Kolosefoɛ 1:6 - AHYERƐLƐ KRONGRON

⁶ bɔ bɛfa bɛbrɛle ɛmɔ ne anu. Na onyi, yeɛ osu mmaa wɔ wiase amukoraa, kyɛbɔ wasu mmaa wɔ ɛmɔ nu fi kyẽa bɔ ɛmɔtele ná ɛmɔnwuni Nyameɛ adom wɔ nahorɛ nu ne,

Kolosefoɛ 1:6 Iomraidhean Croise

Edwein 110:3

Kyẽa bɔ ekoli wɔ koɛhonɛfoɛ nyunu, wɔ mmokaa krongron nemɔ aso ne, wɔ maen kofia bɛ kunu bekotu bɛ nwo bekosie berɛ, ofi ngyerɛmɔ tutuutu, wɔ mmerandeɛ kɔwa wɔ berɛ kyɛ bosue.

Edwein 98:3

Wakaye ye ɔdɔ bɔ onni ngasi ne, ɔne ye nahorɛlilɛ bɔ wala ye ali wahyire Yisrael awuro ama ne. Aseɛ so nekaa amukoraa banwu yɛ Nyameɛ ye ngoalelɛ ne.

Mateo 24:14

Na bɛkɔhã ahennie ne nwo nzɛmba he wɔ ewiase amukoraa maa ɔkɔyɛ adanzeɛ kɔma maen maen amukoraa; koraka ná afei ayieleɛ ne awa.

Mateo 28:19

Yiti ɛmɔhɔ bɛɛyɛ maen maen mukoraa m’asuafoɛ, ná ɛ́mɔbɔ bɛ asu wɔ Baba ne, Baa ne ne Sunzum Krongron ne dumaa nu,

Marko 16:15

Na ɔhã hyirele bɛ kyɛ, “Ɛmɔhɔ wiase amukoraa bɛɛhã nzɛmba ne behyire abɔdeɛ amukoraa.

Marko 4:8

Bakaammaa ne bie ooguale aseɛ paa so; befifili benyini, bebuale, na besuli, ebie aburasa, ebie aburasia, yeɛ ebie koso ɛyaa.”

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Yohane 17:19

Meyɛ me nwo krongron mema bɛ, amaa ɔnate so bɛ koso bayɛ krongron wɔ nahorɛ ne anu.

Yohane 4:23

Na mmerɛ ne ɔ́ba, na wawa, bɔ bɛ bɔ bɛsɔne nahorɛ nu ne, bɛkɔsɔne Baba ne wɔ sunzum nu ne nahorɛ nu; ofikyɛ sɔ mmenia ne yeɛ Nyameɛ pena kyɛ bɛsɔne ye ɔ.

Asomafoɛ 11:18

Agyidifoɛ ne tele ye sɔ nen, banga ye nwo hwee ko, na bɛyele Nyameɛ ayɛ kyɛ, “Nzaade Nyameɛ ama Amaenmaensofoɛ koso adwenesakyera nwo ate bɔ ɔfa bɛ kɔ daa ngoa nu ɔ.”

Asomafoɛ 12:24

Nyameɛ dwirɛ ne hɔle so trɛle, na agyidifoɛ ne yɛle pee.

Asomafoɛ 16:14

Né mmrasua ne ko li Lidia; ofi Tiatira. Né ɔtɔne ago. Ɔte Nyamesomniɛ, na Awurade bukyele ye adwene nu maa ɔyɛle asoɛ mane Pɔɔlo.

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Romanfoɛ 1:13

Aliɛmaa mɔ, mekuro kyɛ ɛmɔnwu ye kyɛ, mmerɛ pee yeɛ mayɛ m’adwene kyɛ ngɔɔpasa ɛmɔ nwo ɔ, amaa me nzɛmbahanɛ ne asakyera ɛmɔ nu bie, kyɛbɔ wayɛ wama Amaenmaensofoɛ ngaa nen, nakoso ɔyɛ a né nikyee foforɛ bie asi m’ate.

Romanfoɛ 15:19

nzɛngyerɛnneɛ ne anwanwadeɛ tumi so, Sunzum Krongron tumi so. Yiti mabɔ Kristo nzɛmba ne amukoraa nwo dawure mafi Yerusalem ne ye nwo nguro mɔ so maadwu Yilirikum.

Romanfoɛ 15:28

Yiti sɛ meyie sɔ adwuma ye, ná mefa ndoboa bɔ baye ne mema bɛ a, ngɔfa ɛmɔ berɛ ná matoa so mahɔ Sepania.

Romanfoɛ 16:26

nakoso afei de bala ye ali, na bɛnate bɔ ngɔmhyɛlɛfoɛ bɛhyerɛle ne aso bala ye ali bahyire maen amukoraati, kyɛbɔ Ɛdangama Nyameɛ ye ahyɛdeɛ te ne, amaa ɔnate so maen maen amukoraa bale bali ná bayɛ sotie bama ye.

2 Korintofoɛ 10:14

Na yɛndwe yɛ nu ma ɔndra so kyɛ ebiaa yandwu ɛmɔ berɛ ɔ, ofikyɛ yɛ yeɛ yɛlili moa yɛfale Kristo nwo nzɛmba ne yɛpɛle atee yɛtoale ɛmɔ ɔ.

2 Korintofoɛ 6:1

Yɛte bokafoɛ wɔ Nyameɛ adwuma nu, yiti yɛsrɛ ɛmɔ kyɛ, nnɛmɔma Nyameɛ adom bɔ ɛmɔanya ye ne yɛ mbaen.

Ɛfesofoɛ 3:2

Na mesusu kyɛ ɛmɔate Nyameɛ adwuma nwo adom bɔ ɛmɔ ti wafa walo me ne,

Ɛfesofoɛ 4:21

Ɛmɔate ye nwo dwirɛ amba, yeɛ bayɛ ngyerɛkyerɛ bahyire ɛmɔ wɔ ye nu, kyɛbɔ Yesu nu nahorɛ ne ɔte ne.

Ɛfesofoɛ 4:23

ná ɛ́mɔma bɛyɛ ɛmɔ foforɛ wɔ ɛmɔ adwene sunzum nu,

Ɛfesofoɛ 5:9

ofikyɛ kanea mmaa bɔ osu ne, ɔda ali wɔ bra paa ne tenenee ne nahorɛ amukoraa nu;

Filipifoɛ 1:11

ná tenenee mmaa bɔ ɔnate Yesu Kristo so yeɛ ɔba ne, wayi ɛmɔ nu tɛkyɛ wayɛ animnyam ne asennaa wama Nyameɛ.

Filipifoɛ 4:17

Nna kyɛ mepena akyɛdeɛ hɔ ɔ; na mmom mepena mmaa bɔ ɔkɔma ɛmɔ ngondaa ne kɔsone ɔ.

Kolosefoɛ 1:10

Na ɛhe kɔmaa ɛmɔkɔhora kɔbɔ bra bɔ ɔfata Awurade, ná ɔsɔ ye nye wɔ atee biala so. Na ɔkɔmaa ɛmɔkosu mmaa wɔ nnwumaa paa mukoraati nu, ná ɛmɔanyi Nyameɛ nimdeɛ nu.

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.

1 Tɛsalonikafoɛ 1:5

Ofikyɛ, nna yɛ noa dwirɛ ngome so yeɛ yɛnate yɛfale nzɛmba ne yɛbrɛle ɛmɔ ɔ; na mmom yɛnate tumi ne Sunzum Krongron koso so yeɛ yɛfa yɛbrɛle ɛmɔ ɔ, na yɛse ye pefee kyɛ nzɛmba ne te nahorɛ. Na ɛmɔse kyɛbɔ ɔnate ɛmɔ ti yɛsi yɛbɔle yɛ bra wɔ mmerɛ bɔ né yɛwɔ ɛmɔ berɛ ne ɔ.

1 Tɛsalonikafoɛ 2:13

Na ɛhe koso ati yeɛ yɛda Nyameɛ ase daa ɔ, ofikyɛ mmerɛ bɔ yɛfale Nyameɛ dwirɛ ne yɛbrɛle ɛmɔ nen, ɛmɔsɔle nu kyɛ nna kuro sona dwirɛ ɔ, na mmom kyɛ ɔte Nyameɛ dwirɛ amba; na ɛhe yeɛ ɛmɔ bɔ ɛmɔte agyidifoɛ ne, ɔyɔ adwuma wɔ ɛmɔ nu ɔ.

2 Tɛsalonika 2:13

Aliɛmaa mɔ bɔ Awurade kuro ɛmɔ dwirɛ ɔ, ɔte yɛ asɛdeɛ kyɛ ɔnate ɛmɔ ti daa yɛda Nyameɛ ase ɔ. Ofikyɛ Nyameɛ fi ahyɛaseɛ ne yeɛ waneanea nu waye ɛmɔ kyɛ ɛ́mɔnya daa ngoa, bɔ ɔnate Sunzum nu anwotelɛ ne nahorɛ gyidie nu ɔ.

1 Petro 5:12

Silwano bɔ mebu ye kyɛ ɔte aliɛmaa nahorɛniɛ ne, mafa ye so yeɛ mahyerɛ edwirɛ tikaape he mabrɛ ɛmɔ ɔ. Na mefa metu ɛmɔ foɛ ná medi adanzeɛ kyɛ, ɛhe te Nyameɛ nohorɛ adom ne, yiti ɛ́mɔgyina pindinn wɔ nu.