Kolosefoɛ 1:18 - AHYERƐLƐ KRONGRON

¹⁸ Ɔte nipadua ne bɔ ye ole asɔre ne ti; ɔte nikyee biala ahyɛaseɛ, awufoɛ tingyelɛ nu farebae, na ɛhe maa ɔyɛ nningyein amukoraa nu bɔ oli moa ɔ.

Kolosefoɛ 1:18 Iomraidhean Croise

Edwein 89:27

Ngɔfa ye ngɔyɛ me bamuɛbaa, aseɛ so ahemvo amukoraa bɛ nu titire paa.

Edwein Nu Dwein 5:10

Me kurofoɛ ne, ɔte toburoo, na ɔgyegye, ɔda nzorɛ wɔ mmienzua apee buru nu.

Yesaya 52:13

Ɛ́mɔtie, okoyie me somvoɛ ne yé, bɛkɔma ye anidie ná bama ye so, na ɔkɔyɛ titire paa.

Mateo 23:8

Nakoso ɛmɔ de, onni kyɛ bɛfrɛ ɛmɔ: ‘kyerɛkyerɛniɛ’ ɔ, ofikyɛ ɛmɔ Kyerɛkyerɛniɛ te komapɛ, na ɛmɔ amukoraa bɛte aliɛmaa.

Mateo 28:18

Yeɛ Yesu pingyele bɛ nwo berɛ sele bɛ kyɛ: “Bafa nyameɛso ne aseɛ so tumi amukoraati bawura me sa.

Yohane 1:1

Ahyɛaseɛ ne, né Edwirɛ ne wɔ berɛ, né Edwirɛ ne ne Nyameɛ yeɛ bɛwɔ berɛ ɔ, na Edwirɛ ne ala yeɛ ɔte Nyameɛ ɔ.

Yohane 1:16

Ɔnate ye adom totohyia ne aso yeɛ yɛ mukoraati yanya adom mmorosoɛ ɔ.

Yohane 1:27

Ye ole bɔ oli me si ɔ́ba, bɔ memvata kyɛ mesangye ye mbaboa nyamaa po ɔ.”

Asomafoɛ 26:23

kyɛ Kristo ne konwu amaneɛ okoli moa kodwɔso kofi awufoɛ nu ná wabɔ kanea ne nwo dawure wahyire Yudafoɛ ne Amaenmaensofoɛ.”

Romanfoɛ 8:29

Bɛ bɔ onwuni bɛ siele ne, osa tuli bɛ siele berɛ, kyɛ benya Ɔwa ne sue ne bie, amaa ɔnate so wayɛ aliɛmaa mɔ pee nu bamuɛbaa.

1 Korintofoɛ 11:3

Na mepena kyɛ ɛmɔte ye bo kyɛ Kristo te bienzua biala mene, brasua koso ohu te ye mene, na Nyameɛ koso te Kristo mene.

1 Korintofoɛ 12:27

Ɛmɔte Kristo nipadua ne, na ɛmɔ nu ko biala te ye akwaa ne bie.

1 Korintofoɛ 15:25

Ofikyɛ ɔsɛ kyɛ odi hene maa okodwu kyɛ ɔkɔfa ye pɔfoɛ mukoraa kɔyɛ ye gya bo ndiasoɛ ɔ.

Ɛfesofoɛ 1:10

Na sɔ nhyehyɛleɛ ne kyire kyɛ mmerɛ ne adwu kyɛ ɔkɔboaboa abɔdeɛ amukoraa bɔ bɛwɔ nyameɛso ne aseɛ so noa ɔkɔbɔ nu wɔ Kristo nu.

Ɛfesofoɛ 5:23

Ofikyɛ huɛ ne ɔte yeɛ ne ti, kyɛbɔ Kristo koso ɔte asɔre ne ti ne, na ye yeɛ ɔte Ngoadefoɛ ma nipadua ne ɔ.

Kolosefoɛ 1:24

Na afei, ɔnate ɛmɔ ti me nye gye wɔ m’amaneɛnwunɛ nu; na menya Kristo amaneɛnwunɛ ne anu kyɛfa wɔ me nwonaen nu mema ye nipadua ne, bɔ ɔte asɔre ne.

Kolosefoɛ 2:19

Sɔ sona ne wapo kyɛ okotira Tire ne bɔ nipadua ne fa ye aporɔ so ne ye ndii so onya aleɛ ná ɔtoatoa nu ne, na onyi wɔ enyinɛ bɔ ofi Nyameɛ berɛ ɔ nu.

1 Yohane 1:1

Bɔ ɔwɔ berɛ fi ahyɛaseɛ ne, bɔ yate, bɔ yafa yɛ nye yanwu ye, bɔ yanea, ná yafa yɛ sa yahã ye, bɔ ɔfa ngoa dwirɛ ne anwo ne;

Nyekyire 1:18

ɔne bɔ ɔte ase ne. Nwuli, na tie, nde ase afebɔɔ, na ndira ewue ne ɛborɔ nzafoaa.

Nyekyire 1:5

ɔne bɔ ofi Yesu Kristo bɔ ɔte danzeniɛ nahorɛniɛ ne, awufoɛ nu bamuɛbaa ne aseɛ so ahemvo mɔ bɛ hene ne berɛ ne, ɔbra ɛmɔ so. Ye bɔ okuro yɛ dwirɛ, ná wafa ye mogya wanwunzi yɛ nwo wafi yɛ bɔne nu,

Nyekyire 1:8

Awurade nwa Nyameɛ nwa, “Me ole Alfa ne Omega ne, bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, nikyee biala so Tuminiɛ ne.”

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 21:6

Na osele me kyɛ, “Wayie! Me ole Alfa ne Omega, Ahyɛaseɛ ne Ayieleɛ. Ebiala bɔ nzuhɔen ku ye ne, ngɔfa ngoa asue ti nu nzue ngɔma ye kyɛkyɛ.

Nyekyire 22:13

Me ole Alfa ne Omega, ahyɛaseɛ ne ayieleɛ, bɔ oli moa ne bɔ ɔpɛ ye bo ɔ.”

Nyekyire 3:14

“Kyerɛ kɔma Laodikea asɔre ne anu abɔfo ne kyɛ: Amen, nahorɛniɛ ne nahorɛ danzeniɛ ne, Nyameɛ abɔdeɛ farebae ne, ye noa dwirɛ ɛhe: