Kolosefoɛ 1:5 - AHYERƐLƐ KRONGRON

⁵ ɔnate anyelasoɛ bɔ ɔwɔ berɛ ma ɛmɔ wɔ nyameɛso. Na ɛhe yeɛ ɛmɔate ye dada wɔ nahorɛ dwirɛ bɔ ye ole nzɛmba ne,

Kolosefoɛ 1:5 Iomraidhean Croise

Edwein 31:19

Ao, wɔ lolɛ bɔ ahyehyɛ ato berɛ ama bɛ bɔ besuro wɔ ne, ɔyɛ nwanwa soma! Bɛ bɔ bɛnwati bɛbafea wɔ nu ne, ye yeɛ ɛfa bɔ bɛ nwo waen bɔ adasa bɛ nye tua ɔ!

Luka 12:33

Ɛ́mɔtɔne bɔ ɛmɔle ye ɔ ná ɛ́mɔfa bɛ́yɛ adɔeɛ; ɛ́mɔyɔ sikaa bɔtɔ mɔ bɔ bɛnyɛ daa ɔ bɛfa, ɔne agyapadeɛ bɔ benyie le ɔ wɔ nyameɛso, nekaa bɔ awuefoɛ bɛmma berɛ, ná mvrɔlɔ koso benni ɔ.

Asomafoɛ 10:36

Ɛmɔse edwirɛ bɔ ɔfa brɛle Yisrael ɔ, mmerɛ bɔ ɔnate Yesu Kristo so ɔbɔle asomdwee nzɛmba ne nwo dawure ne; ye yeɛ ɔte ebiala Awurade ɔ.

Asomafoɛ 13:26

“Aliɛmaa mɔ, Abraham bosofoɛ ne Amaenmaensofoɛ mukoraa bɔ besuro Nyameɛ ɔ, yɛ berɛ yeɛ Nyameɛ somane ngoalelɛ dwirɛ ne ɔ.

Asomafoɛ 23:6

Na mmerɛ bɔ Pɔɔlo nwuni kyɛ mmenia ne bue bɛte Sadusiifoɛ, ná bɛ bue koso bɛte Farasiifoɛ nen, ɔteane nu wɔ badwa ne anu kyɛ, “Aliɛmaa mɔ, nde Farasiiniɛ, Farasiifoɛ awa; na ɔnate awufoɛ etingyelɛ ne ye nwo anyelasoɛ ti yeɛ bébua me ndɛen ye”

Asomafoɛ 24:15

Na anyelasoɛ komapɛ bɔ ɔla berɛ ma me wɔ Nyameɛ nu kyɛ mmenia mukoraa, teneneefoɛ ne bɔnefoɛ, kodwɔso kofi awufoɛ nu ne koso ala yeɛ ɔla berɛ ma bɛ ɔ.

Romanfoɛ 10:8

Nzikyɛ yeɛ Ahyerɛlɛ ne ɔkã ɔ? “Edwirɛ ne apingye wɔ, ɔwɔ wɔ noa ne w’ahone nu,” (ye ole gyidie dwirɛ bɔ yɛbɔ ye dawure ne).

1 Korintofoɛ 13:13

Afei nningyein nza yeɛ bɛwɔ berɛ ɔ: gyidie, anyelasoɛ, yeɛ ɔdɔ, nakoso ɔdɔ di mu tra bɛ mu.

1 Korintofoɛ 15:19

Na sɛ ngoa he ngome nu yeɛ yɛle anyelasoɛ wɔ Kristo nu de a, né nzaade yɛyɛ anwumvo yɛtra mmenia mukoraa.

2 Korintofoɛ 5:19

kyɛ, Nyameɛ nate Kristo so wahwe ewiase wabata ye nwo, wammu bɛ bɔne nwo ngondaa wandia bɛ, na wafa ngabonu he nwo dawurebɔlɛ wawura yɛ sa.

2 Korintofoɛ 6:7

nahorɛ dwirɛ hanɛ nu, Nyameɛ tumi nu, yeɛ tenenee akodeɛ wɔ yɛ bɛen ne famaa so.

Galatiafoɛ 2:14

Na nwuni kyɛ bakwati nahorɛ bɔ ɔwɔ nzɛmba ne anu nen, nzele Petro wɔ bɛ mukoraa bɛ nyunu kyɛ, “Sɛ wɔ bɔ ɛte Yudaniɛ ɛbɔ wɔ bra kyɛ Amaenmaensoniɛ, na ɛnyɛ kyɛ Yudaniɛ a, nzu ati yeɛ ɛhyɛ Amaenmaensofoɛ kyengyekyengye maa bɛbɔ bɛ bra kyɛ Yudafoɛ ɔ?”

Galatiafoɛ 2:5

Na yɛ de, yamma bɛ ate mmerɛ kaala po, kyɛbɔ ɔkɔyɛ ná nahorɛ bɔ ɔwɔ nzɛmba ne anu ahɔ so atena berɛ ama ɛmɔ daa ɔ.

Galatiafoɛ 5:5

Na yɛ de, gyidie yeɛ yɛfa yɛnate Sunzum ne so bɔ yanya tenenee nwo anyelasoɛ ɔ.

Ɛfesofoɛ 1:13

Na ye nu yeɛ ɛmɔ koso, ɛmɔtele nahorɛ dwirɛ bɔ ɔte ɛmɔ ngoalelɛ nwo nzɛmba ne ɔ. Ye ala nu koso yeɛ ɛmɔle belili ɔ, na ɔfale Sunzum Krongron bɔ wahyɛ ye nwo bɔ ne hyɛle ɛmɔ nzorɛ kyɛ ɛmɔte ye deɛ,

Ɛfesofoɛ 4:21

Ɛmɔate ye nwo dwirɛ amba, yeɛ bayɛ ngyerɛkyerɛ bahyire ɛmɔ wɔ ye nu, kyɛbɔ Yesu nu nahorɛ ne ɔte ne.

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.

Kolosefoɛ 1:27

Na Nyameɛ apɛdeɛ ole kyɛ, ɔkɔma anwoteefoɛ konwu animnyam anwonya bɔ ɔwɔ mvealeɛ dwirɛ ne anu wɔ Amaenmaensofoɛ nu. Mvealeɛ nu dwirɛ ne ole Kristo bɔ ɔwɔ ɛmɔ nu ne, na ɔte animnyam ne nwo anyelasoɛ.

Kolosefoɛ 3:16

Ɛ́mɔma Kristo dwirɛ ne oyi ɛmɔ nu tɛkyɛ, ɛmɔhyirehyire ná ɛ́mɔfa nworɛ mukoraa betutu ɛmɔ nwo foɛ. Ɛ́mɔto sangoo dwein, ayɛyelɛ dwein, ɔne sunzum nu dwein bɔ ɔte ahone nu asennaa bɛ́ma Nyameɛ.

1 Tɛsalonikafoɛ 2:13

Na ɛhe koso ati yeɛ yɛda Nyameɛ ase daa ɔ, ofikyɛ mmerɛ bɔ yɛfale Nyameɛ dwirɛ ne yɛbrɛle ɛmɔ nen, ɛmɔsɔle nu kyɛ nna kuro sona dwirɛ ɔ, na mmom kyɛ ɔte Nyameɛ dwirɛ amba; na ɛhe yeɛ ɛmɔ bɔ ɛmɔte agyidifoɛ ne, ɔyɔ adwuma wɔ ɛmɔ nu ɔ.

2 Tɛsalonika 2:16

Na afei, Y’Awurade Yesu Kristo bɔbɔ ne yɛ Baba Nyameɛ, bɔ okuro yɛ dwirɛ, ná walo yɛ wama yɛ daa asomdwee ne anyelasoɛ paa ne,

1 Timoteo 1:15

Ɛhe te nahorɛ dwirɛ bɔ ɔsɛ kyɛ bede bɛto nu bɔkɔɔ ɔ, kyɛ Kristo Yesu wale wiase oolele bɔnefoɛ bɔ nde bɛ hene ne ngoa.

2 Timoteo 4:8

Na bɔ waha bɔ ɔla berɛ ma me ole tenenee abotire bɔ Awurade, ndɛenbualɛniɛ tenenee ne ɔkɔfa kɔbɔ m’aba so sɔ Kyẽa ne ɔ; bɔ nna me ngome, na mmom bɛ bɔ bekuro ye nwo aliyelɛ ne amukoraa koso ɔkɔbɔ b’aba so bie.

Tito 1:2

daa ngoa nwo anyelasoɛ nu, ngoa bɔ Ɛdangama Nyameɛ bɔ ɔmbɛ ngondombo ne ɔfa hyɛle bɔ koraka yeɛ ɔbɔ aleɛ ɔ;

Hebrifoɛ 7:19

ofikyɛ mmeraa ne amma nikyee biala anni mu. Nakoso atee foforɛ so de, anyelasoɛ bɔ ɔte paa tra daa deɛ ne wɔ berɛ, bɔ yɛfa so yɛpingye Nyameɛ ɔ.

1 Petro 2:2

Ɛmɔte kyɛ nnɔma bɔ bawo bɛ foforɛ ɔ, yiti ɛ́mɔpena sunzum nu nyɔfonesue bɔ ye nwo te ɔ, amaa ɔnate so ɛmɔanyi nu bahɔ ngoalelɛ nu,

1 Petro 3:15

na mmom ɛ́mɔma Awurade Kristo ɔyɛ krongron wɔ ɛmɔ ahone nu. Na mmerɛ biala, ɛ́mɔboaboa ɛmɔ nwo bésie, amaa sɛ ebie bisa ɛmɔ dwirɛ fa anyelasoɛ bɔ ɔwɔ ɛmɔ nu ne nwo a, ɛmɔahora baye ye noa bahyire ye wɔ anwobrɛaseɛ ne anidie nu.

2 Petro 1:12

Yiti mengobu me nye mengogua so kyɛ ngɔkaye ɛmɔ wɔ ɛhemɔ anwo daa biala, ɔwɔ nu kyɛ ɛmɔse sɔ dada, na ɛmɔatira ndii wɔ nahorɛ bɔ ɛmɔanya ye ne anu.

1 Yohane 3:3

Na ebiala bɔ ole sɔ anyelasoɛ ne wɔ Kristo nu ne, ɔte ye nwo kyɛbɔ Kristo nwo te ne.