombo sunzum mɔ ne sunzummɔne mɔ ngyerɛkyerɛ si,

2 Petro 2:14

Bele agyaasɛkyelɛ anyeɛ, bɔ ɔyɔ bɔne a ɔnde ye ɔ, bɛlakalaka akra bɔ bennya bettirale ndii ɔ, balɔ asukɔ wɔ adifuu nu. Bɛte mmenia bɔ banoma bɛ ɔ!

1 Yohane 2:26

Bɔ mekyerɛ mebrɛ ɛmɔ ye fa bɛ bɔ bɛlakalaka ɛmɔ ne nwo.

Nyekyire 12:9

Yiti betuli sasrabɔnzam kandinga ne befili berɛ, sɔ daa tetetete ewoo ne, bɔ bɛfrɛ ye Abɔnzam ne Satan ne, bɔ ɔlakalaka wiase amukoraa ne; befindini ye bɛtole aseɛ so, na befindini ye ne ye abɔfo mɔ yeɛ bɛtole ɔ.

Nyekyire 13:14

Na nzɛngyerɛnneɛ bɔ wanya ye nwo tumi kyɛ ɔyɔ ye wɔ kaka ne nyunu ne, ɔfa so lakalaka bɛ bɔ bɛte aseɛ so ɔ; na ose bɛ bɔ bɛte aseɛ so ɔ kyɛ, bɛ́yɔ ohoni bɛma kaka bɔ ngrandɛ apura ye, nakoso ɔtɛ te ase ne.

Nyekyire 13:8

Na bɛ bɔ bɛte aseɛ so amukoraa bɛkɔkoto ye: bɛ bɔ bamvi wiase bohyɛlɛ bangyerɛ bɛ dumaa wɔ Boaen Ba bɔ behuni ye ne ngoa nwomaa ne anu ne.

Nyekyire 19:10

Yeɛ mvale me nyunu mmutuli ase wɔ ye gya bo kyɛ mesɔne ye, nakoso osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ bɔ betira Yesu adanzeɛ ne anu ne. Sɔne Nyameɛ! Ofikyɛ Yesu adanzeɛ ne, ye ole ngɔmhyɛlɛ sunzum ne.”

Nyekyire 3:11

Méba ndɛndɛ, yiti sɔ bɔ anya ye ne anu yé, ná ebiala anne w’abotire ne.