Kolosefoɛ 2:16 - AHYERƐLƐ KRONGRON

¹⁶ Yiti nnɛmɔma ebiala bua ɛmɔ ndɛen fa aleɛ anaa anonneɛ, anaa aluolue, anaa ɛsraen foforɛ anaa afofingyẽa nwo.

Kolosefoɛ 2:16 Iomraidhean Croise

2 Ahemvo 4:23

Ohu bisale kyɛ, “Ɛnɛ kyẽa ye, nna ɛsraen foforɛ aluolue kyẽa ɔ, yeɛ nna afofikyẽa ɔ, nzu ati yeɛ ɛkɔ ye berɛ ɔ? Na braa ne buale kyɛ, “Ɔte bɔkɔɔ”

1 Aberɛso Dwirɛ 23:31

Afei odi kyɛ bɛyɔ sɔ mmerɛ biala bɔ bɛbɔ naen yeralɛ afɔleɛ bɛma AWURADE ɔ: afofikyẽa, ɛsraen foforɛ, ɔne aluolue amukoraa bɔ bahyehyɛ ɔ. Lewifoɛ somaa bɔ bɛ nwo kohia ne, odi kyɛ bɛyɔ adwuma ne wɔ AWURADE nyunu daa.

2 Aberɛso Dwirɛ 31:3

Nningyein bɔ Nana Hesekia ye fili ye bɔbɔ ye agyapadeɛ nu mane ne, ɔnwa bɛ́fa bɛ́bɔ naen yeralɛ afɔleɛ hemɔ: ngyerɛmɔ naen yeralɛ afɔleɛ ne nɔsoa deɛ, afofikyẽa naen yeralɛ afɔleɛ ne ɛsraen foforɛ naen yeralɛ afɔleɛ, ɔne aluolue bɔ bahyehyɛ bato berɛ nemɔ bɛ naen yeralɛ afɔleɛ, kyɛbɔ bahyerɛ ye wɔ AWURADE mmeraa ne anu ne.

Nehemia 10:31

Na aseɛ ne aso ama, sɛ bɛfa bɛ nningyein anaa b’aleɛ biala bɛba kyɛ bɛbayɛ ye atɔen afofikyẽa a, yɛngɔtɔ ngofi bɛ brɛ afofikyẽa anaa kyẽa krongron biala. Afei, afoɛ bɔ ɔtɔ so nzoo ne, yɛngɔyɛ boo wɔ aseɛ ne aso. Afei yɛkɔfa kerɛ biala bɔ ebiala ma yɛ ɔ yɛkɔhyɛ ye.

Nehemia 10:33

paanoo krongron, daa daa aburoo afɔleɛ, daa daa naen yeralɛ afɔleɛ, afofingyẽa mɔ, ɛsraen foforɛ aluolue, aluolue bɔ bahyehyɛ bato berɛ nemɔ, akyɛdeɛ krongron ne, bɔnefakyɛ afɔleɛ bɔ bɛfa bɛyɛ mbata bɛma Yisrael ne, yeɛ yɛ Nyameɛ awuro ɛsɔnenɛ adwuma ne amukoraa.

Nehemia 8:9

Yeɛ Nehemia bɔ né ɔte amrado ne, ɔne ɔsɔfo Ɛsra bɔ ɔte ahyerɛlɛniɛ ne, bɛ ne Lewifoɛ bɔ behyirehyirele edwirɛ ne anu behyirele mmenia nemɔ ne, besele maen ne amukoraa kyɛ, “Ɛnɛ kyẽa ye, ɔte krongron ma AWURADE ɛmɔ Nyameɛ; nnɛma ɛmɔdi aworabɔlɛ, yeɛ nnɛma ɛmɔsu.” Ofikyɛ maen ne amukoraa bɛtele mmeraa ne anu dwirɛ ne, besuni.

Edwein 42:4

Mekaye sɔ dwirɛ hemɔ a, né me kra wora abɔ: kyɛbɔ me ne ɛlɔen ne yɛhɔle, ɛlɔen kandinga bɔ bedi aluolue ne, bɔ nne esebɔlɛ ne asennaa dwein, nnili folii ne nyunu ngɔle Nyameɛ awuro ne.

Edwein 81:3

Ɛmɔhu totorobɛndo wɔ ɛsraen foforɛ aluolue ne, mmerɛ bɔ ɛsraen kɔyɛ mumua ne, wɔ y’aluolue kyẽa ne.

Yesaya 1:13

Ɛmɔ afɔleɛ mbaen mbaen ne, nnɛma ɛmɔfa bɛba ko, ɛyɛɛ ne te m’akyiwadeɛ. Ɛsraen foforɛ ne afofikyẽa aluolue ne, ɔne ɛmɔ dwaabɔlɛ ne, nyianu krongron ne po, ɔte amumuyɛɛ, mengɔhora ngɔgyegye so.

Hesekiel 4:14

Yeɛ nzele kyɛ, “Ao, AWURADE Nyameɛ, me kra nwo ogguale fiɛ le; ofi me ngwadaa nu bɔ ɔbaadwu ɛnɛ ɔ, nnnili kaka bɔ ye bɔbɔ wawu ɔ anaa bɔ kaka bie ahye ye ɔ le, yeɛ akyiwadeɛ naen biala ɔhhane me noa le.”

Hesekiel 45:17

Ɛhene ne, ɔte ye asɛdeɛ kyɛ odwu aluolue nemɔ, ɛsraen foforɛ, afofingyẽa nemɔ ne Yisrael awuro ama b’aluolue amukoraa bɔ bahyehyɛ ne a, ɔkɔfa bɔne nwo afɔleɛ, aleɛ afɔleɛ ne anonneɛ afɔleɛ kɔwa ɔ. Ye yeɛ ɔkɔfa bɔne nwo afɔleɛ, aleɛ afɔleɛ, naen yeralɛ afɔleɛ ne asomdwee afɔleɛ bɔ bɛfa bɛpata bɛma Yisrael awuro ama ne kɔwa ɔ.

Lewitikɔso 16:31

Ɔte afofikyẽa bɔ odi mu paa ma ɛmɔ ɔ. Odi kyɛ ɛmɔkye ɛhɔen; ɔte ahyɛdeɛ afebɔɔ.

Amose 8:5

ná ɛmɔkã kyɛ, “Kyinzu yeɛ ɛsraen foforɛ ne kɔpɛ nu maa yɛkɔtɔne aburoo ɔ; yeɛ mmerɛ beni yeɛ afofikyẽa ne kɔpɛ nu kɔhɔ, maa yɛkobukyebukye atokoɔ pata anoa nemɔ ɔ? Yɛkosi olonka ne abo, ná yama sekel ne ayɛ piri, ná yafa tonyi bɔ bawura nu ɔ yasisi mmenia ɔ.

Numeri 10:10

Afei koso, ngyẽa bɔ ɛmɔfa bɛgye bɛ nye, ɔne ɛmɔ aluolue ngyẽa, ɔne kyẽa bɔ bosome kofi ne, ɛ́mɔhu totorobɛndo nemɔ wɔ mmerɛ bɔ ɛmɔbɔ ɛmɔ naen yeralɛ afɔleɛ ɔne ɛmɔ asomdwee afɔleɛ ɔ. Bɛkɔyɛ ngayeɛ nikyee bɛkɔma ɛmɔ wɔ AWURADE ɛmɔ Nyameɛ nyunu: Me ole AWURADE ɛmɔ Nyameɛ.

Mateo 15:11

“Nna bɔ ɔkɔ sona noa nu yeɛ ogua ye nwo fiɛ ɔ, na mmom bɔ ofi sona noa nu ba ne yeɛ ogua ye nwo fiɛ ɔ.”

Marko 7:19

Ofikyɛ ɔngɔ ye ahone nu, na mmom ɔkɔ ye kunu, na ɔsẽ gua yaen nu.” (Ɔhane he fa tele aleɛ mukoraa nwo.)

Asomafoɛ 15:20

Na mmom odi kyɛ yɛkyerɛ krataa yɛkɔma bɛ, kyɛ, onni kyɛ bedi aleɛ biala bɔ bafa babɔ afɔleɛ bama bosoen, bɛhwe bɛ nwo befi adwamanbɔlɛ nwo; yeɛ afei onni kyɛ bedi kaka biala bɔ wawu ye mogya nu, anaakyɛ mogya.

Romanfoɛ 14:10

Na wɔ, nzu ati yeɛ ebua eliɛma ndɛen ɔ? Anaakyɛ wɔ koso, nzu ati yeɛ ebu eliɛma animtia ɔ? Ofikyɛ yɛ mukoraa yɛkogyina Nyameɛ ndɛenbualɛ bia ne nyunu.

Galatiafoɛ 4:10

Ɛmɔbu ngyẽa bie ne bosome biemɔ ne mmerɛ bie ne afoɛ biemɔ kyɛ bedi mu.

Kolosefoɛ 2:20

Sɛ ɛmɔ ne Kristo banya bawu bafi wiase sunzum nu ngyerɛkyerɛ nu a, nzu ati yeɛ ɛmɔbɔ ɛmɔ bra kyɛ ɛmɔtɛwɔ wiase ɔ? Nzu ati yeɛ ɛmɔdi ahyɛdeɛ sɔaa mɔ so ɔ:

Hebrifoɛ 13:9

Onni kyɛ ɛmɔma ngyerɛkyerɛ foforɛ ahoroɔ biala twe ɛmɔ fi atee paa ne aso, ofikyɛ ɔte paa kyɛ Nyameɛ adom ne yeɛ ɔhyɛ y’ahone nguraen ɔ, na nna aleɛ bɔ mmenia bɔ bedi ne bennya ye nwo mvasoɛ biala hɔ ɔ.

Hebrifoɛ 9:10

Ofikyɛ ɔfa aleɛ, anonneɛ, ɔne bɛ nwo petenɛ ahoroɔ ngome nwo; na ɛhemɔ te anwoɔnaen nu nziesie bɔ ɔwɔ berɛ kodwu mmerɛ bɔ Nyameɛ kɔhyehyɛ nikyee biala foforɛ ɔ.

Yakobo 4:11

Aliɛmaa mɔ, nnɛma ɛmɔkekã ɛmɔ nwo dwirɛ tɛɛ. Na ebiala bɔ ɔkã oliɛngo nwo dwirɛ tɛɛ anaa obua ye ndɛen ne, ɔkã mmeraa ne nwo dwirɛ tɛɛ, na obua mmeraa ne ndɛen. Na sɛ ebua mmeraa ne ndɛen a, né ɛnyɔ bɔ mmeraa ne kã ne, na mmom ɛte ye so ndɛenbualɛniɛ.

1 Samuel 20:18

Na Yonatan sele ye kyɛ, “Ɛhema yeɛ ɛsraen kofi maa yɛkɔto poen ɔ, na ebiala konwu ye kyɛ ɛnne berɛ bie, ofikyɛ wɔ bia ne kɔla berɛ mbaen.

1 Samuel 20:5

Yeɛ Dawide buale Yonatan kyɛ, “Ɛhema yeɛ ɛsraen kofi maa yɛkɔto poen ɔ. Na sɛ Nana to poen kyɛ odidi a, ɔnzɛ kyɛ meye me nwo mefi nu. Nakoso ma me ate ma ngɔmvea eburo toonn ma odwu ye ɛlɛsa ne aso nɔsoa.