Kolosefoɛ 1:2 - AHYERƐLƐ KRONGRON

² Yɛfa yɛbrɛ anwoteefoɛ ne aliɛmaa mɔ bɔ bedi nahorɛ wɔ Kristo nu bɔ bɛwɔ Kolose ɔ. Adom ne asomdwee bɔ ofi yɛ Baba Nyameɛ [ne Awurade Yesu Kristo] berɛ ɔyɛ ɛmɔ deɛ.

Kolosefoɛ 1:2 Iomraidhean Croise

Edwein 16:3

Krongronfoɛ bɔ bɛwɔ aseɛ ne aso ne, bɛ yeɛ bele animnyam ɔ, ná bɛ nu yeɛ m’anigye amukoraa wɔ ɔ.

Asomafoɛ 9:13

Na Anania buale kyɛ, “Awurade, mmeni pee bahã biaa he nwo dwirɛ, ɔne bɔne worawora bɔ wafa wali w’anwoteefoɛ wɔ Yerusalem ɔ bahyire me.

Romanfoɛ 1:7

Mekyerɛ mebrɛ ɛmɔ amukoraa bɔ Nyameɛ kuro ɛmɔ dwirɛ bɔ ɛmɔwɔ Rome, bɔ wafrɛ ɛmɔ kyɛ ɛmɔɔyɛ anwoteefoɛ ɔ. Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

1 Korintofoɛ 1:2

Yɛfa yɛbrɛ Nyameɛ asɔre bɔ ɔwɔ Korinto, bɛ bɔ ɔnate Yesu Kristo ti bafrɛ bɛ maa baayɛ krongron; mekyire ɛmɔ bɔ bafrɛ ɛmɔ ne bɛ bɔ bɛwɔ nekaa biala maa ɛmɔayɛ anwoteefoɛ, na ɛmɔ ne yɛ bɔ nu bɔ Yesu Kristo dumaa kyɛ y’Awurade ɔ.

1 Korintofoɛ 4:17

Ɛhe ati, mésoma mma Timoteo bɔ mekuro ye dwirɛ ná odi nahorɛ wɔ Awurade nu ne wɔ ɛmɔ berɛ, kyɛ ɔɔkayekaye ɛmɔ me Kristo nu brabɔlɛ, kyɛbɔ mekyirekyire ye asɔre biala nu wɔ nekaa biala ne.

Galatiafoɛ 1:3

Adom ne asomdwee bɔ ofi Baba Nyameɛ ne Awurade Yesu Kristo berɛ ɔyɛ ɛmɔ deɛ.

Galatiafoɛ 3:9

Abraham nyane gyidie, yiti ebiala bɔ ole gyidie ne, bayira ye ne Abraham.

Ɛfesofoɛ 1:1

Pɔɔlo bɔ ɔnate Nyameɛ pɛ so nde Kristo Yesu somafoɛ ne, mefa mebrɛ anwoteefoɛ bɔ bɛwɔ Ɛfeso bɔ bɛte Kristo Yesu nu agyidifoɛ ne.

Ɛfesofoɛ 6:21

Na kyɛbɔ ɔkɔyɛ bɔ ɛmɔ koso ɛmɔkonwu kyɛbɔ me nwo si te ɔ, ɔne bɔ meyɔ ne, aliɛmaa dɔfo Tihiko, bɔ ɔte Awurade nu somvoɛ nahorɛniɛ ne, ɔkɔfa ye mukoraa nwo amaneɛ kɔbɔ ɛmɔ.

Filipifoɛ 1:1

Pɔɔlo ne Timoteo, bɔ yɛte Kristo Yesu ngoaa, yɛfa yɛbrɛ Kristo Yesu nu anwoteefoɛ amukoraa bɔ bɛwɔ Filipi, bɔ neafoɛ mɔ ne asomvoɛ mɔ bɛboka so ɔ.

1 Petro 1:2

bɛ bɔ Baba Nyameɛ waneanea nu waye bɛ fi tetetete, bɔ ɔnate Sunzum Krongron so wate bɛ nwo wama Yesu Kristo nwo sotie ɔne ye mogya nu anwopetenɛ ne: Adom ne asomdwee mmorosoɛ ɔyɛ ɛmɔ deɛ.

2 Petro 1:2

Mesrɛ kyɛ adom ne asomdwee ɔyɛ pee ma ɛmɔ, wɔ Nyameɛ ne y’Awurade Yesu nwo nimdeɛ nu.

Yuda 1:2

Mesrɛ kyɛ anwumvoinnwunɛ, asomdwee ne ɔdɔ ɔsone pee ma ɛmɔ.

Nyekyire 1:4

Yohane yeɛ mefa mebrɛ asɔre nzoo bɔ bɛwɔ Asia ne ɔ: Adom ne asomdwee bɔ ofi bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, ɔne bɔ ofi Sunzum nzoo bɔ bɛwɔ ye ahennie bia ne anyunu ne,