Kolosefoɛ 1:19 - AHYERƐLƐ KRONGRON

¹⁹ Na ɔsɔle Nyameɛ nye kyɛ ye sue ne amukoraa kɔtena Kristo nu ɔ.

Kolosefoɛ 1:19 Iomraidhean Croise

Luka 10:21

Sɔ mmerɛ ne ala nu, olili ahurusi wɔ Sunzum nu, na ɔhane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ. Yoo, Baba, sɔ yeɛ ɔte nikyee bɔ ɔyɛ nyemene wɔ wɔ nyunu ɔ.

Yohane 1:16

Ɔnate ye adom totohyia ne aso yeɛ yɛ mukoraati yanya adom mmorosoɛ ɔ.

Yohane 3:34

Na bɔ Nyameɛ asoma ye ne, ɔkã Nyameɛ dwirɛ, ofikyɛ Nyameɛ fa Sunzum ne ɔma mmorosoɛ.

1 Korintofoɛ 1:21

Ɔnate Nyameɛ nworɛ (nhyehyɛleɛ) ne ati, adasammaa bangora bamva bɛ nworɛ so bannwu Nyameɛ. Yiti ɔsɔle Nyameɛ nye kyɛ ɔkɔfa edwirɛ bɔ yɛkã, bɔ bebu ye ngwaseasɛm ne aso kole bɛ bɔ bede bedi ne ngoa.

Ɛfesofoɛ 1:23

bɔ ɔte ye nipadua ne, bɔ ɔma nningyein mukoraa di mu wɔ nningyein mukoraa nu ne.

Ɛfesofoɛ 1:3

Animnyam hã Nyameɛ, y’Awurade Yesu Kristo Baba ne, bɔ wafa sunzum nu saleɛ amukoraa bɔ ɔwɔ nyameɛso wayira yɛ wɔ Kristo nu ne,

Ɛfesofoɛ 1:5

Na ɔneaneane nu yele yɛ siele berɛ kyɛ ɔnate Yesu Kristo so ɔkɔfa yɛ kɔyɛ ye mma, kyɛbɔ ye nhyehyɛleɛ botaeɛ te ne;

Ɛfesofoɛ 4:10

Na bɔ odwu wale ne, ye ala yeɛ ɔfo hɔle anwuro trale nyameɛso amukoraa ne, amaa wayi nningyein amukoraa nu tɛkyɛ.)

Kolosefoɛ 2:3

Na ye nu yeɛ bafa nworɛ ne nimdeɛ agyapadeɛ mukoraa basie ɔ.

Kolosefoɛ 2:9

Ofikyɛ ye nu yeɛ Nyameɛ sue mumua ne amukoraa ɔte ɔ wɔ nipadua nu ɔ.

Kolosefoɛ 3:11

Yiti Helaniɛ oo, Yudaniɛ oo; bienzuapɛlɛniɛ oo, bɛmbɛ-bɛ-bienzuafoɛ oo; pɔtɔniɛ oo, bɔ ye nye butu ase oo; akoaa oo, dehyeɛ oo, nzonzoleɛ biala nne b’afia, ofikyɛ Kristo wɔ berɛ ma bɛ mukoraa, na ɔte bɛ mukoraa bɛ nu.