Kolosefoɛ 2:12 - AHYERƐLƐ KRONGRON

¹² Besiele ɛmɔ ne Kristo wɔ asubɔlɛ nu, na ɔnate ɛmɔ gyidie wɔ Nyameɛ tumi dwumadie bɔ ɔfa tingyele ye fili ewue nu ne ati, batingye ɛmɔ ne ye koso.

Kolosefoɛ 2:12 Iomraidhean Croise

Luka 17:5

Na asomafoɛ nemɔ sele Awurade kyɛ, “Ma yɛ gyidie onyi!”

Asomafoɛ 14:27

Beedwuli berɛ ne, bɛmane asɔre mma ne yiale, na bɛhane nikyee biala bɔ Nyameɛ afa bɛ so wayɔ ɔ behyirele bɛ, ɔne kyɛbɔ wasi wabukye gyidie anoa wama Amaenmaensofoɛ koso ɔ.

Asomafoɛ 2:24

Nakoso Nyameɛ tingyele ye; olele ye fili ewue sa nu, ofikyɛ ɔyɛ se ma ewue kyɛ okonya ye so tumi ɔ.

Asomafoɛ 2:32

“Nyameɛ atingye sɔ Yesu ne wafi ewue nu, na yɛ mukoraa yɛte ɛhe nwo adanzefoɛ.

Romanfoɛ 4:24

Bɛhyerɛ bɛmane yɛ koso. Yɛ bɔ yɛde bɔ otingyele y’Awurade Yesu fili awufoɛ nu yɛdi ne, sɔ ala yeɛ bekobu yɛ gyidie bɛkɔma yɛ ɔ;

Romanfoɛ 7:4

Aliɛmaa mɔ, sɔ ala yeɛ ɛmɔ koso bɛnate Kristo nipadua so ɛmɔawu bama mmeraa ne ɔ, bɔ ɔnate so ebiala te obiɛngo deɛ ɔ, bɔ ɛmɔte bɔ batingye ye bafi ewue nu ne deɛ ɔ, kyɛbɔ ɔkɔyɛ bɔ yɛkosu mmaa yɛkɔma Nyameɛ ɔ.

1 Korintofoɛ 12:13

Ofikyɛ yɛ mukoraa: Yudafoɛ oo, Helafoɛ oo, ngoaa oo, nnehyeɛ oo, Sunzum komapɛ ne ala yeɛ bɛfa bɛbɔle yɛ asu maa yɛɛyɛle nipadua ko ɔ, na Sunzum komapɛ ne ala yeɛ wahwie wagua yɛ mukoraa yɛ so ɔ.

1 Korintofoɛ 15:20

Nakoso ɔte nahorɛ kyɛ batingye Kristo bafi ewue nu amaa wayɛ bɛ bɔ balela ne anu bakaa mmaa bɔ oli moa ɔ.

Galatiafoɛ 3:27

Na ɛmɔ amukoraa bɔ babɔ ɛmɔ asu wɔ Kristo nu ne, ɛmɔafa Kristo bahera.

Ɛfesofoɛ 2:8

Na adom yeɛ bɛnate gyidie so bale ɛmɔ ngoa ɔ, nna bɔ ɛmɔayɔ hɔ ɔ, ɔte Nyameɛ akyɛdeɛ;

Ɛfesofoɛ 3:17

amaa Kristo afa gyidie so watena ɛmɔ ahone nu, ná ɛ́mɔatira ndii batindim wɔ ɔdɔ nu,

Ɛfesofoɛ 3:7

Na nzɛmba he anwo yeɛ bayɛ me somvoɛ ɔ, kyɛbɔ Nyameɛ adom akyɛdeɛ bɔ ɔnate ye tumi adwumayɔlɛ so wafa walo me ne ɔte ne.

Ɛfesofoɛ 4:5

Awurade komapɛ, gyidie komapɛ, asubɔlɛ komapɛ;

Ɛfesofoɛ 5:14

Ɛhe ati yeɛ ɔkã kyɛ, “Wɔ bɔ alafe ne, tingye, ná dwɔso fi awufoɛ nu, na Kristo kɔta kɔma wɔ.”

Filipifoɛ 1:29

Ofikyɛ ɛmɔ de, bafa balo ɛmɔ kyɛ ɔnate Kristo ti, nna kyɛ ɔsɛ kyɛ ɛmɔde ye bedi ngome, na mmom ɔsɛ kyɛ ye ti ɛmɔnwu amaneɛ koso;

Kolosefoɛ 1:29

Na ɛhe anwo yeɛ meyɔ adwuma mefɛ ɔ, na mepere mekɔ me nyunu, kyɛbɔ ye anwoserɛ adwuma bɔ ɔyɔ ye me nu tumi so ne ɔte ɔ.

Kolosefoɛ 2:13

Na ɛmɔ bɔ ahaa né ɛmɔte awufoɛ, ɔnate ɛmɔ mvomsoɛ ne ɛmɔ nwonaen bɔ né bienzuapɛlɛ nne nu ne ati nen, Nyameɛ amaa ɛmɔanya ye ngoa ne bie, na wafa yɛ mvomsoɛ amukoraa wahyɛ yɛ,

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

Hebrifoɛ 6:2

asubɔlɛ ahoroɔ nwo ngyerɛkyerɛ, asaa bɔ bɛfa begua sona so, awufoɛ ewutingyelɛ ne ndɛenbualɛ bɔ olle ayieleɛ ne.

1 Petro 3:21

Na sɔ nzue ne sɛso, ye ole asubɔlɛ bɔ ode ɛmɔ koso ɛmɔ ngoa ɛnɛ ne. Ɔtte anwoɔnaen nu fiɛ nwunzinɛ, na mmom ɔte tiboa paa nwo abisadeɛ bɔ yɛfa Yesu Kristo wutingyelɛ ne aso yɛfa yɛto Nyameɛ nyunu ɔ.